Gobolka Mareykanka ku yaalla ee soo jiidanaya muhaajiriinta iyadoo Trump iyo Harris-ba ay ballan qaadeen inay tallaabo ka qaadayaan qulqulka soo galootiga

Soo galootiga ayaa ah arrin aad u weyn doorashada madaxtinimada Mareykanka ee soo socota, iyadoo Kamala Harris iyo Donald Trump labaduba ay ballan qaadeen inay yareynayaan tirada dadka ka gudbaya xadka Mexico. Laakiin mid ka mid ah gobollada Mareylanka ayaa ku dadaalaya sidii uu u soo jiidan lahaa muhaajiriin badan.

Waa wakhtiga qadada warshada farsamaynta kalluunka ee Cordova, oo ah magaalo kalluumaysi oo ku taal cirifka Webiga Copper Delta ee Gacanka Alaska.

Laakiin cuntada halkan waa ay ka duwan tahay tan Maraykanka, waxaa laga cunaa tacos iyo tortillas oo ah cuntooyinka ay intooda badan cunaan Mexico ah.

Sida muhaajiriinta kale ee u safra kumanaan mayl sannad kasta si ay uga shaqeeyaan beeraha iyo kalluunka Alaska, waxay soo jiitaan rajada ah inay helaan dakhli ka badan inta ay guriga joogaan.

"Sannadkii hore waxaan sameeyay $27,000 oo nadiif ah muddo afar bilood gudahood," ayuu yiri Edgar Vega García, oo aad uga badan celceliska dakhliga qoyska Mexico, kaas oo ah $16,269 sanadkii, sida laga soo xigtay OECD.

Sannadka intiisa badan, magaalada Cordova waxay la kulantaa heerkul hoose, roob culus ama baraf, iyo dhacdo loo yaqaan "night polar," inta xilligaas lagu jiro qorraxdu ma soo baxdo laba bilood.

Laakiin xagaaga, marka qabowgu hoos u dhaco oo maalmaha cad, dadka maxalliga ahi waxay u baxaan inay soo kalluumaystaan kalluunka caanka ah ee Alaska ee kalluunka duurjoogta ah iyo kalluunka kale ee ku nool webiga Copper.

Laakin si loo farsameeyo, baakadeeyo loona iibiyo kalluunka, shirkaduhu waxay raadinayaan shaqaale dibadda ah.

Marka loo eego Waaxda Shaqada ee gobolka, 80 boqolkiiba shaqaalaha warshadaha cuntada badda ee Alaska waa dad aan degaanka deganayn.

Halka dadka aan deganayn ay ku jiraan shaqaale ka socda gobolada kale ee Maraykanka, inta badan kuwa ka shaqeeya Cordova waa muhaajiriin ka yimid dalal kale, oo ay ku jiraan Ukraine, Peru, Turkiga, Philippines iyo, gaar ahaan, Mexico.

Waxaa soo jiitay mushaharka iyo xaaladaha shaqada, oo inta badan aad uga fiican kuwa ay ka heli lahaayeen dalalkooda. Qofka ka shaqeynayaa kalluunku waxa uu saacadii qaataa inta u dhaxeysa $18.06, iyo $27.09. Wakhtiga dheeraadka ah (Sharciga Alaska waxa uu qabaa inuu bixiyo 50% qaddarka mushaharka saacadaha dheeraadka ah.

Shirkadaha ama dadka loo shaqeynaya waxay caadi ahaan bixiyaan guryo bilaash ah iyo saddex waqti oo cunto maalintii inta qandaraaska uu socdo, taasoo u oggolaanaysa shaqaalaha inay badbaadiyaan ku dhawaad dhammaan dakhligooda.

Marka taas laga soo tago, ma jiraan wax badan oo aad lacagtaada ku bixiso gudaha magaalada Cordova. Ma jirto goob shaleemo lagu daawado ama suuq laga dukaamaysto, maalmaha ay cimiladu ka hor istaagto inay kalluumaystaan.

Shirkaduhu waxay sidoo kale bixiyaan kharashka safarka, taas oo muhiim u ah in la gaaro meel fog sida Cordova, taas oo kaliya lagu gaari karo diyaarad iyo doon.

Xaaladaha nololeed ma aha kuwo raaxo leh. Halkan warshadda Cordova, shaqaaluhu waxay ku seexdaan sariiro yayar, iaydoo halkii qolna ay afar qof ku seexdaan. Shaqaduna waa adag tahay. Shaqooyinka waxay inta badan bilowdaan waaberiga waxayna ku dhamaadaan 18 saacadood ama ka badan, iyadoo shaqaaluhu ay ku degdegaan in ay soo saaraan kumanaan kiilo oo kalluun ah maalintii.

Isagoo ku shaqaynaya suunka wax qaada, Edgar wuxuu si xeeladaysan u isticmaalay laba mindi si uu laf dhabarta, dhiigga iyo xiidmaha kale uga saaro kalluunka kasta.

Dakhliga uu ka helo Alaska, wuxuu awood u yeelanyaa inuu si raaxo leh ugu noolaado sannadka intiisa kale Mexicali, oo ah magaalo xudduud ah oo ku taal gobolka Mexico ee Baja California, halkaas oo afartiisa carruur ah ay ku suga yihiin.

"Lacagta aan halkan ka helo waxay ka badan tahay labanlaab tan gudaha Mexicali laga sameeyo," ayuu yiri.

Warshadaha kalluunka iyo cuntooyinka badda ee gobolka ayaa soo saara 2,268 tan oo kalluun ah sannadkii, in ka badan kala bar wadarta guud ee Maraykanka, sida ay sheegtay Jaamacadda Alaska-Fairbanks.

Shirkadaha waaweyn sida Ocean Beauty Seafoods iyo Trident ayaa halkan ka hawgala.

Baahida shaqada ajnabiga ah ee qaybtan waa sida sanadka 2023, dawlada Maraykanku waxay bilawday inay ansixiso koror xoog leh oo fiisaha ku meel gaadhka ah ee shaqaalaha soogalootiga ah ee Alaska. Sannadkii 2022-kii, tirada fiisaha ayaa lagu koobay 66,000, laakiin sannadihii 2023 iyo 2024, tiradaasi waxay korodhay ilaa 130,000.

Rich Wheeler, oo maamula warshadda kalluunka yar ee Cordova oo uu Edgar ka shaqaynayey sanadkan, North 60 Seafoods, ayaa sheegay in uu dhibaatooyin kala kulmay qaar ka mid ah shaqaalaha Maraykanka ah oo isticmaalayay daroogo, maqnaansho cudurdaar la'aan ah iyo dagaal.

Wuxuu sheegay in Mexican-ka ay shirkadiisa keeneen xasillooni ay aad ugu baahnaayeen.

“Uma malaynayo inaan guulaysan lahayn reer Mexico la'aantood. Had iyo jeer waxay ku jiraan waqtiga shaqada, waxaana ogahay inaan ku kalsoonaan karo inay si adag oo xirfad leh u shaqeeyaan maalin kasta."

Shaqaale badan oo soogalootiga ah, caqabada ugu weyn ee ka shaqaynta Alaska waa in ay ka tagaan kuwa ay jecel yihiin muddo dheer. Rosa Vega, Edgar hooyadeed, waxay safar sanadle ah ku tagaysay Alaska muddo 18 sano ah.

Da'da 67, waxay ka welwelsan tahay hooyadeed oo da' ah oo ku hartay Mexico.

Doorashada madaxtinimo ee Maraykanka ee soo socota, Donald Trump ayaa ka digay "qulqulka" soogalootiga sharci darrada ah ee qaban doona shaqooyinka Maraykanka, halka Kamala Harris ay ballanqaaday inay sugi doonto xuduudaha iyo hagaajinta nidaamka socdaalka.

Cordova, qulqulka shaqaalaha ee bilaha xagaaga ayaa ku saddex jibaarmaya dadka caadiga ah ee magaalada oo ka yar 3,000.

Laakiin duqa magaalada, David Allison, ayaa sheegay in muhaajiriinta loo arko inay yihiin kuwo kobcinaya dhaqaalaha maxalliga ah, halkii ay khatar ku noqon lahaayeen shaqooyinka.