Arolwg iard chwarae - Mesur arwynebedd

micro:bit - cewri codio > arolwg iard chwarae

Does dim modd i chi gyflwyno data bellach, ond gallwch chi barhau i gwblhau’r gweithgareddau gyda’ch dosbarth.

Gweithgaredd casglu data dosbarth cyfan sy’n defnyddio’r BBC micro:bit fel cyfrifiannell pellter (distance calculator) i fesur pellteroedd o fewn iard chwarae’r ysgol. Bydd y disgyblion yn defnyddio’r pellteroedd hyn i gyfrifo arwynebedd. Bydd y disgyblion yn ateb y cwestiwn:

Beth yw arwynebedd yr iard chwarae?

Gwylio’r fideo

• I gwblhau’r gweithgaredd arolwg hwn, byddwch chi angen y cyfarwyddiadau defnyddiol i athrawon a’r daflen waith i ddisgyblion.
• Ymchwiliad mathemategol yw’r gweithgaredd hwn yn bennaf. Mae’n edrych ar fesur hyd/pellter a chyfrifo arwynebedd gan ddefnyddio mesurau safonol. Bydd y disgyblion yn cael cyfle i ddefnyddio unedau mesur a dulliau mesur safonol ac ansafonol.
• Bydd cyfleoedd i drafod pwysigrwydd cymryd mesuriadau gofalus a chywir a sut y gallai gwahanol offer mesur effeithio ar hynny, yn ogystal â defnyddio rhagdybiaethau o’r byd go iawn a mesuriadau safonol.

• Cyfrifiadureg/TGCh: Mewnbynnau ac allbynnau; Newidynnau; Digwyddiadau.
• Mathemateg a Rhifedd: Hyd; Arwynebedd; Unedau mesur; Cyfartaleddau; Cyfrifiad.
• Daearyddiaeth/Dyniaethau: Gwaith maes (gwneud bras-fapiau).

• Cyflwyniad a chynllunio: Datblygu sgiliau amcangyfrif arwynebedd a datrys problemau sy'n ymwneud â mesur (Mathemateg a Rhifedd)
• Codio dewisol: Dylunio, ysgrifennu a dadfygio rhaglenni sy’n cyflawni nodau penodol gan gynnwys defnyddio ac egluro algorithmau; Gweithio gyda newidynnau a gwahanol fathau o fewnbwn ac allbwn (Cyfrifiadureg/TGCh)
• Gwaith maes: Cymryd rhan mewn ymholiad/arolwg, casglu data gan ddefnyddio amrywiaeth o ddulliau, a defnyddio’r data i ateb cwestiwn (Gwyddoniaeth/Daearyddiaeth/Dyniaethau)
• Dadansoddi a chofnodi data: Defnyddio unedau mesur cyffredin, trosi rhwng unedau mesur cysylltiedig a gwneud cyfrifiadau wrth ddatrys problemau; Cyfrifo a dehongli’r cymedr fel cyfartaledd (Mathemateg a Rhifedd); Dehongli gwybodaeth yng nghyd-destun cwestiwn ymholiad (Mathemateg a Rhifedd/Daearyddiaeth/Dyniaethau).

• Mathemateg a Rhifedd: Mesur perimedr yr iard chwarae, neu wahanol fathau o ardaloedd chwarae – defnyddiol ar gyfer cwestiynau am gost ffensys, faint o baent sydd ei angen ar gyfer peintio llinellau – gwnewch yn siŵr eich bod yn defnyddio cwestiynau’r byd go iawn; Cymharu mesuriadau safonol/ansafonol drwy ailadrodd y gweithgaredd gan ddefnyddio tapiau mesur/prennau metr; Cyfrifo’r gymhareb rhwng arwynebau synthetig ac arwynebau naturiol yn eich iard chwarae.
• Cyfrifiadureg/TGCh: Defnyddio offer mapio digidol i gymryd sgrinluniau o dir yr ysgol i’w defnyddio ar gyfer mesuriadau cymharu; trafodaethau ar gywirdeb dyfeisiau rhifo camau a chyfyngiadau technoleg; Gallai’r disgyblion archwilio sut i newid y cod i ddefnyddio mewnbwn gwahanol yn hytrach na chlicio i gofrestru camau.
• Daearyddiaeth/Dyniaethau: Gwaith maes: creu eu bras-fapiau eu hunain o’r iard chwarae gan ddefnyddio symbolau ac allwedd i adnabod nodweddion – e.e. mathau o arwyneb.
• Dylunio a Thechnoleg: Dylunio cês neu flwch i ddiogelu’r micro:bit ac i helpu’r defnyddiwr i'w weithredu'n gywir fel cyfrifiannell pellter.
• Saesneg: Ysgrifennu llythyr i ddweud wrth rywun am eich canfyddiadau.

Rhagor o adnoddau BBC micro:bit - arolwg iard chwarae