حال ہی میں پولیس نے شہر کی طوائفوں اور بارز میں ہونے والے دیگر غیر قانونی سرگرمیوں کے خلاف سخت کارروائی شروع کی تھی۔

ممبئی میں تقریباً ساٹھ ہزار عورتیں مختلف بارز میں ناچ کر روزی روٹی کماتی ہیں۔ ان میں سے زیادہ تر نے اس مظاہرے میں حصہ لیا جس میں کئی مرد بھی شامل تھے۔

بارز کے مالکوں کی تنظیم ’بار اونرز اسوسی ایشن‘ نے دھمکی دی ہے کہ اگر پولیس کے چھاپے بند نہیں ہوئے تو وہ اپنے بارز بند کر کے بھوک ہڑتال کریں گے۔

ممبئی میں تقریباً دو ہزار بارز ہیں جنہیں شہر کے کردار کا ایک اہم حصہ تصور کیا جاتا ہے۔ بارز میں جانے والوں میں زیادہ تعداد خلیج سے آنے والے لوگوں کی ہوتی ہے۔

ان بارز میں ناچنے والی نوجوان لڑکیاں اکثر غربت کی وجہ سے اس پیشے کو اپناتی ہیں۔