Kesi ya uhaini ya Tundu Lissu imeendelea leo, huku upande wa mashtaka ukifunga ushahidi. Lissu amesema hana kesi ya kujibu, lakini Jamhuri inasema anayo. Mahakama itaamua kuhusu hilo Ijumaa, Agosti 21, 2026
Muhtasari
Lissu: 'Upande wa mashtaka umeshindwa kuthibitisha kesi dhidi yangu'
Lissu: 'Sina shida na kufungwa kwa kesi'
Serikali yafunga ushahidi wake dhidi ya Tundu Lissu
Wakili wa Serikali: Kwanza, tunaomba hilo la kulipwa fidia tuliache kwanza.
Mawasilisho yetu yanatokana na makosa ambayo mshtakiwa ameshtakiwa nayo. Tunaona ana kesi ya kujibu.
Mshtakiwa alitengeneza nia ya kuzuia uchaguzi na kwa nia ya kuitishia Serikali ya Jamhuri ya Muungano.
Mahakama yenu haipaswi kuangalia uzito na credibility ya ushahidi katika hatua hii. Haya si maneno yangu, ni maneno ya Court of Appeal of Tanzania, katika kesi ya Philipo Mtonda, Criminal Appeal No. 217.
Kwa kuzingatia shtaka ambalo mshtakiwa ameshtakiwa nalo, kama ushahidi unatosha kumtia hatiani, na katika hati yetu ya mashitaka, utagundua viini vitatu:
Kwanza, je, mshtakiwa ni mwenye kosa dhidi ya Jamhuri?
Pili, je, mshtakiwa alitengeneza nia ya kufanya kosa?
Na tatu, je, alifanya kitendo kinachohusiana na kosa hilo?
Kama alivyoeleza PW16, maneno ya mshtakiwa yalilenga kuitishia Serikali, kwa maana kwamba Serikali ndiyo mlizi wa sheria.
Na kwa maneno yale kulikuwa na nia ya kuvuruga uchaguzi.
PW3 alisema hivyo, na sisi tunakubaliana kama walivyosema mashahidi wetu.
Na sisi tunaona mshtakiwa anapaswa kupewa nafasi ya utetezi. Kwa sababu, kwa mujibu wa hati ya mashitaka, nia ya kosa ilithibitishwa kwa kutoa kauli na kuchapisha kauli ili umma uwe instigated (kuchochea umma)
Na mashahidi wa kutosha tumewaleta hapa mahakamani.
Kwa hiyo, kitendo cha kutoa na kuchapisha kauli hizo, kama hati ya mashitaka ilivyo, kitendo kile kinaonyesha nia (ya kufanya kosa).
PW1 alisema walimpa mshtakiwa nafasi (ya kujieleza), ili aoneshe kama kulikuwa na maana nyingine zaidi ya kuitishia Serikali.
Na mshtakiwa aliomba atoe ushahidi Mahakamani.
Kwa hiyo, kwa ushahidi wote huo, mshtakiwa atiwe hatiani (kwenye hatua hii apewe nafasi ya kujitetea) na atoe utetezi wake.
Ni hayo tu, waheshimiwa majaji.
Jaji Dunstan Ndunguru:
“Tunachohitaji ni muda tusome (mawasilisho, na tutatoa uamuzi tarehe 21 saa tano asubuhi.”
Shauri limeahirishwa hadi tarehe 21 Agosti 2026 saa tano asubuhi.
Lissu: 'Upande wa mashtaka umeshindwa kuthibitisha kesi dhidi yangu'
Lissu: Baada
kusikiliza ushahidi wao na mashahidi wao 17 naomba kutoa hoja kwenu majaji
kwamba upande wa mashitaka umeshindwa kabisa kuthibitisha kwamba kuna kesi ya
uhalifu ya kuiwezesha mahakama hii kumtaka mshitakiwa ajiteteee
Lissu: asa
waheshimiwa majaji 'prima face case' ni ushahdi unaotolewa na upande wa mashitaka
na usipojibiwa na upande wa utetezi mahakama inaweza kumhukumu huyo mtuhumiwa, na kwa kesi kama ya uhaini anahukumiwa kifo.
Kwa hiyo, ili mshtakiwa ahitajike kujitetea, lazima masharti ya kifungu cha 312, baada ya upande wa Jamhuri kufunga ushahidi wao, yatimizwe; yaani kuwe na ushahidi unaoonyesha kwamba mshtakiwa ana kesi ya kujibu. Kama hakuna, mahakama inatakiwa kumwachilia huru.
Na kwa hiyo, hoja yangu ni hii: Shauri hili, ili likamilike na mshtakiwa aweze kuhukumiwa kwa uhaini na kuhukumiwa kifo, lazima uwe umeonyesha kwamba kulikuwa na kosa la uhaini.
Lissu: Shitaka ambalo liko mbele yenu, waheshimiwa majaji, ambalo ndilo shitaka la uhaini katika kesi hii, linasema kwamba Lissu alitengeneza maneno ya kuzuia uchaguzi mkuu wa mwaka 2025 kwa kuchapisha maneno na matendo ya kosa linalodaiwa kuwa linatishia Serikali au Bunge au Mahakama.
Kwa hayo maneno, Serikali haijatajwa hata mara moja. Bunge wala Mahakama havijatajwa hata mara moja.
Na kwa ushahidi wa mashahidi wote 17 wa upande wa mashtaka, Serikali haimo.
Lissu: Maana ya Serikali ni nini?
Serikali imetafsiriwa na Katiba, Ibara ya 151. Serikali ni Serikali ya Jamhuri ya Muungano, Serikali ya Mapinduzi ya Zanzibar au Halmashauri.
Hakuna aliyethibitisha hata mmoja kwamba Serikali imetajwa kwenye maneno yanayodaiwa kuwa ya kihaini.
Uchaguzi mkuu, kwa mujibu wa sheria, unaendeshwa na Tume ya Taifa ya Uchaguzi. Kwa hiyo, ukiangalia hati ya mashitaka, Serikali haijatajwa na haijatishiwa. Hakuna ushahidi wa kuthibitisha kwamba Serikali ilitishiwa wakati haijatajwa popote.
Jambo la pili: Hayo maneno yanatengeneza kosa gani kwa mujibu wa sheria za nchi hii?
Kwenye orodha ndefu ya makosa ya jinai, hakuna kosa la kuzuia uchaguzi wala kukinukisha uchaguzi. Hakuna kosa la aina hiyo kwenye Kanuni ya Adhabu.
