ராஜீவ் காந்திக்கு பிடித்த தூத்துக்குடி மக்ரூன், புகைப்படம் எடுக்கும் ஆர்வம் - பிறந்தநாள் பகிர்வு

ராஜீவ் காந்தி

பட மூலாதாரம், Getty Images

முன்னாள் பிரதமர் ராஜீவ் காந்தியின் 78வது பிறந்தநாள் இன்று. அவர் 1944ம் ஆண்டு பிறந்தார். ராஜீவ் காந்தி 1980 ஆம் ஆண்டு அவரது சகோதரர் சஞ்சய் இறந்த பிறகு இந்திய அரசியலில் காலடி எடுத்து வைத்தார்.

அவரது தாயாரும் அன்றைய பிரதமருமான இந்திரா காந்தியின் ஆலோசகராகவும்,நாடாளுமன்ற உறுப்பினராகவும் பணியாற்றினார். 1984ஆம் ஆண்டு அவர் தாய் படுகொலை செய்யப்பட்ட சில காலத்திற்கு பிறகு, அவர் பிரதமராக பதவி ஏற்றார்.

அவரைப் பற்றி அதிகம் அறியப்படாத சில தகவல்களை இங்கே பார்க்கலாம்.

  • ராஜீவ் காந்திக்கு புகைப்படம் எடுப்பது மிகவும் பிடித்த பொழுதுபோக்காக இருந்தது. அவரது புகைப்படங்களை வெளியிட பல பதிப்பாளர்கள் கேட்டனர். ஆனால், அதனை அவர் மறுத்துவிட்டார். அவர் மறைவுக்கு பிறகே, அவரது மனைவி சோனியா காந்தி 1995ஆம் ஆண்டு, அவர் நாற்பது ஆண்டுகளாக எடுத்த புகைப்படங்கள் கொண்ட புத்தகத்தை வெளியிட்டார்.
ராஜீவ் காந்தி

பட மூலாதாரம், Getty Images

  • இந்தியாவின் பிரதமர்களுள் தனது காரை தானே ஓட்டும் வழக்கம் கொண்டவர் ராஜீவ் காந்தி. அவர் தனது தேர்தல் பிரச்சாரங்களின் போதும், அவர் தனது காரை ஓட்டி செல்வார்.
தூத்துக்குடி மக்ரூன்

பட மூலாதாரம், Getty Images

படக்குறிப்பு, தூத்துக்குடி மக்ரூன்
  • ஒவ்வொரு முறை அவர் தமிழ்நாடு வரும்போதும், அவரது விருந்து நிகழ்ச்சியில் தவறாமல் இருப்பது மக்ரூன்ஸ். தூத்துக்குடியில் உள்ள கணேஷ் பேக்கரி என்ற கடையில் இருக்கும் மக்ரூன்ஸ் மட்டும்தான் ராஜீவ் காந்திக்கு பிடிக்குமாம். அவர் தமிழ்நாடு வரும்போதெல்லாம் இங்கு இருந்துதான் மக்ரூன்ஸ் வாங்கி சாப்பிடுவாராம்.
  • ராஜீவ் காந்தி அரசியல் களத்திற்கு வருவதற்கு முன், பைலட்டாக பணியாற்றியவர்.
  • முதலில், அவர் அரசியலில் அதிகம் ஆர்வம் இல்லாதவராக இருந்தார்.

இந்திரா எமர்ஜென்சியை அறிவித்தது ஏன்? அந்த அரை மணி நேரத்தில் நடந்தது என்ன?

மே 21: ராஜீவ் காந்தி மரணமும், வழக்கு கடந்து வந்த பாதையும்

ராஜீவ் படுகொலை: நார்வே முன்னாள் தூதரிடம் ஆன்டன் பாலசிங்கம் வெளியிட்ட முக்கிய தகவல்

  • ஊழலை ஒழிக்க பல முயற்சிகளை அவர் எடுத்தபோதும், 'போஃபர்ஸ்' ஊழல் உட்பட பல்வேறு ஊழல் புகார்கள் அவர் மீதும், காங்கிரஸ் மீது அப்போது சுமத்தப்பட, அவரை 'மிஸ்டர் க்ளின்' என்று அழைப்பது நின்றுபோனது.
ராஜீவ் காந்தி

பட மூலாதாரம், Getty Images

  • நேரு குடும்பத்தில் இருந்து கடைசியாக பிரதமராகப் பதவி வகித்தவர் அவரே.
  • அவர் ஸ்ரீபெரும்புதூரில் 1991ம் ஆண்டு மே 21ம் தேதி படுகொலை செய்யப்பட்டார்.
YouTube பதிவை கடந்து செல்ல
Google YouTube பதிவை அனுமதிக்கலாமா?

இந்தக் கட்டுரையில் Google YouTube வழங்கிய தகவல்கள் இடம் பெற்றுள்ளன. குக்கி மற்றும் பிற தொழில்நுட்பங்கள் பயன்படுத்தப்படக்கூடும் என்பதால் எந்த ஒரு பதிவேற்றத்துக்கும் முன்னதாக உங்கள் அனுமதியைக் கோருகிறோம். அதை ஏற்றுக்கொள்வதற்கு முன்பாக, நீங்கள் Google YouTube குக்கி கொள்கை மற்றும் தனியுரிமைக் கொள்கையை அறிந்துகொள்ள விரும்பலாம். இந்த தகவலைப் படிக்க, `ஏற்றுக்கொண்டு தொடரவும்' என்பதைத் தேர்வு செய்யவும்.

எச்சரிக்கை: வெளியார் தகவல்களில் விளம்பரங்கள் இருக்கலாம்

YouTube பதிவின் முடிவு

சமூக ஊடகங்களில் பிபிசி தமிழ்: