Baarlamaanka Turkiga oo kordhiyay waqtiga Xaaladda degdegga

Baarlamaanka dalka Turkiga wuxuu u codeeyay in la kordhiyo xaaladda degdegga ah ee dalkaasi uu ku jiro.

Wuxuu baarlamaanka ogolaaday in seddax bilood laga badiyo amarka degdegga ah oo la soo rogay ka dib afgembigii fashilmay ee bishii July, 2016.

Hadda wuxuu sii socondoonaa illaa bartamaha bisha April ee sanadkan.

Ra'iisul wasaare ku xigeenka, Numan Kurtulmus, wuxuu sheegay in kordhinta inay muhiim tahay.

Qareennada Gulen oo u baqaya wadaadkaasi

Turkiga oo 13 kun oo askeri shaqada ka tiray

Obama oo ka hadlay afgembigii Turkiga

Wuxuu tilmaamay in taageerayaasha wadaadka deggan Mareykanka ee Fethullah Gulen, ay weli si firfircoon uga howlgalaan xarumaha shacabka.

Wadaadkaasi Fethullah Gulen ayaa ku eedeysay abaabulka afgembiga fashilka ku dhammaaday.

Dowladda ayaa ka sifeysay, booliska, xeer ilaalinta, Militari, iyo waxbarashada, tobannaan kun oo qof oo looga shakisan yahay inay taageeraan wadaadkaas.

Gulen ayaa beeniyay inuu ku lug lahaa afgembigaasi.