Kwa hiyo, kosa la kufanya kisa cha uhaini halipo, na kwa mujibu wa sheria, nia ya kutenda kosa haipo.
Kwa hiyo, upande wa mashtaka umeshindwa kabisa kuthibitisha hayo madai.
Na mahakama ni muhimu ikumbuke kwamba mimi ndiye niliyeshtakiwa pekee katika kesi hii.
Na sheria inasema maneno ya mtu mmoja hayafanyi uhaini. Na ushahidi uliotolewa haujathibitisha nia ya kutenda kosa la uhaini.
Kwa hiyo, mtu huyu hatakiwi kuitwa kujitetea. Na nikiitwa kujitetea, nitajitetea kwa kitu gani?
Kwa hiyo, kwenye hoja hiyo, waheshimiwa majaji, sina kesi ya kujibu. Sina kesi ya kunitaka kula kiapo na kujitetea.
Kuhusu masuala ya kuchapisha Tundu Lissu anasema:
Hoja si hiyo tu.
Ili kuwe na uhaini, lazima kuwe na proof of publication au matendo ya wazi.
Upande wa mashtaka umefeli. Mimi nilichapisha maneno hayo kwenye mtandao wa Jambo TV. Ushahidi uliotakiwa uwepo ni ushahidi wa Jambo TV.
Naomba mnielekeze ukurasa wa 135 kwenye rekodi za Mahakama.
Waliorodhesha (waliwasilisha) ushahidi wa aina tisa na ushahidi wa video, na hawajaleta hata kimoja kati ya vyote 11.
Mlisema mtaleta video. Iko wapi? Kama hakuna video, hakuna kesi. Hakuna uthibitisho kwamba nilichapisha chochote popote.
Waheshimiwa majaji, kuhusiana na huo ushahidi wa publication (kuchapisha), hati ya mashitaka inasema mimi ndiye nilichapisha.
Shahidi wa 17 wa mashtaka alisema nini? Shahidi pekee ambaye ni eyewitness ni PW17. PW17 alinisikia na kuniona.
Ushahidi wa PW unatakiwa kupewa uzito, na aliambia Mahakama hii kwamba yeye ndiye aliyepiga picha/video hizo.
Kwenye kilelezo cha 16, amesema:
“Sisi ndio tulirekodi, tukahifadhi na kusambaza.”
Na ushahidi wao wala sijamleta mimi.
Shahidi wao amesema zaidi ya kuhutubia sikufanya kingine chochote.
Na amesema video hizo ziko hadi leo.
Kwa hiyo, ni tuhuma ya uongo, na ni ushahidi wao wenyewe.
Na ushahidi wake unapingana na ushahidi wa nani aliyepublish. Hawana jibu.
Shahidi wao ameambia mahakama kwamba aliyeitisha mkutano ni Afisa Habari wa CHADEMA.
Nilimuuliza anaitwa nani, akasema anaitwa Brenda Rupia.
Na nilipomuuliza, “Uliniona nikipanga viti, nafuta meza?” Akasema, “Hapana.”
Hakuna proof of publication (hakuna uthibitisho).
Lissu; Kwa hiyo, ninaomba mfanye uamuzi kwamba hakuna kesi ya kujibu.
Hakuna kesi ya kusimama mbele ya Mahakama hii na kujitetea.
Naomba mfanye hivyo leo, nisirudi gerezani.
Ni hayo tu, waheshimiwa majaji.
Fahamu mambo muhimu kuhusu kesi ya uhaini ya Lissu
Tundu Lissu, Mwenyekiti wa CHADEMA, anakabiliwa na kesi ya uhaini Tanzania. Usikilizwaji wa kesi hiyo unaendelea Mahakama Kuu Masjala Ndogo ya Dar es Salaam, huku upande wa Jamhuri ukiendelea kuwasilisha mashahidi wake. Kufikia jana, mashahidi 17 walikuwa wamefika kutoa ushahidi katika kesi hiyo.
1. Kesi ya Lissu inahusu nini?
Mwenyekiti wa CHADEMA, Tundu Lissu, anakabiliwa na shtaka la uhaini nchini Tanzania.
Kesi hiyo inasikilizwa katika Mahakama Kuu Masjala Ndogo ya Dar es Salaam, na imekuwa ikiendelea kwa awamu huku upande wa Jamhuri ukiwasilisha ushahidi wake.
2. Lissu alikamatwa lini?
Lissu alikamatwa 8 Aprili 2025, na siku moja baadaye akafikishwa katika Mahakama ya Hakimu Mkazi Kisutu, Dar es Salaam, ambako alisomewa shtaka la uhaini kama Mahakama ya ukabidhi.
Hapo ndipo mchakato wa kesi ulipoanzia kabla shauri hilo kuendelea kusikilizwa katika Mahakama Kuu.
3. Kesi ilifikaje Mahakama Kuu?
Baada ya hatua za awali katika Mahakama ya Hakimu Mkazi Kisutu, kesi ya uhaini iliendelea katika Mahakama Kuu Masjala Ndogo ya Dar es Salaam.
Huko, upande wa Jamhuri ulianza kuwasilisha ushahidi na mashahidi wake katika kuunga mkono mashtaka dhidi ya Lissu. Na Mpaka sasa Mashahidi 17 wametoa ushahidi wao mpaka Agosti 13, 2026.
4. Kwa nini kesi ilisimama kwa miezi mitano?
Hili ni moja ya mambo muhimu katika historia ya kesi hiyo.
Februari 2026, Jamhuri iliwasilisha notisi ya kutaka kuongeza ushahidi mpya katika kesi hiyo.
Lissu alipinga hatua hiyo, na Mahakama Kuu Masjala Ndogo ya Dar es Salaam ikatupilia mbali notisi ya Jamhuri ya kuwasilisha ushahidi huo mpya.
Jamhuri haikukubaliana na uamuzi huo. Ilipeleka suala hilo Mahakama ya Rufani, ikiomba mapitio ya uamuzi wa Mahakama Kuu.
Kutokana na shauri hilo, Mahakama Kuu ilisimamisha usikilizwaji wa kesi ya uhaini hadi Mahakama ya Rufani itakapotoa uamuzi.
Hivyo, kesi hiyo ilisimama kwa takribani miezi mitano kuanzia Februari 2026.
5. Nini kilitokea Mahakama ya Rufani?
Baada ya suala hilo kufikishwa Mahakama ya Rufani, mahakama hiyo ilitoa uamuzi kuhusu hoja iliyokuwa imewasilishwa na Jamhuri.
Lissu alishinda katika suala hilo, na hivyo kuondoa kikwazo cha kisheria kilichokuwa kimesababisha usikilizwaji wa kesi kusimama.
