پریمئیر میں ایشوریہ اور مارٹن دونوں موجود تھے

فلمی سیاروں کا خیر مقدم لال کے بجائے گلابی رنگ کےکارپٹ پر کیا گیا اور ہال کی سجاوٹ ہندوستانی کپڑے سے کی گئی تھی اور فلم شروع ہونے سے پہلے اسٹیج پر بھارتی رقص پیش کیا گیا ۔

فلم کی ڈائریکٹر گریندر چڈھا نے کہا کہ جس ناول کو جدید بنا کر اس میں ہندوستانی کرداروں کو ڈھالا گیا ہے۔انہوں نے بی بی سی سے بات کرتے ہوئے کہا کہ یہ فلم ان کی دوسری فلم ’بینڈ اٹ لائیک بیکہم‘ سے بھی زیادہ بڑی ہے۔

انہوں نے کہا کہ اتنے بجٹ میں میں تین بیکہم بنا سکتی تھی۔یہ انتہائی برٹش ایشین فلم ہے ۔

فلم میں ایک متوسط گھرانے کو دکھایا گیا ہے جو اپنی بیٹیوں کی شادی اعلٰی طبقے کے لڑکوں سے کرانا چاہتے ہیں۔دس ملین پاؤنڈز کی لاگت سے بنی یہ فلم جین آسٹن کے ناول میں دکھائے گئے منظر سے کوسوں دور ہے۔

اس فلم میں برطانیہ ہندوستان اور لاس اینجلس کی ماڈرن زندگی اور مناظر دکھائے گئے ہیں اور انگلش رومانس کو بالی ووڈ کے انداز میں پیش کیا گیا ہے۔

برطانیہ کے شہر ہرٹفرڈ شائر کا خاندان امرتسر کا بخشی خاندان بنا دیا گیا۔

للتا بخشی یا ایلزبیتھ بیننٹ کا کردار ایشوریہ رائے نے ادا کیا ہے۔

برطانیہ میں یہ فلم 8 اکتوبر کو رلیز ہوگی۔