 |  گوتم بدھ کے مجوزہ مجسمے کی کیمپیوٹر کی مدد سے بنائی گئی خیالی تصویر |
بھارتی ریاست اترپردیش میں حکام نے تصدیق کی ہے کہ وہ دنیا میں گوتم بدھ کا سب سے بڑا مجسمہ تخلیق کا ارادہ رکھتے ہیں۔ گوتم بدھ کا یہ سب سے بڑا مجسمہ خوشی نگر نامی قصبے میں تعمیر کیا جائے گا جہاں پچیس سو سال پہلے بدھا کی موت واقع ہوئی تھی۔ حکام کا کہنا ہے کہ گوتم بدھ کا مجوزہ مجسمہ کانسی سے بنایا جائے گا اور اس کی اونچائی ڈیڑھ سو میٹر سے زائد ہوگا۔ اب تک دستیاب معلومات کے مطابق دنیا میں گوتم بدھ کا سب سے بڑا مجسمہ جنوب مغربی چین میں ہے جو اٹھویں صدی میں تخلیق کیا گیا تھا۔ اس مجسمے کی اونچائی امریکی مجسمہِ آزادی سے تین گنا زیادہ ہو گی جو چھیالیس اعشاریہ پانچ میٹر اونچا ہے۔ خوشی نگر میں تعمیر کئے جانے والے مجسمے کے لیے سرمایہ اترپردیش کی حکومت اور جاپانی مذہبی ٹرسٹ مشترکہ طور پر فراہم کریں گے۔ | 
یہ صفحہ دوست کو ای میل کیجیئے
پرِنٹ کریں