Baada ya uamuzi huo, kesi ilirejea Mahakama Kuu Masjala Ndogo ya Dar es Salaam kwa ajili ya kuendelea na usikilizwaji wake.
6. Kesi ilianza tena lini?
Baada ya kusimama kwa takribani miezi mitano, usikilizwaji wa kesi ulianza tena Agosti 10, 2026.
Tangu kurejea kwake Mahakama Kuu, upande wa Jamhuri umeendelea na uwasilishaji wa ushahidi.
7. Nini kimejitokeza katika ushahidi wa mashahidi?
Katika hatua ya sasa ya kesi, Lissu amekuwa akiwahoji mashahidi wa Jamhuri kuhusu ushahidi waliowasilisha na taarifa walizowahi kutoa katika hatua za uchunguzi.
Katika ushahidi wa Agosti 12, kwa mfano, Lissu alimuuliza shahidi kuhusu tofauti kati ya maelezo aliyowahi kutoa wa maandishi na majibu ya mdomo aliyoyatoa mahakamani. Shahidi alisema hakuwa ameeleza sababu ya tofauti hiyo kwa maandishi, lakini akiongozwa na wakili wa Serikali alisema , alikuwa akijibu maswali kwa namna alivyoulizwa na mshitakiwa.
Lissu pia aliuliza kuhusu video zilizotumika katika uchunguzi. Shahidi alisema polisi walitazama video iliyokuwa mtandaoni, lakini hawakuangalia video iliyokuwa kwenye memory card na flash disk zilizotajwa mahakamani.
Kuanzia Agosti 10 mpaka 12, shahidi wa 16 wa Jamhuri alimaliza kutoa ushahidi. Agosti 13 akaanza shahidi wa 17, ambapo leo, Agosti 14 ushahidi unaendelea.
Lissu: 'Sina shida na kufungwa kwa kesi'
Maelezo ya picha, Tundu Lissu
Lissu: 'Waheshimiwa Majaji nashukuru nimemsikiliza wakili wa serikali Nasoro Katuga kwa umakinj sana, swala la kufunga kesi kwa upande wa mashitaka sina shida nalo nilisema tangu wiki iliyopita ila kama kuna kesi ya kujibu au la wakili wa serkali amesema hakuna kifungu ila kuna kifungu kinachoelekeza nini cha kufanya wakati wa kufunga kesi 312 (1) cha sheria ya mwenendo wa mashitaka (CPA)'
'Mahakama
itarekodi kwamba hakuna hatia kwa vile
upande wa mashitaka umefunga kesi yao kilichobaki ni n kunisikiliza mimi na
mawakili hawa wa serikali kujibu kama nina hatia au sina hatia ninaomba
mtuongoeze'
Wakili wa
serikali Katuga: Ni kawaida kwa mahakama hii kufanya maamuzi kulingana na
mazingira ya kesi na mtatoa nafasi kwa pande zote mbili sawa kwa sawa na busara yenu.
Na tunaona
mtuhumiwa hakatai ombi letu la kuwasilisha hoja na ameweka maombi kabla
mahakama hii haijaamua . Tunaona yeye yuko tayari. tunaiachiiia mahakama yenu tukufu
Lissu: Waheshimiwa majaji hili jambo ni dogo na halihitaji
mvutano na ombi la kutamka kama kuna hatia au la kisheria linawapa majaji nguvu
za kuamua
Habari za hivi punde, Serikali yafunga ushahidi wake dhidi ya Tundu Lissu
Serikali ya
Tanzania imefunga Ushahidi wake kwenye kesi ya uhaini inayomkabili Mwenyekiti
wa Chadema Tundu Lissu .
Kupitia wakili
wa serikali Nassoro Katuga taatifa ya maombi ya kuufunga ushahidi huo iliwasilishwa
mahakamani.
Serikali
imesema kwamba mashahidi ambao mpaka sasa wametoa ushahidi kwa upande wao
wanatosha.
“Waheshimiwa Majaji wa Mahakama Kuu kuwa upande wa Jamhuri baada ya kupitia ushahidi ambao tayari umewasilisha mahakamani na kuangalia ushahidi uliobakiwa kwa maana mashahidi waliobaki tumeuchambua na kuangalia hoja zilizokubaliwa upande wa jamhuri ukajikuta kwamba unaona ushahidi ambao tayari umeshautoa ni ushahidi toshelezi na kuleta ushahidi zaidi kuthibitisha hoja ambazo zilikubaliwa wakati wa hoja za awali(Preliminary hearing)ni kinyume cha sheria.”
Natumai hujambo na karibu tena katika kikao chengine cha kesi ya Tundu Lissu
Katibu mkuu wa Chadema, John Mnyika: Mfike kwa wingi mahakamani Jumatatu
Maelezo ya video, Katibu mkuu wa Chadema, John Mnyika awataka wafuasi kuhuduria kwa wingi mahakamani siku ya Jumatatu
Baada ya kuahirishwa kwa shauri la uhaini linalomkabili Mwenyekiti wa Chadema Tundu Lissu, Katibu mkuu wa Chama hicho John Mnyika amewataka wapenzi na wafuasi wa chama hicho kuhuduria kwa wingi mahakamani siku ya jumatatu kwani ni dakika za mwisho kwa upande wa mashitaka kuwasilisha ushahidi wao.
Kesi imeahirishwa mpaka Jumatatu
Jaji Nduguru - Tumesikia hoja ya ahirisho kuhusua afya ya shahidi na tumsikia mshitakiwa juu ya umuhimu wa shauri hili na kwa maelezo ya upande wa Jamuhuri kwamba Jumatatu wataleta mashahidi wao wote basi ni amri ya mahakama siku ya Junatatu wawalete mashahidi wao wote waliobaki, hivyo tunaahirisha shauri mpaka Jumatatu tarehe 17 /08/2026.
"Mashahidi ni binadamu, changamoto inaweza kutokea"- Jamhuri
Wakili wa serikali: Mashahidi nao ni wanadamu na kwa kuwa ni wanadamu changamoto inaweza kutokea kwa mwanadamu muda wowote. Sisi upande wa mashitaka ni ukweli tunakiri bado tuna mashahidi wengi lakini sio lazima tulete mashahidi wote, sio lazima, tunaleta namna tulivyopanga mpango wetu na vile tulivyojiandaaa.
Wakili wa Serikali: Na mwenzetu wala asijisikie pengine labda ndio shahidi wa mwisho, kwa hiyo sheria inaruhusu kuahirishwa kwa shauri kwa sababu za msingi na sababu za maradhi ni za msingi kwa hiyo waheshimiwa majaji ni rai yetu tuaomba Mahakama yenu ihairishe shauri mpaka Jumatatu.
