Trump: 'Kurdido waa i niyad jabiyeen'

Shir jaraa'id oo uu Isniintii ku qabtay xafiiska Oval Office-ka, ayaa madaxweynaha Maraykanka waxa uu ku celceliyey sheegashadiisa ah in Maraykanku hub u soo diray dibad-baxayaasha Iran isagoo u sii maraya Kurdiyiinta, balse aanay Kurdiyiintu hubkaas gaarsiin Iiraaniyiinta.

"Iraniyiintu waxay rabaan inay jidadka isugu soo baxaan oo ay mudaaharaad sameeyaan, laakiin ma haystaan hub, waxaan u malaynaynay in Kurdiyiintu ay siin doonaan [hubka]. Kurdiyiinta ayaa na niyad-jabiyay," ayuu yiri.

Trump oo hadalkiisa sii wata ayaa u yiri sidan.

"Kurdigu waxay sii wadaan qaadashada, waxay ku leeyihiin sharaf weyn Congress-ka. Koongarasku wuxuu leeyahay, 'Maya, si fiican ayay u dagaallamaan." Si fiican ayay u dagaalamaan marka lacag la siiyo. Kurdiyiinta ayaa i niyad jabiyay. Waa kuu sheegay in aysan shaqeyn doonin.

Trump ayaa horay u sheegay in maamulka Mareykanka uu hub u soo diray dadka ku mudaaharaadaya dowladda Iran ee ka soo horjeeda, balse hubkaasi ay gacanta ku dhigeen kooxaha Kurdiyiinta.

Rudaw, oo ah warbaahin fadhigeedu yahay gobolka Kurdistaan ee Ciraaq, ayaa ku warantay in kooxo badan oo mucaaradka Kurdiyiinta Iran ay beeniyeen sheegashada.

Xoghayaha arrimaha dibadda ee Maraykanka Marco Rubio ayaa todobaadkii hore sheegay in hadalka Trump aanu ahayn mid xaqiijinaya wareejinta hub, balse ay ka turjumayso rabitaanka Trump ee ah in dadka Iran ay awood u yeeshaan inay ka hortagaan waxa ku dhacaya.

Trump ayaa sii wada bartilmaameedsiga taliska Iran ka hor booqashadiisa Shiinaha.

Madaxweynaha Maraykanka Donald Trump ayaa diiday soo jeedinta Iran ee liiska 14-ka qodob ee loo diyaariyey inay yihiin kuwo qabyo u ah wadahadal nabadeed u baaham.

Axaddii, May 10-keedii, Trump wuxuu yiri, "Kaliya waxaan akhriyay jawaabta Iran ee waxa loogu yeero 'wakiilada'. Maan jeclaysann - waa wax aan la aqbali karin, isniintiina wuxuu ugu yeeray soo jeedinta "qashin."

Qiimaha saliidda ayaa sare u kacay ka dib hadalkii Trump ee Axadii.

Tehran waxa ay doonaysaa in arrimaha qalafsan sida barnaamijkeeda Nukliyeerka laga ilaaliyo wada xaajoodyadan.

Wakaaladda wararka ee Iran ee Tasnim ayaa sheegtay in jawaabaha ay u soo dirtay Pakistan.

Sida uu qabo hindisaha Tehran waxaa ka mid ah qodobbo ay ka mid yihiin in si degdeg ah loo joojiyo colaadda dhinac kasta ah, qaadista xayiraadda badda ee Mareykanka, iyo dammaanad qaadka in aysan jiri doonin weeraro kale oo ka dhan ah Iran.

Wixii dhacay xabad joojinta kadib

Xabad-joojintii lagu dhawaaqay bilowgii bishii April ayaa inta badan wali sii shaqaynaysa in kasta oo ay socdaan isku dhacyo.

Toddobaadkii ugu horreeyay ee May, Trump wuxuu ku celiyay sheegashadiisa in dagaalku "dhakhso u dhammaan doono."

Kadib, 6-dii Maarso, wuxuu ku hanjabay inuu duqeyn doono Iran haddii aysan aqbalin heshiis.

Si kastaba ha ahaatee, dowladda Iran, ayaa sii wada inay soo saarto fariimo digniin ah oo ay kaga jawaabayso hanjabaadaha.

Ra'iisul wasaaraha Israa'iil Benjamin Netanyahu ayaa ku dooday in dagaalka uu soo afjarmi karo haddii kaydka Yuraaniyaamka la bacriminayo ee Iran "la tirtiro."

Trump ayaa horay u sheegay in howlgalka Epic Fury oo ah howlgalkii ugu horeeyay ee Mareykanka iyo Israa'iil ay ka fuliyaan Iran uu soo afjarmi doono "iyadoo shuruud looga dhigayo in Iran ogolaato in la keeno wixii lagu heshiiyey".

Ka hor inta aan warkan lagu dhawaaqin, ayaa xoghayaha arrimaha dibadda ee Maraykanka, Marco Rubio waxa uu sheegay in hawlgalku dhammaaday, lagana guulaystey ujeedooyinkii laga lahaa.