علی سلمان
لاہور |  |
|  راج ببر کا کہنا ہے کہ دوست دشمن چھوڑے جا سکتے ہیں ہمسائے نہیں |
بھارتی اداکا راج ببر نے لاہور میں کہا ہے کہ پاکستان اور بھارت دو ہمسائے ہیں دوست اور دشمن کو تو چھوڑا جا سکتا ہے لیکن ہمسائے کو نہیں چھوڑا جاسکتا۔ وہ اتوار کو لاہور میں پیپلز پارٹی پارلیمنٹیرین کے جنرل سیکرٹری جہانگیر بدر کی کتاب ’ہاؤ ٹو بی اے لیڈر‘ کی تقریب رونمائی سے خطاب کر رہے تھے۔ تقریب کے مہمان خصوصی بھارتی اداکار و رکن پارلیمان راج ببر تھے۔ انہوں نے کہا کہ ہمسایہ اگر تجاوز کرے، گھر کے سامنے کوڑا پھینکے یا نالہ غلط جگہ پر بنائے تو تکلیف تو ہوتی ہے۔اس لیے ہمیں فیصلہ کرنا ہے کہ ہمسائے سے دوستی میں فائدہ ہے یا دشمنی میں۔ انہوں نے کہ ان کے خیال میں ہمسائے سے دوستی ہو تو معاملات بہتر رہتے ہیں۔ اردو زبان کا ذکر کرتے ہوئے انےہوں نے کہا کہ بھارت کے کچھ علاقوں میں بعض لوگ اسے مذہبی زبان قرار دیتے ہیں ایسا کہنے سے زبان کو نقصان پہنچتا ہے انہوں نے کہا کہ وہ اسے انسان کی زبان قرار دیتے ہیں۔ اس موقع پر پنجاب اسمبلی میں قائد حزب اختلاف قاسم ضیا نے کہا کہ دونوں اطراف کے بعض اراکین پارلیمان تو ملنا چاہتے ہیں لیکن پائیدار امن تب ہی ہوگا جب عوام کا دل ملے گا۔
| 
یہ صفحہ دوست کو ای میل کیجیئے
پرِنٹ کریں