Wakili wa Serikali: Na tutawaleta (mashahidi) wote sababu bado ni ndani ya kipindi hiki na sio kipindi kingine, ni hayo tu waheshimiwa Majaji.
"Nikija kusema aitwe Samia si itachukua miaka mitano?" - Lissu
Kesi ya Lissu imeanza lakini upande wa mashataka, wanasheria wanaiomba Mahakama ihairishe kwa sababu shahidi wao amepata dharura. Wanaomba Jumatatu wataleta mashahidi wao wote.
Lissu amesimama na kupinga hoja hiyo.
Lissu: "Kulikua na amri mliyoitoa mwaka jana siwezi kukumbuka tarehe, kwamba upande wa mashitaka ulete mashahdi wawili kila kesi inaposikilizwa, na hii amri mmeirudia tena juzi jumatano mmeirudia jana, kwamba upande wa mashitaka walete mashahidi wengi.
Lissu: Sasa waheshimiwa Majaji upande wa Mashitaka hautekelezi amri za Mahakama kwa sababu hamuwachukulii hatua, wanajua mtawakubalia. Lissu: Waheshimiwa majaji kusema maneno haya sio kitu chepesi kwangu ila mmeachia amri zenu kupuuzwa.
Lissu: Sasa kwa vile mlisema jana na hawajaleta mashahidi naomba msikubali Mahakama kuu ya Tanzania ikageuzwa kama ile iliyomuhukumu Jomo Kenyatta, ikiwakubalia waleta mashitaka kila kitu na kuukatalia upande wa utetezi kila kitu.
Lissu: Kwanini hawapo tayari kuheshimu amri ya Mahakama. Kama pumzi imekata wafunge ushahidi twende hatua inayofuata. Kama hawako tayari kuendelea wafunge kesi. Msikubali kugeuzwa kama hiyo mahakama niliyoisema.
Lissu: Again for the record (kwa kumbukumbu) hii ndio kesi kubwa zaidi kwa Jamuhuri ya Muungano kwa mujibu wa Katiba, lazima Mahakama ioneshe umuhimu kwa namna inavyosimamia amri zake na maamuzi inayofanya. Hatutembelei njia ambayo haijafagiliwa, kesi ya uhaini ya kwanza ilichukua miezi sita na siku 17 miaka ya 1970. Na ikasafishwa tena miaka ya 1982 na 1983 kesi ilichukua mwaka mmoja na siku 17 chumba hiki hiki.
Lissu: Leo ni siku ya 495, mwaka mmoja na zaidi ya miezi minne hatujamaliza mashahidi wa upande wa mashitaka nikija kusema aitwe Samia si itachukua miaka mitano, na Philip Mpango na IGP Wambura mtakuwa mmestaafu hawajaitwa. Naomba msiwakubalie walete mashahidi tuendelee na kesi.
Mahakama imeanza, Lissu anazungumza sasa
Mambo muhimu kuhusu kesi ya uhaini ya Lissu
Tundu Lissu, Mwenyekiti wa CHADEMA, anakabiliwa na kesi ya uhaini Tanzania. Usikilizwaji wa kesi hiyo unaendelea Mahakama Kuu Masjala Ndogo ya Dar es Salaam, huku upande wa Jamhuri ukiendelea kuwasilisha mashahidi wake. Kufikia jana, mashahidi 17 walikuwa wamefika kutoa ushahidi katika kesi hiyo.
1. Kesi ya Lissu inahusu nini?
Mwenyekiti wa CHADEMA, Tundu Lissu, anakabiliwa na shtaka la uhaini nchini Tanzania.
Kesi hiyo inasikilizwa katika Mahakama Kuu Masjala Ndogo ya Dar es Salaam, na imekuwa ikiendelea kwa awamu huku upande wa Jamhuri ukiwasilisha ushahidi wake.
2. Lissu alikamatwa lini?
Lissu alikamatwa 8 Aprili 2025, na siku moja baadaye akafikishwa katika Mahakama ya Hakimu Mkazi Kisutu, Dar es Salaam, ambako alisomewa shtaka la uhaini kama Mahakama ya ukabidhi.
Hapo ndipo mchakato wa kesi ulipoanzia kabla shauri hilo kuendelea kusikilizwa katika Mahakama Kuu.
3. Kesi ilifikaje Mahakama Kuu?
Baada ya hatua za awali katika Mahakama ya Hakimu Mkazi Kisutu, kesi ya uhaini iliendelea katika Mahakama Kuu Masjala Ndogo ya Dar es Salaam.
Huko, upande wa Jamhuri ulianza kuwasilisha ushahidi na mashahidi wake katika kuunga mkono mashtaka dhidi ya Lissu. Na Mpaka sasa Mashahidi 17 wametoa ushahidi wao mpaka Agosti 13, 2026.
4. Kwa nini kesi ilisimama kwa miezi mitano?
Hili ni moja ya mambo muhimu katika historia ya kesi hiyo.
Februari 2026, Jamhuri iliwasilisha notisi ya kutaka kuongeza ushahidi mpya katika kesi hiyo.
Lissu alipinga hatua hiyo, na Mahakama Kuu Masjala Ndogo ya Dar es Salaam ikatupilia mbali notisi ya Jamhuri ya kuwasilisha ushahidi huo mpya.
Jamhuri haikukubaliana na uamuzi huo. Ilipeleka suala hilo Mahakama ya Rufani, ikiomba mapitio ya uamuzi wa Mahakama Kuu.
Kutokana na shauri hilo, Mahakama Kuu ilisimamisha usikilizwaji wa kesi ya uhaini hadi Mahakama ya Rufani itakapotoa uamuzi.
Hivyo, kesi hiyo ilisimama kwa takribani miezi mitano kuanzia Februari 2026.
5. Nini kilitokea Mahakama ya Rufani?
Baada ya suala hilo kufikishwa Mahakama ya Rufani, mahakama hiyo ilitoa uamuzi kuhusu hoja iliyokuwa imewasilishwa na Jamhuri.
Lissu alishinda katika suala hilo, na hivyo kuondoa kikwazo cha kisheria kilichokuwa kimesababisha usikilizwaji wa kesi kusimama.
Baada ya uamuzi huo, kesi ilirejea Mahakama Kuu Masjala Ndogo ya Dar es Salaam kwa ajili ya kuendelea na usikilizwaji wake.
