అవకాడో: ఇవి పండ్లు కాదు.. పచ్చ బంగారం..

కెన్యాలో అవకాడో సాగు మంచి లాభాలను తెచ్చిపెడుతోంది. దీంతో వీటిని సాగుచేసే వారిని క్రిమినల్ గ్యాంగ్‌లు లక్ష్యంగా చేసుకుంటున్నాయి.

ఇక్కడ ఒక చెట్టు నుంచి వచ్చే పండ్లతో ఒక పదో తరగతి విద్యార్థి ఏడాదిపాటు ప్రైవేటు స్కూళ్లో హాయిగా చదువు పూర్తిచేయొచ్చు. అంటే దాదాపు ఒక చెట్టు నుంచి రూ.44,550 (600 డాలర్లు) వరకు లాభం వస్తుంది.

అమెరికా, ఐరోపాలలో ఈ పండ్లకు డిమాండ్ పెరుగుతోంది. అదే సమయంలో ఆఫ్రికా నుంచి వీటిని అత్యధికంగా ఎగుమతి చేసే దక్షిణాఫ్రికా స్థానాన్ని గత ఏడాది కెన్యా భర్తీ చేసింది.

‘‘పచ్చ బంగారం (గ్రీన్ గోల్డ్)’’గా పిలుస్తున్న ఈ పంటను రక్షించుకునేందుకు కొన్నిచోట్ల అవకాడో రక్షణ బృందాలు ఏర్పాటు చేస్తున్నారు.

మురంగా కౌంటీలోని ఓ పొలంలో రాత్రి అవుతూనే ఆరుగురు వ్యక్తులు రెయిన్ కోట్లు వేసుకొని చేతిలో టార్చిలైట్లు, కత్తులు పట్టుకుని తమ పనిని మొదలుపెడుతూ కనిపించారు.

విలువైన అవకాడోలు దొంగల చేతికి చిక్కకుండా కాపుకాయడమే వీరి పని.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)