 |  راہل امیٹھی سے لڑیں گے |
ہفتے کے روز راہل گاندھی نے اپنے آبائی انتخابی حلقے امیٹھی میں بی بی سی اردو سروس کے رفعت جاوید سے بات کرتے ہوئے کہا کہ ان کے انتخابات میں حصہ لینے کے فیصلے پر اب تک امیٹھی کے لوگوں کا جو رد عمل آیا ہے وہ خاصا جذباتی ہے۔ امیٹھی والوں کے لیے راجیو گاندھی کے بعد راہل کا اسی حلقے سے انتخاب لڑنا ایک دیرینہ خواہش کے پورا ہونے سے کم نہیں ہے۔ بقول راہل میں اپنے لوگوں کے درمیان ہوں اور ان کے وہی مسائل ہیں، ٹوٹی سڑکوں کا ٹھیک کیا جانا، تعلیم اور صحت کے مسئلے میں انہی کے لیے کام کرنا چاہتا ہوں اسی لیے یہ فیصلہ کیا ہے۔ جہاں تک سوال ہے اتر پردیش (یوپی) میں کانگریس پارٹی کے مستحکم ہونے کا تو اس بارے میں پہلے سے کیا کہوں ’میں کوئی بھگوان تو نہیں‘۔ | بھارتی حزب اختلاف اور نہرو گاندھی خاندان  ’میں ان سب کی طرف دوستی کا ہاتھ بڑھاتا ہوں اور میری نیک تمنائیں ان کے ساتھ ہیں  راہل گاندھی |
بی بی سی اردو سروس کے اس سوال پر کہ اب تک خصوصا بی جے پی سمیت دیگر سیاسی جماعتوں کی طرف سے نہرو گاندھی خاندان پر جو تنقید کی جاتی رہی ہے راہل گاندھی کیا سمجھتے ہیں؟ تو ان کا کہنا تھا کہ ’میں ان سب کی طرف دوستی کا ہاتھ بڑھاتا ہوں اور میری نیک تمنائیں ان کے ساتھ ہیں‘۔راہل کا کہنا تھا نہرو گاندھی خاندان سے وابستگی کے فائدے بھی ہیں اور نقصانات بھی۔ بقول راہل جہاں اس خاندان نے انہیں ایک بڑی پہچان دی وہیں ان کے والد راجیو گاندھی کی موت نے ان کی اور انکی بہن پریانکا کی شخصیتوں کو یکسر بدل ڈالا ہے۔ |  بھارتی سیاست کے نئے چہرے |
بقول راہل ’راجیو کی موت کے بعد ہم نے زندگی کے بہت سے اتارچڑھاؤ دیکھے اور انہی سب کے بعد میں نے سیاست میں آنے کا فیصلہ کیا‘۔ سیاست سے ہٹ کر اگر لوگ راہل کو جاننا چاہیں تو راہل کے مشاغل کیا ہیں؟ اس سوال پر راہل کا جواب تھا کہ وہ کتابیں پڑھنا پسند کرتے ہیں۔ مختلف ممالک کی تاریخ ثقافت اور سیاست کے بارے میں معلومات جمع کرنا راہل کا مشغلہ ہے۔ آج کل راہل افغانستان پر اپنی معلومات میں اضافے کے لیے کئی کتابیں پڑھ رہے ہیں۔ | 
یہ صفحہ دوست کو ای میل کیجیئے
پرِنٹ کریں