6. Kesi ilianza tena lini?
Baada ya kusimama kwa takribani miezi mitano, usikilizwaji wa kesi ulianza tena Agosti 10, 2026.
Tangu kurejea kwake Mahakama Kuu, upande wa Jamhuri umeendelea na uwasilishaji wa ushahidi.
7. Nini kimejitokeza katika ushahidi wa mashahidi?
Katika hatua ya sasa ya kesi, Lissu amekuwa akiwahoji mashahidi wa Jamhuri kuhusu ushahidi waliowasilisha na taarifa walizowahi kutoa katika hatua za uchunguzi.
Katika ushahidi wa Agosti 12, kwa mfano, Lissu alimuuliza shahidi kuhusu tofauti kati ya maelezo aliyowahi kutoa wa maandishi na majibu ya mdomo aliyoyatoa mahakamani. Shahidi alisema hakuwa ameeleza sababu ya tofauti hiyo kwa maandishi, lakini akiongozwa na wakili wa Serikali alisema , alikuwa akijibu maswali kwa namna alivyoulizwa na mshitakiwa.
Lissu pia aliuliza kuhusu video zilizotumika katika uchunguzi. Shahidi alisema polisi walitazama video iliyokuwa mtandaoni, lakini hawakuangalia video iliyokuwa kwenye memory card na flash disk zilizotajwa mahakamani.
Kuanzia Agosti 10 mpaka 12, shahidi wa 16 wa Jamhuri alimaliza kutoa ushahidi. Agosti 13 akaanza shahidi wa 17, ambapo leo, Agosti 14 ushahidi unaendelea.
Kesi ya uhaini inayomkabili Mwenyekiti wa CHADEMA, Tundu Lissu, iliendelea jana Alhamisi katika Mahakama Kuu Masjala Ndogo Dar es Salaam, huku shahidi wa 17 wa upande wa Jamhuri akianza kutoa ushahidi wake.
Shahidi huyo, ambaye utambulisho wake umefichwa, alieleza kuwa ni mwandishi wa habari na kwamba majukumu yake ni kurekodi matukio kwa kutumia kamera. Alieleza Mahakama kuhusu tukio la Aprili 3, 2025 katika makao makuu ya CHADEMA, Mikocheni, ambako alikwenda na wenzake kwa ajili ya kuripoti mkutano wa chama hicho.
Shahidi alisema walirekodi na kurusha mkutano huo, ambao ulihusu masuala ya uchaguzi na kaulimbiu ya CHADEMA ya “No reforms, no election”. Alisema miongoni mwa viongozi waliozungumza alikuwa Lissu, ambaye kwa mujibu wa shahidi alizungumzia namna ya kuzuia uchaguzi.
Katika kumuuliza maswali, Lissu alihoji baadhi ya maelezo yaliyotolewa na shahidi huyo katika ushahidi wake na yale aliyoyaandika awali polisi.
Wakati wa mahojiano hayo, Lissu pia alimwambia shahidi: “Hakuna mtu CHADEMA atakayekudhuru,” akimweleza kuwa licha ya yeye kuwa gerezani kwa zaidi ya mwaka mmoja, hakuna mwanachama wa chama hicho ambaye atamdhuru. Shahidi baadaye alisema alikuwa na hofu ya kutoa ushahidi hadharani kwa kuhofia huenda wafuasi wa chama hicho wakamdhuru, ingawa alisema hajawahi kutishiwa na mwanachama yeyote wa CHADEMA.
Kesi hiyo iliahirishwa hadi leo Ijumaa, Agosti 14, 2026. Lissu pia aliiomba Mahakama iamuru mawakili wake na mashahidi waruhusiwe kumuona akiwa gerezani.
Kesi ya Lissu kuendelea leo Ijumaa
Kesi ya uhaini inayomkabili Mwenyekiti wa CHADEMA, Tundu Lissu, inatarajiwa kuendelea leo Ijumaa katika Mahakama Kuu Masjala Ndogo Dar es Salaam, baada ya kuahirishwa jana.
Jana, shahidi wa 17 wa upande wa Jamhuri, ambaye utambulisho wake umefichwa, alianza kutoa ushahidi kuhusu tukio la mkutano wa CHADEMA wa Aprili 3, 2025.
Shahidi huyo alieleza Mahakama kuwa alifika katika makao makuu ya CHADEMA, Mikocheni, kwa ajili ya kurekodi na kurusha mkutano huo.
Baada ya ushahidi wa msingi wa shahidi huyo, Lissu alianza kumuuliza maswali na kuhoji baadhi ya taarifa alizotoa pamoja na maelezo yake ya awali kwa polisi.
Miongoni mwa mambo aliyomuuliza ni kama katika maelezo yake ya polisi aliwahi kusema kuwa maneno aliyoyasema Lissu katika mkutano huo yalikuwa uhaini.
Leo, Mahakama inatarajiwa kuendelea na hatua inayofuata ya ushahidi wa shahidi huyo, kabla ya kesi kuendelea na mashahidi wengine wa upande wa Jamhuri.
KARIBU KATIKA SIKU YA 5 YA MUENDELEZO WA KESI YA LISSU - IJUMAA 14.08.2026
Shauri limeahirishwa mpaka kesho
Kesi ya uhaini inayomkabili Mwenyekiti wa Chama cha Demokrasia na Maendeleo (CHADEMA), Tundu Lissu,imeahirishwa mpaka kesho Ijumaa Agosti 14, 2026, katika Mahakama Kuu Masijala Ndogo Dar es Salaam.
Katika hatua nyingine, Lissu ameitaka mahakama iamuru mawakili wake na mashahidi waruhusiwe kumuona mahakamani na gerezani.
"Ninaomba kwa amri ya mahakama waruhusiwe kuniona niko gerezani mwaka na zaidi wale wanaonisaidia waruhusiwe kuniona naomba mtoe maelekezo waruhusiwe kuja kuniona hapa na kule gerezani", alisema Lissu.
"Ninaonewa tu, sina hatia, ninatuhumiwa kurusha matangazo"
Kielelezo kimepokelewa na kupewa jina D16
Lissu: Naomba apewe kielelezo D16.
Shahidi anapewa.
Lissu: Umesema mlipopangiwa kazi na Boss wako John Marwa ukiwa pamoja na P1 sasa embu soma kwenye kielelezo chako.
Lissu: Tuendelee, umesema wazungumzaji wakuu kwenye mkutano huo walikuwa Lissu Heche na katibu mkuu hukumtaja jina ? embu angalia kielelezo kama kuna hayo maneno
Shahidi P: Upo wewe peke yako.
