ڈاکٹر سنگھ کا بیان سرمایہ کاروں کو ڈرا گیا

بمبئی کی سینسیکس انڈیکس 1.4 فیصد کم ہو کر 4,932.11 پوائنٹس پر بند ہوئی۔

آئل اینڈ نیچرل گیس کارپوریشن (او این جی سی) کی حصص کے متعلق ان کے بیان سے کاروباری حلقے میں یہ تشویش پھیل گئی کہ اس کے بعد سرمایہ کاری کم ہو سکتی ہے۔

مارکیٹ کے کھلنے سے پہلے ہی من موہن سنگھ نے یہ بیان دے دیا تھا کہ وہ صرف ان صنعتی یونٹوں کی نجکاری کریں گے جو نقصان میں جا رہے ہیں۔

مارچ میں بی جے پی حکومت نے او این جی سی 2.3 ارب مالیت کے حصص فروخت کیے تھے۔