صلاح الدین بی بی سی دِلی

بھارت کے وزیرِریلوے لالو پرشاد یادو

یہ فیصلہ ریاست بہار کے دارالحکومت پٹنہ کی ایک مقامی عدالت میں سی بی آئی کے ایک خصوصی جج یوگیندر پرساد نے لالو پرساد کی عرضی پر سماعت کے بعد دیا ہے۔

لالو یادو کے وکیل سی آر سنہا نے انکی طرف سے عدالت میں درخواست دی تھی کہ وہ صدر عرفات کے جنازے میں شرکت کے لیۓ جانا چاہتے ہیں
جس پر عدالت نےانہیں گیارہ اور پندرہ نومبر کے درمیان ملک سے باہر جانے کی اجازت دے دی ہے۔

اس سے قبل بد عنوانی کے ایک معاملے میں لالو پرساد یادو کا پاسپورٹ ضبط کر لیا گیا تھا اور انہیں کہا گیا تھا کہ بیرونِ ملک جانے سے پہلے انہیں عدالتی اجازت کی ضرورت ہے۔

لالو یادو عرفات کے جنازے میں ہندوستانی وفد کے ساتھ جائیں گے۔