Dabka Los Angeles oo sii faafaya iyo khasaaraha oo sii kordhay

Ku soo dhowaada tebinta tooska ah ee BBC Somali

Kooban

Mareykanka oo cambaareeyay weerarkii lala begsaday madaxweynaha Soomaaliya
Amiirka Imaaradka oo telefoonka kala hadlay Xassan Sheekh si caafimaadkiisa wax uga ogaado
Waa kuma maayarka Istanbul ee la xiray ka hor inta uusan isu soo sharixin doorashada madaxtinimada?
Dibedbaxyo ka bilowday Turkiga ka dib xarigii maayarka Istanbul
Maxaan ka ognahay qaraxii shalay lala beegsaday madaxweynaha Soomaaliya?

Tebin toos ah

11 Jannaayo 2025Tirada dhimashada ee Falastiiniyiinta Qaza oo la sheegay in ay intaa ka badan karto
Xigashada Sawirka, Reuters
Tirada dhimashada dagaalka Gaza ayaa laga yaabaa inay intaas ka badan tahay, sida laga soo xigtay tirooyinka rasmiga ah ee ay soo saartay wasaaradda caafimaadka ee ay maamusho Xamaas.
Tirooyinka, ayaa lagu daabacay joornaalka caafimaadka ee Lancet. Dib u eegista oo ay hormuud ka ahaayeen khubaro ka socota UK, ayaa lagu eegay sagaalkii bilood ee ugu horreeyay dagaalka, kaasoo billowday wax yar ka dib markii Xamaas ay weerar ku qaadday Israa’iil Oktoobar 7, 2023.
Cilmi-baarayaashu waxay adeegsadeen xogta Wasaaradda Caafimaadka ee Falastiin, iyo sidoo kale qiimeyn kale oo internetka ah oo ay ku jiraan macluumaadka qaraabada marxuumiinta, iyo sidoo kale ogeysiisyada dhimashada. Waxay ku qiyaastay in laga bilaabo Juun 30, 2024, 64,260 falastiiniyiin ah ay u dhinteen dhaawacyo halis ah, taasoo la micno ah in heerka warbixinta hoose uu ahaa ku dhawaad 41 boqolkiiba.
Safaaradda Israa’iil ee UK ayaa sheegtay “in aan la aamini karin xog kasta oo ka soo baxda gudaha Gaza”, waxayna sheegtay in ay bixiso Xamaas. Qaramada Midoobay ayaa adeegsatay tirooyinka wasaaradda oo ay ku tilmaantay kuwo sax ah.
Tirakoob ay soo saartay wasaaraddu ma kala saarin dagaalyahannada iyo dadka rayidka ah, balse warbixin ay dhawaan Qaramada Midoobay soo saartay ayaa lagu sheegay in dhimashada ugu badan ee la xaqiijiyay ay ku dhinteen haween iyo carruur. Israel ayaa sheegtay in aan la isku halayn karin tirooyinka Xamaas.
Bishii Agoosto, millatariga Israa'iil waxay sheegeen inay meesha ka saareen 17,000 oo argagixiso, inkastoo aysan caddayn sida tiradan lagu gaaray.
11 Jannaayo 2025Madaxweynaha Ukraine oo sheegay in ay qabteen askar u dhalatay Kuuriyada Waqooyi oo dagaallamayay
Xigashada Sawirka, @ZelenskyyUa/X
Madaxweynaha Ukraine Volodymyr Zelensky ayaa shaaca ka qaaday in ciidamada Ukraine ay qabteen labo askari oo ka tirsan Kuuriyada Waqooyi oo dhaawac ah, kuwaasi oo maxaabiis ahaan loogu xiray dagaal ka dhacay gobolka Kursk ee dalka Ruushka.
Labada nin ayaa lagu daweynayaa isbitaal waxaana ay ku jiraan xabsiga Adeegga Amniga ee Ukraine (SBU) ee Kyiv, sida uu sheegay Zelensky.
Madaxweynaha ayaa sheegay in uu u mahadcelinayo ciidamada Ukraine iyo ciidamada gaarka ah ee gacanta ku dhigay raggan Kuuriyada Waqooyi kasoo jeeda.
Waxa uu intaa ku daray in "tani aysan ahayn wax sahlan", isagoo sheegay in askarta Ruushka iyo Waqooyiga Kuuriya ay inta badan dilaan dhaawacyada Waqooyiga Kuuriya "si ay u tirtiraan caddayn kasta oo ku saabsan in Waqooyiga Kuuriya ay ku lug leedahay dagaalka Ukraine".
"Adduunku wuxuu u baahan yahay inuu ogaado runta waxa dhacaya," ayuu yiri Zelensky.
Zelensky ayaa sidoo kale soo bandhigay sawirada labo qof oo dhaawac ah balse ma uusan soo bandhigin cadeymo muujinaya in ay yihiin Kuuriyada Waqooyi.
11 Jannaayo 2025Maxaa laga ogyahay safarka Madaxweyne Xasan Sheekh ee Itoobiya?
Xigashada Sawirka, Villa Somalia
Madaxweynaha Soomaaliya Xasan Sheekh Maxamuud, ayaa maanta u ambabaxay dalka Uganda si uu uga qeybgalo Shir-madaxeedka Barnaamijka Horumarinta Beeraha Qaaradda Afrika ee (CAADP), sida lagu sheegay war-saxaafadeed lagu daabacay bogga madaxtooyada.
Shirkan oo ay isugu yimaadaan madaxda Afrika ayaa waxaa looga hadlaa maalgelinta iyo horumarinta beeraha qaaradda.
