ممبئی کی تقریبا آدھی آبادی کچی آبادیوں میں رہتی ہے۔

اس اسکیم کے ذریعے ہر "جھونپڑ پٹی" یا جھونپڑیوں کے علاقے سے سات خواتین اور تین مرد حضرات کو چنا جاتا ہے۔ یہ افراد ایک سرکاری پولیس افسر کے ساتھ پنچائت نامی ایک گروپ کے صورت میں کام کرتے ہیں۔ یہ اسکیم ابھی تک جرائم میں کمی میں بڑی کامیاب ثابت ہوئی ہے۔

بمبئی کے پولیسں کمشنر اے این رائے نے ورلڈ اربن فورم کو بتایاکہ اس اسکیم کو وسیع پیمانے پر عمل میں لایا جائےگا۔ اس کا آغاز پندرہ علاقوں سے کیا گیا تھا اور فی الوقت سو علاقوں میں پنچائت ہیں۔

عدم اعتماد:

اس وقت بھارت میں ایک سو پچاس ملین یعنی پندرہ کروڑ لوگ جھگیوں میں رہتے ہیں۔ تاریخی طور پر ان کچی آبادیوں میں پولیسں کے لیے معمول کے فرائص سرانجام دینا بہت مشکل ہوتا ہے کیونکہ پولیسں اور ان کچی آبادیوں کے مکین ایک دوسرے پر اعتبار نہیں کرتے۔ کمشنر اے این رائے کے مطابق پولیس جھگیوں کے تمام مکینوں کو مجرم سمجھتی ہے اور دوسری طرف جھگی کے مکین پولیسں کو ظالم گردانتے ہیں۔

"جھگیوں کے مکین پولیسں کو ظالم گردانتے ہیں" پولیسں کمشنر اے این رائے

زیادہ تر جرائم چھوٹے چھوٹے جھگڑوں پر ہوتے ہیں جیسے قطار کا توڑنا اور زمینوں کے جھگڑے۔ شراب نوشی بھی ان جھگڑوں کا باعث ہوتی ہے۔

تاہم ان جھگڑوں کا حل بہت مشکل ہوتا ہے کیونکہ فریقین مالی طور پر عدالتی حل کے متحمل نہیں ہو سکتے۔

پنچائتی نظام:

اس اسکیم کے تحت جھگیوں کے مکین اپنے جھگڑے پنچائت کے سامنے پیش کرتے ہیں۔ اگرچہ پنچائت ارکان کے سرکاری طور پر پولیس والوں جیسے اختیارات نہیں ہوتے لیکن انہیں بمبئی پولیسں کی طرف سے ایک بیج دیا جاتا ہے۔

اپنے سامنے پیش ہونے والے معاملات کی کارووائی کے دوران پنچائت کے ارکان فریقین کے دلائل ریکارڈ کرتے ہیں اور اس پر اپنا آزادانہ فیصلہ دیتے ہیں۔

خواتین کا تحفظ:

پنچائت کی ہیئتِ ترکیبی میں تین مردوں کے مقابلے میں سات خواتین کی نامزدگی کا مقصد بھی عورتوں پر ہونے والے تشدد کی بیج کنی ہے۔

پنچائت میں عورتوں کے موجودگی عورتوں پر مظالم کرنے والوں پر دباؤ کا باعث بنتی ہے۔ تجربہ نے یہ ثابت کیاہے کہ پنچائت میں موجود خواتین زیادہ جوش خروش سے خواتین کے حقوق کے لیے آواز اٹھاتی ہیں۔

جـھگیوں میں پولیس کے لئے اپنے فرائض سرانجام دینا بہت مشکل ہوتا ہے۔