Tanzania na Kenya zawekwa kundi moja AFCON 2019

Moja kwa moja

1. 12 Aprili 2019AFCON 2019: Watanzania mitandaoni waonesha matumaini

2. 12 Aprili 2019AFCON 2019: Je Wakenya waliopo katika mitandao walikuwa na yapi ya kusema?

3. 12 Aprili 2019Droo ya kombe la mataifa ya Afrika AFCON 2019

4. 12 Aprili 2019Nani kucheka, nani kulia?

   Hatimaye makundi sita ya mchuano wa Kombe la Mataifa ya Africa, Afcon 2019 yamepangwa.

   Kwa ukanda wa Afrika Mashariki, kwa vyoyote vile habari kubwa kwa sasa ni Kundi C ambalo linaundwa na mataifa jirani ya Kenya na Tanzania.

   Mataifa hayo, yanaungana pamoja na vigogo wa mpira wa Afrika mataifa ya Senegal na Algeria.

   Kwa upande wa Uganda wao wapo Kundi A pamoja na wenyeji Misri, DR Congo na Zimbabwe.

   Burundi wapo kwenye Kundi B pamoja na Nigeria, Madagascar na Guinea.

5. 12 Aprili 2019Kundi F

   • Cameroon,
   • Ghana,
   • Benin,
   • Guinea-Bissau

6. 12 Aprili 2019Kundi E

   • Tunisia
   • Mali
   • Mauritania
   • Angola

7. 12 Aprili 2019Kundi D

   • Morocco,
   • Ivory Coast,
   • South Africa,
   • Namibia

8. 12 Aprili 2019Kundi C

   • Senegal
   • Algeria
   • Kenya
   • Tanzania

9. 12 Aprili 2019Kundi B

   • Nigeria
   • Guinea
   • Madagascar
   • Burundi

10. 12 Aprili 2019Kundi A

    • Misri
    • DRC
    • Uganda
    • Zimbabwe

11. 12 Aprili 2019Sherehe bomba! Muda je?

    Watu mbali mbali barani Afrika wamekuwa wakiimwagia sifa Misri kwa sherehe kemkem zinazoendelea kwenye Mapiramidi ya Giza.

    Misri imechukua jukumu la kuandaa mashindano hayo dakika za mwisho baada ya Cameroon ambao ndio walikuwa waandaaji kufeli dakika za mwisho.

    Hata hivyo, ilitangazwa kuwa droo hiyo itapangwa saa 3 usiku kwa saa za Afrika lakini mpaka baada ya saa moja na nusu baadae, bado droo ilikuwa haija pangwa.

    Hali hiyo imeoneka pia kuwaudhi baadhi ya watu.

12. 12 Aprili 2019Timu moja katika kila chungu itaunda kundi la timu nne

13. 12 Aprili 2019Mara ya mwisho Ghana kushinda kombe hilo

14. 12 Aprili 2019Droo ya AFCON inaendelea kwa sasa

15. 12 Aprili 2019Harambee Stars ya Kenya kuzawadiwa ksh.250,000 kwa kila ushindi AFCON

16. 12 Aprili 2019Burundi yafuzu kombe la mataifa ya Afrika kwa mara ya kwanza

    Burundi ilifuzu katika kombe la mataifa ya Africa AFCON kwa mara ya kwanza baada ya kumzuia mshambuliaji wa Gabon na Arsenal Pierre-Emerick Aubameyang wakitafuta droo ya 1-1.

    Huku Burundi ikihitaji droo ya 1-1, wageni Gabon walioandaa fainali za kombe la 2017, walihitaji kupata ushindi ili kujiunga na washindi wa kundi C Mali katika kinyang'anyiro hicho kilichopanuliwa na kushirikisha timu 24 nchini Misri kuanzia mwezi Juni na Julai.

    Mshambuliaji wa klabu ya Stoke City nchini Uingereza Saido Berahino aliiongoza miamba hiyo ya Afrika mashariki.

    Burundi inajiunga na Madagascar pamoja na Mauritania miongoni mwa mataifa yatakayoshiriki fainali hizo kwa mara ya kwanza huku ufanisi wao ukizua sherehe katika taifa hilo.

    Katika kipindi chote cha mechi hiyo Burundi ilizuiliwa na kipa wa siku nyingi wa Gabon Didier Ovono kabla ya Cedric Amissi kufunga bao la pekee dakika ya 75.

    Hatahivyo sherehe hizo zilizuiliwa hadi katika kipenga cha mwisho wakati Gabon ilipofuzu baada ya beki wa Burundi kujifunga.

17. 12 Aprili 2019Nyota wa kandanda wamiminika Misri

    Mambo yameiva nchini Misri na muda wowote kutoka sasa droo itaanza kupangwa.

    Wachezaji nyota wa zamani barani Afrika wakiongozwa na Yaya Toure, Didier Drogba, Elhadji Diouf na Mustafa Hajd wote wamefika katika ukumbi itakapofanyika shughuli hiyo.

    Hii ni mara ya kwanza kwa mashindano ya Afcon kuongezwa idadi ya timu shiriki toka 16 mpaka 24.

18. 12 Aprili 2019Kocha wa Tanzania 'aongea kiarabu'

    Emmanuel Amunike ni moja ya wachezaji maarufu wa zamani wa timu ya taifa ya Nigeria.

    Ameongeza umaarufu wake barani Afrika baada ya kuipeleka Tanzania kwenye michuano ya Afcon baada ya makocha wengine kushindwa kwa miaka 39.

    Lakini je unajuwa gwiji huyo anaambulia lugha ya kiarabu?

    Michuano ya Afcon ya mwaka huu inafanyikia Misri, na Amunike alishawahi kuishi nchini humo toka mwaka 1991 mpaka 1994 akichezea klabu kongwe ya Zamalek.

    Mtizame mwenyewe kwenye video hiyo chini 'akimwaga' kiarabu.

19. 12 Aprili 2019Uganda yafuzu mara ya pili mfululizo

    Tofauti na Tanzania ambao walitupwa nje kwa miaka 39, Kenya waliosubiri kwa miaka 15 ama Burundi ambao wamefuzu kwa mara ya kwanza, hii ni mara ya pili mfululizo kwa Uganda kushiriki michuano ya Afcon.

    Uganda walishiriki michuano hiyo miaka miwili iliyopita (2017) nchini Gabon na kutolewa kwenye hatua ya makundi.

    Kabla ya 2017, Uganda nao walisubirikwa miongo mitatu kufuzu.

    Uganda ilifuzu katika nafasi ya kwanza kwenye kundi L ikufuatiwa na Tanzania katika nafasi ya pili.

20. 12 Aprili 2019Habari za hivi punde, Hivi ndivyo timu zilivyopangwa kabla ya droo