'Waa nin soo jiidasho leh oo adag' Trump oo madaxweynaha suuriya ka dalbaday shan arrimood
Xigashada Sawirka, Getty Images
Waa nin soo jiidasho leh oo adag. Sidaas ayuu Madaxweynaha Trump u qeexay hogaamiyaha Suuriya, isla markaana saxiixo Heshiisyada Abraham. – Sharaa ayaa ahaa nin markii hore lagu sheegay inuu yahay argagixiso.
Laakiin xusuusnow Israa'iil, waxay burburisay awooda difaaca Suuriya 48-kii saacadood ee ka dambeeyay xukunkii Bashaar Al Asad ee Diseembar, markii lagu soo waramay in in ka badan 400 duqeyn hawada ah la sameeyay.
Israa'iil waxay sii waday weerarada ka dhanka ah Suuriya, waxayna dhawaan duqeysay meel ku dhow madaxtooyada, iyadoo sheeganaysa inay rabto inay difaacdo xuquuqda dadka Druze - oo ah koox diimeed yar.
Madaxweynaha Sharaa ayaa marar badan sheegay in Suuriya ay rabto xidhiidh wanaagsan oo ay la yeelato deriskeeda – iyada oo aan la cayimin kuwaas. Dad badan ayaa soo jeedinaya inuu diyaar u yahay inuu wada hadal la galo Israa'iil.
Hogaamiyaha ayaa si aad ah u diiradda saaraya sidii uu dib cagaheeda ugu istaajin lahaa Suuriya iyo dhaqaalaheeda, si uu u sii hayo ballanqaadyadii uu u sameeyay shacabka.
Xigashada Sawirka, Getty Images
Kaalinta ay cunaqabataynta Mareykanka ka qaaday ayaa ah horumar weyn oo ku saabsan saamayntiisa iyo iyadoo sidoo kale ay samaaynayso malaayiin Suuriyaan ah oo u dhib mutay cunaqabataynta saarayd.
Mouaz Moustafa waa madaxa Ururka Syria Emergency Task Force ee fadhigiisu yahay Mareykanka – urur u doodayay dhinaca mucaaradka ee ka hor yimid madaxweynihii afgambiyay Bashar al-Assad ee Suuriya.
Wuxuu BBC-da barnaamijka Newsday u sheegay in qorshayaasha Madaxweyne Donald Trump ee ah inuu si kooban u kulmo Madaxweynaha kumeelgaarka ee Suuriya, Axmed al-Sharaa, ay yihiin isbeddel weyn.
"Markii ugu horreysay sanado badan, Suuriya waxay leedahay rejo," ayuu yidhi.
Moustafa wuxuu intaas ku daray in dalka dagaalladu burburiyeen uu hadda fursad u leeyahay inuu noqdo "dimuqraadiyad barwaaqo, deggan oo nabdoon."
"Shacabka Suuriya waxaybay dib u dhisi karaan, malaayiin qaxooti ahna waxay ku soo laaban karaan guryahooda," ayuu yidhi.
Xigashada Sawirka, Getty Images
Warbixinada qotada dheer iyo wararka BBC Somali oo toos kuugu imanaaya WhatsApp.
Halkaan kaga soo biir
Dhamaadka xayeysiinta
Xidhiidh wanaagsan oo lala yeesho awoodaha gobolka ayaa si dhab ah ugu shaqeyn doona faa'iidooyinka Sharaa – balse sida ay arrintan u saameyn karto Falastiiniyiinta waxay keeni kartaa carqalad iyo cadho badan oo ka dhex dhalata shacabka Suuriya.
Waxaa la sheegay in wasiirada arrimaha dibadda ee Turkiya, Mareykanka iyo Suuriya ay ku kulmi doonaan Turkiya khamiista soo socota, kadib kulan aan rasmi ahayn oo ay yeeshaan wasiirrada arrimaha dibadda ee NATO si ay uga wada hadlaan faahfaahinta ballanqaadka Madaxweyne Trump ee ah inuu ka qaado cunaqabataynta Suuriya. Sidaas waxaa sheegay Wasiirka Arrimaha Dibadda ee Turkiya, Hakan Fidan.
Isagoo la hadlayay warbaahinta dowladda ee TRT, Fidan wuxuu sharraxay in kulanka maanta ee u dhaxeeya Trump, Madaxweynaha Suuriya Axmed al-Sharaa, iyo Madaxweynaha Turkiya Recep Tayyip Erdogan uu ahaa mid "taariikhi ah."
Wuxuu sheegay in wasiirrada arrimaha dibadda ay isugu iman doonaan si ay uga wada hadlaan sida loo sii amba qaadi karo faahfaahinta heshiiska lagu qaaday cunaqabataynta.
Shan arrin oo Trump ka dalbaday Suuriya
Intii uu Trump kula kulmay Madaxweynaha Kumeelgaarka ee Suuriya Axmed al-Sharaa, wuxuu hogaamiyahaasi siiyay shan tilmaam, sida ay sheegtay afhayeenka Aqalka White House Karoline Leavitt:
- Inuu saxiixo Heshiisyada Abraham si loo hagaajiyo xidhiidhka Israa'iil
- Inuu u sheego dhammaan "argagixisada ajnebiga ah" inay ka baxaan Suuriya
- Si gaar ah, Trump wuxuu tilmaamay "argagixisada Falastiin" dalka laga saaro
- Inay ka caawiyaan Mareykanka in la joojiyo soo laabashada kooxda loo yaqaan Daacish
- Iyo isla mowqifkaas, inay qaataan mas'uuliyadda xarumaha xabsiga ee la xidhiidha kooxdaas ee ku yaal bariga iyo waqooyiga Suuriya.
Ka hor inta uusan Trump shaacin qorshihiisa ah inuu ka qaado cunaqabataynta Mareykanka ee Suuriya shalay, Suuriya waxay ahayd dowlad lagu calaamadiyay taageeridda argagixisada tan iyo 1979, markaas madaxweynayaasha isbedelka dalka ku qabsaday Bashar al-Assad, aabbihiis Hafez al-Assad, uu ahaa madaxweyne.
Cunaqabatayn dheeraad ah iyo xayiraad ayaa lagu soo rogay Suuriya sanadkii 2003.
Kadib markii uu billowday dagaalkii sokeeye ee Suuriya 2011, dowladda Mareykanka waxay kordhisay cunaqabataynta iyagoo isku dayaya inay ka reebaan maamulka kheyraadkii uu u baahnaa "si uu uga sii wado rabshadaha ka dhanka ah shacabkii iyo si ay u cadaadiyaan maamulka Suuriya in uu oggolaado isbedel dimuqraadiyadeed."
Cunaqabatayntu waxay xanibtay hantida iyo danaha ee hantiilayaasha Suuriya ee Mareykanka, oo ay ku jiraan Bashar al-Assad, iyo sidoo kale maalgashiyada Suuriya ama dhoofinta alaabooyinka halkaas ee ay sameeyaan muwaadiniinta Mareykanka.