Lissu: Wala usiwe na wasiwasi nyie watu wangu hatugombani bwana hakuna katibu mkuu wala mnyika si kweli bwana P?
Shahidi P: Ndio.
Lissu: Sasa shahidi leo umesema baada ya kupigiwa hiyo simu na boss wako ulikutana na afisa wa polisi uleyemkabidhi hiyo kadi na kuandika maelezo embu angalia maelezo yako kama hayo maneno yapo.
Shahidi P: Haya maelezo hayapo.
Lissu: Leo kwenye ushahidi wako umeulizwa siku hiyo ya mkutano ueleze muonekano wangu na ukajibu hivi alikuwa amevaa kombat ila rangi sikumbuki waeleze majaji kama yapo kwenye maelezo yako.
Shahidi P: Hayapo
Lissu: Uliulizwa walikuwa wanarejelea uchaguzi wa serikali za mitaa kuelekea uchaguzi mkuu yapo hayo maneno hayapo?
Shahidi P: Hayapo
Lissu: Umesema ulikuwa na wenzako mkiwa na kamera aina ya sonny NX kwemye maelezo yako mlikuwa na kamera tatu za sonny NX swali langu naomba uwathibitishie majaji kama ndio kamera yemyewe Sony HXA-MX100.
Shahidi P: Ndio ni kamera hiyo hiyo Nx ni kifupi.
Lissu: Naomba uthibitishe taarifa huo mkutano ulioelekezwa kuja ku cover alipata mwaliko toka kwa afisa habari wa Chadema.
Shahidi P: Ndio.
Lissu: Waeleze majaji kama mimi ni afisa habari wa Chadema.
Shahidi P: Hapana.
Lissu: Asante usiwe na wasiwasi unafanya kitu cha heshima unatoa ushahidi wa ukweli wa Mungu
Lissu: Waeleze majaji kama unafahamu afisa habari Chadema anaitwa Brenda Rupia.
Shahidi P: Ninafahamu
Lissu: Kama nimekusikia sawa sasa umesema wewe na wenzako mlipofika HQ Chadema mlikuta wanachama wa chadema na watu wengine viongizi walikuwa hawajafika kweli sio kweli
Shahidi P: Ni kweli
Lissu: Waeleze majaji nani alikua anafanya maandalizi ya eneo la mkutano.
Shahidi P: Sikuzingatia hilo
Lissu: Waeleze majaji kama mimi nilikuwa sehemu ya wale waliokuwa wanafanya maandalizi kufuta vumbi na kukaribisha wageni.
Shahidi P: Hapana.
Lissu: Mtu akikuambia huo mkutano aliyekualika ni Tundu Lissu na aliyefanya maandalizi ni Lissu atakua anasema ukweli au uongo?
Shahidi P: Si kweli
Lissu: Sasa shahidi naomba uthibitisje kama ni kweli au sio kweli kina maneno yanayosema mlikua mnarusha matangazo yenu kwenye chaneli yenu ya Jambo na ikiwa yaliandikwa na wewe
Shahidi P: Ya kwangu.
Lissu: Naomba nikuhakishie pamoja na kwamba niko gerezani mwaka na zaidi hakuna mtu Chadema atakudhuru
Lissu: Kuna baadhi ya video tulizirusha kwenye mitandao ya x na youtube ambazo jambo ilirusha mtu akiingia atazikuta zipo?
Shahidi P: Ndio zipo
Lissu: Bob Marley Alisema truth is never a sin
Lissu: Sasa shahidi nimeshitakiwa kwa uhaini na nimekua gerezani tangu ta rehe 10/04/2025 sababu inadaiwa mimi ndio nilirusha hizo video na kuweka kwenye mitandao ya Jambo TV waeleze majaji kama hii tuhuma ni ya kweli ni wewe na wenzako mlirusha au ni mimi.
Shahidi P: Sisi kupitia wewe.
Lissu: Nyie ndio mlirusha kupitia mimi.
Lissu: Waeleze majaji kama nilihusika na kamera zenu.
Shahidi P: Hapana
Lissu: Waeleze majaji kama niliwaelekeza kurusha hayo matangazo
Shahidi P: Hapana.
Lissu: Je niliwaelekeza baada ya kurusha mbashara mchapishe kwenye mitandao ya kijamii?
Shahidi P: Hapana.
Lissu: Ninaonewa tu sina hatia natuhumiwa kurusha tangazo
Shahidi P: Ni kweli wanakutuhumu lakini ndio maana tuko hapa mahakami ujitetee
Lissu: Ukisema ni kweli naenda kunyongwa hawa walioshitaki ndio wanachokitaka.
Lissu: Hebu naomba waeleze majaji kama ni kweli au sio kweli wewe ni shahidi uliyekueko kwenye mkutano huo.
Shahidi P: Kweli
Lissu: Shahidi katika kielelezo 16 kuna maneno yanasema hivi yakiyokua yanayoongelewa ni mambo ya uchaguzi na kauli mbiu ya no reforms no election na changamoto zao majimboni.
Shahidi P: Ni kweli
Lissu: Waeleze majaji kama viongozi wakiongea masuala ya uchaguzi na no reforms no election na matatizo ya majimboni kwao wanakuwa wamekosea
Shahidi P: Hapana.
Lissu: Kuna maneno yafuatayo nataka uyathibitishe mimi nakumbuka matukio yote yaliyokua yakifanyika kwenye mkutano huo na yako kwenye memory kadi niliyokukabidhi, memory kadi uliyomkabidhi inspekta Chulu ni kweli sio kweli
Shahidi P: Ni kweli.
Lissu: Video hizo hatujazifuta wala kuzihariri na mkutano ulifanyika kati ya saa mbili hadi tatu.
Shahidi P: Ndio.
Lissu: hiyo memori kadi uliyomkabidhi inspekta Chulu hawajaleta mahakamani wala sijaona wala majaji au leo umeileta mahakamani?
Shahidi P: Hapana sijaleta
Lissu: Walileta kitu kingine majaji wakakikataa Kwenye maelezo yako shahidi hakuna uliposema maneno aliyozungumza Lissu ni makosa waeleze majaji kama ni kweli au sio kweli.
Shahidi P: Ni kweli.
Lissu: Hakuna mahali umesema alichosema Lissu ni uhaini.
Shahidi P: Ni kweli.
Lissu: Hakuna mahali umesema wewe na wenzako kwa kurusha mtandaoni mlikua mnasambaza uhaini.
Shahidi P: Ni kweli
Lissu: Ni kweli au sio kweli nyie waandishi wa Jambo hamkuwa peke yenu na walikuwepo waandishi wa vyombo vingine na vyote vilikua vinarusha hayo matangazo.
