دونوں جماعتوں نے پچھلے سال شہر میں بم دھماکے کے خلاف احتجاج کے لیے ہڑتال کی کال دی تھی۔

شہر کے کچھ معززین نے بی جے پی اور شیوسینا کے خلاف مقدمہ دائر کیا تھا۔

بی جے پی اور شیوسینا کا کہنا ہے کہ ہڑتال کی کال دینا سیاسی جماعتوں کا حق ہے اور اس فیصلے کے خلاف ملک کی اعلی ترین عدالت سپریم کورٹ سے رجوع کریں گے اور فیصلے کو کالعدم کرانےکی کوشش کریں گے۔

عدالت کے دو رکنی بینچ نے اپنے فیصلے میں لکھا ہے کہ جرمانہ کی رقم ایک ایسے فنڈ کو دی جائے گی جو شہر یوں کو سہولتیں پہچانے کے لیے کام کرتا ہے۔

ممئبی کے لوگوں نے عدالت کے فیصلے کو سراہا ہے اور ان کا کہنا ہے کہ سیاسی جماعتوں کی طرف سے ہڑتال کی اپیلوں سے شہری زنذگی بری طرح متاثر ہوتی ہے اور ملک کا اقتصادی مرکز بند ہو کر رہ جاتا ہے ۔

مقدمہ کرنے والے شہریوں نے عدالت سے استدعا کی تھی کہ وہ دونوں جماعتوں کو پچاس ملین روپوں کا جرمانہ ادا کرنے کا حکم دے کیونکہ ہڑتال کی اپیلوں سے شہر کے کاروبار کو شدید دھچکا لگتا ہے ۔