அஜாஸ் பட்டேல்: இந்தியாவுக்கு எதிராக 10 விக்கெட்களையும் கைப்பற்றிய நியூசிலாந்து பந்துவீச்சாளர்

இந்தியா மற்றும் நியூசிலாந்து கிரிக்கெட் அணிகளுக்கு இடையே மும்பை வான்கடே மைதானத்தில் நடந்து வரும் 2வது டெஸ்ட் போட்டியின் முதல் இன்னிங்சில் நியூசிலாந்து அணியை வெறும் 62 ரன்களுக்கு சுருட்டியுள்ளது இந்திய அணி.

இந்திய அணிக்காக அதிகபட்சமாக ரவிச்சந்திரன் அஸ்வின் எட்டு ரன்கள் மட்டுமே கொடுத்து நான்கு விக்கெட்டுகளைக் கைப்பற்றினார்.

முகமது சிராஜ் மூன்று விக்கெட்டுகளையும் அக்சர் பட்டேல் இரண்டு விக்கெட்டுகளையும், ஜெயந்த் யாதவ் ஒரு விக்கெட்டையும் கைப்பற்றினர்.

முன்னதாக முதல் இன்னிங்சில் இந்திய அணி அனைத்து விக்கெட்டுகளையும் இழந்து 325 ரன்கள் எடுத்திருந்தது.

நியூசிலாந்து அணி முதல் இன்னிங்சில் 62 ரன்கள் எடுத்ததுதான் இந்திய அணிக்கு எதிராக டெஸ்ட் போட்டியில் அந்த அணி எடுத்த மிகவும் குறைந்தபட்ச ஸ்கோர்.

ஓர் அணியாக நியூசிலாந்துக்கு இது மகிழ்ச்சிகரமான செய்தி இல்லை என்றாலும் நியூசிலாந்து பந்துவீச்சாளர் அஜாஸ் பட்டேல் டெஸ்ட் கிரிக்கெட் வரலாற்றில் மிகவும் கவனிக்கத் தகுந்த சாதனை ஒன்றை இந்தியாவுக்கு எதிராகப் படைத்துள்ளார்.

முதல் இன்னிங்சில் இந்திய அணியின் பத்து விக்கெட்டுகளையும் கைப்பற்றிய இருந்தார் அஜாஸ் பட்டேல்.

இதற்கு முன்பு 1956இல் ஆஸ்திரேலியாவுக்கு எதிரான டெஸ்ட் போட்டியில் இங்கிலாந்து கிரிக்கெட் வீரர் ஜிம் லேகர் மற்றும் 1999இல் பாகிஸ்தானுக்கு எதிரான டெஸ்ட் போட்டியில் இந்திய அணியின் அனில் கும்ளே ஆகிய இரண்டு பந்துவீச்சாளர்கள் மட்டும்தான் ஒரே இன்னிங்ஸில் அனைத்து விக்கெட்டுகளையும் கைப்பற்றிய சாதனையைப் படைத்திருந்தனர்.

தற்போது அதை மூன்றாவது நபராக அதைச் செய்திருக்கிறார் 33 வயதாகும் அஜாஸ் பட்டேல்.

அவர் குறித்த சில சுவாரசியமான தகவல்களை இங்கே பார்க்கலாம்.

பிற செய்திகள்:

சமூக ஊடகங்களில் பிபிசி தமிழ் :