Shahidi P: Ni kweli walikuwa wanarekodi.
Lissu: Waeleze majaji kama vyombo vyote hivyo vilikuwa vinarekodi maneno ya kihaini.
Shahidi P: Sina hakika sababu mahakama haijathibitisha.
Lissu: Na kulikuwa na wasikilizaji viongozi wa chadema na watia nia na wote walisikia haya maneno.
Shahidi P: Kweli
Lissu: Ieleze mahakama kama wewe na wote waliokuepo mmeshtakiwa kwa kutotoa taarifa baada ya kusikia maneno hayo ya njama za kihaini
Shahidi P: Hapana
Lissu: Je, kuna mtu mwingine ameshitakiwa isipokua Lissu?
Shahidi P: Hapana
Lissu: Umesema mlikua Dodoma kikazi na mwenzako uliyemtaja kama P2 maelezo ya P2 anasema yeye ni mkazi wa Songea na hajawahi kwenda Dodoma kwenye hizo tarehe yeye akasema alikuwa Songea hiyo wewe unasemaje bwana?
Shahidi P: Ninachojua nilikua naye Dodoma
Lissu: Waheshimiwa majaji sina swali jingine ahsante shahdi
Shahidi anaruhusiwa kutoka. Upande wa jamuhuri hawana maswali ya Dodoso.
Jaji kama tumekubaliana kuwe na mashahidi wa kutosha tulete mashahidi.
Mliadhibiwa na mamlaka kwa kurusha mkutano wangu: Lissu
Mahojiano yanaendelea..
Wakili wa Serikali: Kwa namna unavyokumbuka yale maongezi walikuwa wanazungumzia uchaguzi gani?
Shahidi P: Serikali za mtaa kuelekea uchaguzi mkuu.
Wakili wa Serikali: Kwa shahidi huyu waheshimiwa majaji tunaomba tuishie hapa.
Lissu: Shahidi unanisikia bwana, hujambo?.. ninaomba nikuulize maswali kidogo na uyajibu kwa kweli ya Mungu.
Shahidi P: Ndio.
Lissu: Iambie mahakama kuwa ninyi waandishi wa Jambo mmefanya kazi na mimi kwa muda mrefu sana.
Shahidi P: Ndio.
Lissu: Na weleze majaji kama ni kweli au sio kweli mmekuwa mkitangaza mikutano yangu karibu nchi nzima.
Shahidi P: Kweli.
Lissu: Na waeleze waheshimiwa majaji mara nyingine nyie jambo TV ni chombo pekee kilichorusha mikutano yangu sehemu mbalimbali nchi hii.
Shahidi P: Kweli.
Lissu: Na waeleze majaji kama ni kweli au si kweli hata niliporudi nchini kutoka uhamishoni Ulaya ninyi waandishi wa habari wa Jambo TV mlinisindikiza nyumbani kwetu.
Shahidi P: Sikumbuki.
Lissu: Kuna Shedrack Simba na Oscar ni kweli si kweli.
Shahidi P: Ni kweli.
Lissu: Hawa nimekua nao katika kila mkutano niliokwenda nchi hii. Waeleze majaji hata siku ninakamatwa Mbinga, waandishi wa habari niliokuwa nao ni Shedrack Simba na Oscar ni kweli au sio kweli
Shahidi P: Ni kweli.
Lissu: Na waeleze majaji katika ziara zote hizo mkiwepo tumekuwa tukienda msafara mmoja na hata hoteli tunapofikia na tunakula pamoja ni kweli sio kweli ndugu yangu.
Shahidi P: Ni kweli
Lissu: Kama nitakuwa ninakosea waeleze majaji nyie watu wa Jambo na boss wenu tumekuwa na mahusiano ya karibu sana nitakuwa nakosea?
Shahidi P: Hapana hujakosea.
Lissu: Waeleze majaji kipindi chote ambacho tumefanya kazi pamoja mmekuwa marafiki zangu.
Shahidi P: Hujakosea.
Lissu: Waeleze waheshimiwa majaji wakati mwingine vyombo vingine vikiogopa kurusha mikutano yangu nyie hamjawahi kuogopa kurusha mikutano yangu ni kweli sio kweli.
Shahidi P: Ni kweli.
Lissu: Iambie mahakama kuwa mliadhibiwa na mamlaka kwa kurusha mkutano wangu wa tarehe 3/4/2025
Shahidi P: Sikumbuki
Lissu: Hukumbuki mlifunguliwa kesi TCRA.
Shahidi P: Sikupata taarifa.
Lissu: Kwa mahusiano yetu mazuri nyie waandishi wa Jambo na boss wenu Marwa waambie majaji kama kuna mwanachadema amekutishia kukudhuru wewe au wafanyakazi wenzako wa jambo TV kwa namna yeyote ile.
Shahidi P: Hapana.
Lissu: Waeleze waheshimiwa majaji tangu uliporusha mkutano mpaka leo kama kuna polisi yeyote au usalama uliyempa taarifa kama mnatishiwa wewe au wafanyakazi wenzako.
Shahidi P: Hapana sijafanya hivyo.
Lissu: Waeleze waheshimiwa majaji kama una hofu yeyote kama una hofu ya kutoa ushahidi wako hadharani kila mtu akuone na akusikie
Shahidi P: Nina hofu kutoa ushahidi hadharani
Lissu: Unahofu gani bwana waeleze kwanini una hofu.
Shahidi P: Nina hofu sababu hili suala ni nyeti nyie ni viongozi nyie mnaweza msiwe na shida ila wafuasi wanaweza wasinielewe na wakanidhuru.
Lissu: Kama nimekuelewa vizuri sisi viongozi hatuna shida na hakuna mwanachama aliyekutishia.
Shahidi P: Ndio
Lissu: Uliandika maelezo Polisi?
Shahidi P: Ndio.
Lissu: Waambie kama uliandikia maelezo Dodoma na aliyekuandika ni inspekta wa Polisi Andrew Chulu.
Shahidi P: Ndio.
Lissu: Waheshimiwa majaji naomba nimsomee maelezo yake, naomba shahidi apewe nakala halisi ya maelezo yake ya Polisi.
Lissu: Shahidi umepata maelezo?
Shahidi P: Ndio.
Lissu: Waeleze majaji sehemu ya makazi kama imefichwa.
Shahidi P: Ndio.
Lissu: Na taarifa za mawasiliano binafsi simu barua pepe anuani?
Shahidi P: Ndio.
