Israa'iil oo ku dhawaaqday inay aqoonsatay Somaliland

Ra'iisul Wasaaraha ayaa maanta ku dhawaaqay in Jamhuuriyadda Somaliland ay si rasmi ah u aqoonsatay dal madax-bannaan oo madax-bannaan.

Ra'iisul Wasaare Netanyahu, Wasiirka Arrimaha Dibadda Saacid, iyo Madaxweynaha Jamhuuriyadda Somaliland ayaa kala saxiixday baaq wadajir ah oo labada dhinac ah.

Bayaankani waxa uu ku socdaa iyada la tixraacayo heshiiskii Abraham, ee lagu saxeexay hindisaha madaxweyne Trump.

Ra'iisul Wasaare Netanyahu ayaa hambalyo u diray Madaxweynaha Somaliland, Dr. Cabdiraxmaan Maxamed Cabdalla, wuxuuna ku ammaanay hoggaamintiisa iyo sida ay uga go'an tahay horumarinta xasilloonida iyo nabadda. Ra'iisul Wasaaraha ayaa ku casuumay Madaxweynaha inuu booqasho rasmi ah ku tago Israel., sida ku cad bayaanka xafiiska rai'sul wasaaraha.

Madaxweynaha ayaa uga mahadceliyey Ra'iisul Wasaare Netanyahu baaqii taariikhiga ahaa ee uu ku dhawaaqay, wuxuuna muujiyay sida uu ugu faraxsan yahay guulaha uu Ra'iisul Wasaaruhu ka gaaray la dagaallanka argagixisada iyo horumarinta nabadda gobolka, ayaa lagu yiri bayaanka.

Bayaanka ka soo baxay xafiiska rai'sul wasaaraha Isra'il ayaa lagu xusay in dawladda Israa'iil ay qorshaynayso inay si degdeg ah u ballaariso xiriirka ay la leedahay Jamhuuriyadda Somaliland iyada oo iskaashi ballaaran ka samaynaysa dhinacyada Beeraha, Caafimaadka, Tignoolajiyada iyo Dhaqaalaha.

Maxay ka tiri Somaliland aqoosiga Israa'iil?

Jamhuuriyadda iskeed ugu dhawaaqday madax banaanida ee Somaliland ayaa xaqiijisay awoonsiga Isreal, kadib kulan khadka fogaan-aragga ah (video conference) oo dhex maray Madaxweynaha Somaliland Cabdiraxmaan Maxamed Cabdilaahi (Cirro) iyo Raysal Wasaaraha Dalka Israel, Benjamin Netanyahu oo si rasmi ah u aqoonsaday Somaliland.

''Kulanka ayaa lagu muujiyey is-afgarad siyaasadeed, diblomaasiyadeed iyo istiraatiiji, iyada oo labada dhinac isla qireen xaqa ay Somaliland u leedahay aqoonsi buuxa iyo qaranimadeeda, isla markaana la isla meel dhigay in la bilaabo weji cusub oo yididiilo leh iyo xidhiidhka adag oo dhex mara labada dal'' ayaa lagu yiri qoraal la soo dhigay barta xafiiska afhayeenka madatooyada Somaliland.

Qoraalka ayaa intaas ku daray ''Aqoonsigan taariikhiga ah ee ay Dawladda Israel u fidisay Somaliland waxa uu Jamhuuriyadda Somaliland u furayaa bog cusub oo taariikhi ah oo ku aaddan iskaashi caalami ah, amni, dhaqaale, tiknoolajiyadeed iyo diblomaasiyadeed, isaga oo xoojinaya doorka Somaliland ee nabadda iyo xasilloonida Gobolka Geeska Afrika.''

''Raysal Wasaaraha Dalka Israel Benjamin Netanyahu ayaa Madaxweynaha Jamhuuriyadda u fidiyey booqasho rasmi ah oo ku tegi doono dalka Israel si looga wada hadlo danaha iyo arrimaha mudnaanta u leh labada dal''