Madaxweynaha ayaa la sheegay inuu kulamo gar gaar ah la yeelan doono Madaxweynaha Uganda, Yoweri Museveni iyo Madaxweynaha Kenya, William Ruto, iyagoo ka wada hadli doona arrimaha gobolka sida dhaqaalaha iyo diblomaasiyadda, sida warka lagu sheegay.
Madaxweynaha ayaa shirka kadib safar ku tegi doona dalka Itoobiya, oo la sheegay inuu casuumaad rasmi ah ka helay raysal wasaaraha dalkaas Abiy Axmed.
Ujeedka safarka ayaa lagu sheegay "xoojinta xiriirka laba geesoodka ah iyo horumarinta danaha wadajirka ah ee labada dal".
"Socdaalkan ayaa dabasocda heshiiskii dhawaan lagu gaaray Ankara, taas oo ka tarjumaysa iskaashi cusub oo u dhaxeeya Soomaaliya iyo Itoobiya. Socdaallada diblomaasiyadeed ee Madaxweynaha ayaa qeyb ka ah safarro ballaaran oo uu ku marayo gobolka, kuwaas oo ay ka mid ahaayeen booqashooyin guul leh oo uu dhawaan ku tagay dalalka Ereteriya iyo Jabuuti." Ayuu intaa ku darayaa war-saxaafadeedka.
Soomaaliya iyo Itoobiya ayaa waxaa dhowaan ka dhaxeeyay khilaaf kasoo billowday heshiiskii is af-garad ee ay horraantii sanadkii hore kala saxiixdeen Itoobiya iyo jamhuuriyadda iskeed ugu dhawaaqday madax-bannaanida ee Somaliland.
11 Jannaayo 2025Ma xusuusataa cayaar-yahankan hore? Wuxuu ka mid yahay dadka uu go'doomiyay dabka Los Angeles
Xigashada Sawirka, Getty Images
Qoraalka sawirka, Iro, oo haatan howlgab ah, ayaa u ciyaari jiray Barnet FC iyo Toronto FC
Cayaar-yahankii hore Andy Iro, oo kasoo jeeda Liverpool, ayaa ku noolaa LA tan iyo sanadkii 2015.
"Ilaa shan dab oo holcaya ayaa nagu hareereysan," ayuu u sheegay BBC 5 Live. Xaaskiisa ayaa uur leh berri ayaana lagu wadaa inay dhasho, sida uu sheegay.
Lammaanaha ayaa rajeynaya in ilmahoodu dhasho maanta amaba berri - haddana waxay qorsheynayaan inay magaalada ka tagaan ilaa ay dabeyluhu iska beddelayaan.
"Dhexda ayaan uga jirnaa balse waxaa mahad ah inaan xoogaa meyl u jirno. Waxaan joognaa xadka halka dadka laga daad-gureynayo”,ayuu yiri. Daaqadda isbitaalka, "waa inaan dabka ka aragnaa, taasoo xoogaa ah mid baqdin leh," ayuu intaa raaciyay.
"Xoogaa cabsi ayaa jirta oo ku aaddan isbitaalka iyo halka uu ku yaallo. Waxay u dhowdahay dabka."
11 Jannaayo 2025Los Angeles oo xaalad caafimaad oo degdeg ah looga dhawaaqay
Xigashada Sawirka, Reuters
Maamulka Los Angeles ayaa xaalad caafimaad oo degdeg ah ku dhawaaqay sababo la xiriira tayada hawada oo aad u liidata, iyadoo dabka iyo qiiqa ay hareereen aaggaasi.
Waaxda Caafimaadka LA ayaa war ay soo saartay ku dhawaaqday xaaladdan, iyadoo dabka iyo dabeylaha xooggan ay sii faafayaan, kuwaasoo caafimaadka bulshada khatar geliyay, sida ay waaxdu sheegtay.
Maamulka ayaa intaa ku daray in dabka uu dadka deegaanka ka saaray guryahooda, isagoo sidoo kale khalkhal geliyay dadaalka kooxaha gargaarka.
Dadka ayaa lagula taliyay inaysan guryahooda ka bixin, daaqadaha iyo albaabbadana ay xirtaan ayna isticmaalaan mukeyf.
11 Jannaayo 2025Boqollaal maxaabiista California oo la dagaallamaya dabka
Xigashada Sawirka, Getty Images
Ku dhowaad 1,000 oo maxaabiis rag iyo haween isugu jira ayaa ku biiray safka hore ee la dagaallabka dabka xooggan ee ku faafaya koofurta California.
Tirada maxaabiista - oo haatan ah 939 - ayaa qeyb ka ah barnaamij mutadawacnimo oo ay hoggaamineyso Xarunta Dhaqan-celinta ee California.
Tirdooda ayaa sii kordheysay tan iyo Talaadadii, maalinta uu dabka dhimashada sababay uu bilaabay inuu sii faafo.
Ilaa 10,000 oo dhismo ayaa burburay halka 37,000 eekar la gubay, iyadoo kumannaan shaqaalaha gargaarka ay ku sugan yihiin Los Angeles si ay dabka ula dagaallamaan.
Ugu yaraan 11 qof ayaa ku dhintay dabka, sida ay saraakiisha sheegeen.
11 Jannaayo 2025ATM-yo dhalaalay, qiiq cirka is qabsaday iyo geedo soo jabay
Dabka ayaa weli ka holcaya agagaarka Los Angeles area. Waxaa ina soo gaaray sawirro muujinaya xajmiga khasaaraha iyo burburka.
Guryo baaba'ay. gawaari gubtay iyo geedo soo jabay oo ay dabeylo xooggan iyo dab cagta mariyeen.
Xigashada Sawirka, Reuters
Xigashada Sawirka, Getty Images
Xigashada Sawirka, Getty Images
Xigashada Sawirka, Getty Images
Xigashada Sawirka, Getty Images
Xigashada Sawirka, Getty Images