Lissu: Na tarehe yako ya kuzaliwa?
Shahidi P: Ndio.
Lissu: Na shule ulizosoma zimefichwa vilevile?
Shahidi P: Ndio
Lissu: Ulikwenda chuo cha kilimo vilevile imefichwa?
Shahidi P: Ndio.
Lissu: Nataka kuepuka uzembe wao hawa waliambiwa wafiche hawakuficha wanakiuka amri ya mahakama
Lissu anamsomea bila kusoma taarifa binafsi zitakazo fichua utambulisho wa shahidi licha ya kwamba karatasi aliyonayo ina taarifa zote za shahidi .
Lissu: Je unakubali maelezo yako haya yapokelewe kama kielelezo cha ushahidi mahakamani?
Shahidi P: Ndio.
Alikuwa akizungumza namna watakavyozuia uchaguzi-Shahidi
Wakili wa Serikali: Mlikuwa na nani?
Shahidi P: Nilikuwa na wenzangu watano
Wakili wa Serikali: Nini kiliendelea siku hiyo na mkutano ulikua wapi
Shahidi P: Mkutano ulikuwa makao makuu ya Chadema mikocheni, na tulipofika eneo husika tulifunga vifaa vyetu vya kazi tayari kwa tukio sababu kazi ilikuwa inaanza mishale ya saa nne
Wakili wa Serikali: Bwana P, umesema mlifika kwa ajili ya kujiandaa na matangazo ilikuwa saa nne ya wakati gani
Shahidi P: Ilikuwa saa nne asibuhi
Wakili wa Serikali: Wakati mnafika eneo husika hali ilikuwaje?
Shahidi P: Tulikuta wanachama wengi wa Chadema, waandishi wa habari kabla ya viongozi wa Chadema kufika.
Wakili wa Serikali: Umetuambia kwamba mlifika na kuweka vifaa vyenu tayari awali ulituambia unafanya matukio ya picha na video siku hiyo ulikua unachukua matukio ya aina gani?
Shahidi P: Ilikuwa ni kuchukua matukio vilevile kwenda Mbashara.
Wakili wa Serikali: Unasema mlijiandaa kwa ajili ya kurusha mbashara ilikuwa kwa njia gani?
Shahidi P: Tulikua tunarusha kwa njia ya kamera sikupeleka mubashara Youtube.
Wakili wa Serikali: Unaposema Youtube unamaanisha nini?
Shahidi P: Ni mtandao unaotumika kupakia matukio na kuangalia.
Wakili wa Serikali: Bwana P, huko mtandaoni mnatambulika kwa jina gani?
Shahidi P: Ni Jambo TV
Wakili wa Serikali: Ebu tuambie tukio lilianza muda gani?
Shahidi P: Saa nne na nusu asibuhi.
Wakili wa Serikali: Na lilichukua muda gani?
Shahidi P: Lilichukua saa tatu.
Wakili wa Serikali: Kwa saa hizo tatu mlirusha matukio gani?
Shahidi P: Kwa siku husika tulirusha mkutano wa chadema na watia nia wa Chadema kwa ajili ya kuzungumza masuala ya uchaguzi na kuzungumzia kauli mbiu yao ya no reforms no election.
Wakili wa Serikali: P kwa siku hiyo hujaweza kukumbuka baadhi ya wazungumzaji?
Shahidi P: Nawakumbuka viongozi wa chadema, mwenyekiti Tundu Lissu, Makamu Mwenyekiti John Heche na Katibu Mkuu.
Wakili wa Serikali: Kama unakumbuka miongoni mwa wazungumzaji unakumbuka maneno waliyosema au kauli?
Shahidi P: Ninayoyakumbuka kwa ujumla ni no reforms no election na namna gani ataenda kuingia kwenye uchaguzi.
Wakili wa Serikali: Walisema wataingia kwenye uchaguzi kwa namna gani?
Shahidi P: Walisema bila mabadilko hawatakwenda kwenye uchaguzi mwenyekiti alikuwa akizungumza namna watakavyozuia uchaguzi.
Wakili wa Serikali: Ukisema mwenyekiti unamaanisha nani?
Shahidi P: Tundu Lissu.
Wakili wa Serikali: Bwana P, unaweza kukumbuka baadhi ya maneno unayokumbuka juu ya uchaguzi?
Shahidi P: Alizungumza mengi kama tutazuia huo uchaguzi na tutakinukisha.
Wakili wa Serikali: Malengo ya kurusha matukio haya mubashara yalikuwa ni nini bwana P?
Shahidi P: Malengo yalikuwa ni kuuabarisha Umma.
Wakili wa Serikali: Chombo chenu kilifikaje eneo la tukio?
Shahidi P: Tulipata maelekezo toka kwa mkurugenzi wetu kwenda kwa ajili ya kucover habari.
Wakili wa Serikali: Unaweza kuiambia mahakama tukio lenu la kuchukua na kurusha ilichukua muda gani?
Shahidi P: Saa tatu.
Wakili wa Serikali: Baada ya hapo nini kilifuata?
Shahidi P: Baada ya hapo tuliambiwa waandishi tutoke nje ili viongozi waongee mambo yao ya ndani.
Wakili wa Serikali: Sasa Bwana P tarehe saba mwezi wa nne 2025 unakumbuka nini kilitokea?
Shahidi P: Siku hiyo nilikuwa Dodoma kikazi nilipokea simu toka kwa bosi wangu John Marwa akiniambia niende kituo cha Polisi kwa ajili ya kwenda kukabidhi kadi ambayo tulitumia tarehe tatu ambayo ndani mwake ilikua na video za mkutano wa Chadema.
Wakili wa Serikali: Tarehe ngapi?
Shahidi P: Tarehe tatu mwezi wa nne 2025.
Wakili wa Serikali: Ilikuwaje tukio likafika kwenye hiyo kadi ulipaswa ukabidhi?
Shahidi P: Tukiwa tunatumia kamera tunachokirekodi huwa kinahifadhiwa kwenye kadi na Polisi walikua wanaihitaji hiyo kadi tuliyorekodia tukio la chadema.
Wakili wa Serikali: Baada ya maelekezo hayo ya Marwa ikawaje?
Shahidi P: Nilikwenda polisi na kuwasilisha kifaa kichokuwa kinahitajika.
Wakili wa Serikali: Sasa bwana P iambie mahakama hiyo tarehe 03/04/2024 huyo mtu uliyemtaja kama Tundu Lissu alikuwa katika muonekano gani?
Shahidi P: Alikuwa kwenye mavazi ambayo rangi husika sifahamu lakini ni kombat zile.
