 |  منکی کئی بھارتی اخبارات کی شہ سرخیوں میں رہی ہیں |
بھارت اور جنوبی افریقہ کے مابین کانپور میں کھیلا گیا ٹیسٹ اگرچہ ایک سیدھی وکٹ اور گہری دھند کی بنا پر اخباروں کی سرخیوں کی زینت نہ بن سکا لیکن جب کھیل کے میدان میں دیکھنے کو زیادہ کچھ نہ ہو تو بھارتی اخباروں میں دل بہلانے کو کچھ نہ کچھ ضرور مل جاتا ہے۔ بھارت میں کرکٹ کی مقبولیت کی بنا پر اخبارات کے کالم اس کھیل اور اس سے جڑی شخصیات کے بارے میں خبروں سے بھرے رہتے ہیں۔ کانپور ٹیسٹ کے پہلے دن بھارتی کپتان سارو گنگولی کو اخبارات میں’ کھیلوں کی بری شخصیات‘ میں سے ایک گردانا گیا۔ اس فہرست میں مائیک ٹائسن، جان میکنرو، گلین میگراتھ، ایرک کنٹونا اور رائے کین کے نام بھی شامل ہیں۔ اخبارات کی سرخیوں میں ایک اور نام جنوبی افریقہ کے کپتان گریم سمتھ کی دوست منکی وین ڈر ویستھیزؤن المعروف ’سلنکی منکی‘ کا بھی ہے۔ قارئین نےاس بیس سالہ ماڈل کی مختلف تصاویر کا لطف اٹھایا جن میں میچ سے لے کر شاپنگ اور پھر تاج محل کے دورہ کی تصاویر شامل تھیں۔ | 
یہ صفحہ دوست کو ای میل کیجیئے
پرِنٹ کریں
