COVID-19 Ramadaanka oo bilowday sanadkii labaad oo dunida coronavirus

15 Abriil 2021

Malaayiin Muslimiin ah ayaa u gudo galay bisha soon waxayna ku soo dhaweeyaan Soon iyo Salaadd iyo cibaadooyin kale.

Muslimin tukanaya salaadda Taraawiixda — Qoraalka sawirka, Muslimiin ku tukanaya salaadda Taraawiixda masaajid ku yaalla magaalada Washington, ee dalka Mareykanka

Dunida Muslimka ayaa laga Soomayaa iyadoo sannadkii labaad uu caalamka ka jiro fayaraska karoona oo xanibay waxyaabo badan oo ay ahayd in ay sameeyaan dadka Sooman ee Muslimiinta ah ee la xiriira cibaadada bishaan lagu wajaho.

Soonku waa cibbaado bulshada Muslimiinta ah u horseeda degganaansho iyo Alle u dhawaansho sidoo kale dadka waxay dareemaan caafimaad maadama uu qofku Soomanyahay maalintii oo dhan.

Sawiradaan ayaa ah kuwo muujinaya sida ay Muslimiinta dunidu u soomayaa bishaan Ramadaan ee bilowga ah.

Qoraalka sawirka, Waa qaar ka mud ah Muslimiinta dalka Indonesia

Bishaan barakeysan ee Ramadaan waa bil khayr badan oo ay is caawiyaan dadka Muslimiinta ah. Dadka dhaqaalaha haysta waxay bixiyaan sadaqo badan oo ay siiyaan dadka masaakiinta ah ee aan wax haysanin.

Masaajid iyo calaamado kale oo muujinaya soo dhaweynta bisha khayrka — Qoraalka sawirka, Sida shacabka magaalada Gaza ay u soo dhoweeyaan bisha barakeysan ee Ramadan.

Soonku waa tiirka afraad, ee shanta tiir ee islaamka, waana waajib saaran qof kasta oo Muslim ah oo qaan gaar ah ee caafimaad ahaan awooda inuu soomo.

Qofka wuxuu ka soomayaa cuntada, cabitaanka iyo galmada iyo wax kasta oo soonka buriya, laga bilaabo marka waagu dillaaco ilaa laga gaaraayo qoraxda marka ay dhacdo.

Sawirradan waxaa laga soo qaaday dalka Ciraaq — Qoraalka sawirka, Waa dalka Ciraaq iyo sida bisha Soon looga soo dhoweeyay.

Dad ku dabaalanaya xeeb — Qoraalka sawirka, Dadkaan ka muuqda sawirrada waxay ku dabaal degayaan dalka Indonesia waana hab dhaqan u ah oo ay ku soo dhaweynayaan bisha Ramadaan

Maadaama ay kala duwanyihiin wakhtiyada qaaradaha, bulsho walba Soonku wuxuu u bilowdaa wakhti, sidaas si la mid ahna waxaa la afuraa wakhtiyo kala duwan.

Skip Ugu akhris badan and continue reading

Ugu akhris badan

End of Ugu akhris badan

Shaqaale buufinaya Masaajid — Qoraalka sawirka, Halkaan waa Masaajid ku yaalla gudaha dalka Pakistaan oo la buufinayo si looga taxadaro faraska karona

Waxaa dhaqan u ah bulshada Muslimiinta ah, marka la gaaro bishaan Soon, in dadka ay wadaagaan cuntooyinka oo qoysaska ay afur u sameeyaan dad badan, kuwaas oo hal meel cuntada kuwada cuna.

Balse hadda arrintaasi way adagtahay sababtoo ah waxaa jira xayiraadaha fayraska karoona oo aan saamaxeynin in dad badan hal meel la isugu keeno.

Waxaa lagu magacaabaa Masaajidkaan Ramazan — Qoraalka sawirka, Masaajid ku yaalla Washington

Waxay dadku tukanayaan iyagoo xiran af-xirka ama face mask — Qoraalka sawirka, Waa Muslimiin tukanaya Salaadda Taraawiixda

Dalka Imaaraadka wuxuu dadka ugu baaqay in ay kala fogaadaan isla markaana aaney isku imaan oo aaney wadaagin cuntooyinka, si looga dheeraado faafitaanka cudurka karona.