Ruth Wacuka Kimani: Mjasiriamali anayejikimu kwa kufuma

Ruth Wacuka Kimani mwenye umri wa miaka 46 kutoka mtaa wa Kahawa mjini Nairobi Kenya, alianza kufuma kama njia ya kujipunguza mawazo baada ya kupoteza kazi yake. Aliugua na kulazimika kutumia akiba yake ya mwisho kwa matibabu, hapo ndipo anasema kipaji chake kilipogeuka kuwa tiba na kipato kwake.

Alianza kwa kiasi cha $5, na sasa imegeuka kuwa biashara inayomkimu maisha. Yeye hufuma akitembea, akisafiri, mchana na hata usiku.

Wengi wanamshangaa, lakini anasema kufuma kwake ni kama dozi ya dawa asiyoweza kuiacha. Ruth huuza bidhaa zake katika mitandao ya kijamii na pia kutokana na kusambaa kwa sifa kutoka kwa wateja wake kuhusu bidhaa zake.

Video: Faith Sudi.