125 qof oo IS lala xariirinayo oo lagu qabtay gudaha Turkiga iyo weeraro 'ay qorsheynayeen'
Xigashada Sawirka, Ümit Bektaş/ Reuters
- Author, BBC News Türkçe
- Reporting from, Londra
Wasiirka arrimaha gudaha eedalka Turkiga Yerlikaya ayaa saaka ku dhawaaqay in 125 qof oo looga shakisan yahay Daacish lagu soo qabtay howlgalo xilli ah oo laga sameeyay 25 gobol. Eedeysanayaasha ayaa xabsiga la dhigay.
Wasiir Yerlikaya ayaa bayaan uu ku daabacay bartiisa X ku sheegay in howlgallada laga fuliyay gobolada Afyonkarahisar, Ankara, Aydın, Bursa, Eskişehir, Hatay, Kahramanmaraş, Mardin, Mersin, Uşak, Istanbul, Niğde, Sakarya, Kastamonu, Kocaeli, Hakkari, Osmaniye, İzmir, Erevğışr, Denizliz, Izmir. Kırklareli, Şanlıurfa iyo Yalova.
Xafiiska dacwad oogaha guud ee Istanbul ayaa sidoo kale saaka ku dhawaaqay in xabsiga la dhigay 28 qof oo lagu helay in ay ku lug lahaayeen dacaayadda ISIS ka dib weerarkii Yalova ee lagu dilay saddex askari oo boolis ah, iyo hal qof oo lagu helay in uu kaalin firfircoon ku lahaa ururkaas.
Waxaa la sheegay in la qabtay qalab badan oo dijital ah iyo dukumiintiyo abaabul oo laga helay guryaha ay degan yihiin eedaysanayaasha.
Saddex askari ayaa lagu dilay howlgal ka dhacay Turkiga
Saddex askari oo booliis ah ayaa naftooda ku waayey israsaasayn ka dhalatay weerar ay ISIS ka fulisay Yalova oo ah magaalo yar ku taalla Turkiga 29-kii December.
Howlgalka ayaa waxaa lagu dilay Lix kamid ah ururka Daacish, kuwaasi oo u dhashay dalka Turkiga.
Ka dib iska horimaadyadii ka dhacay Yalova, hawlgal ka dhan ah Daacish ayaa si isku mid ah uga bilowday 21 gobol 30-kii December.
Howlgallada ayaa intii ay socdeen waxaa gacanta lagu soo dhigay 357 qof oo laga shakisan yahay.
Hawlgaladii ugu dambeeyay ayaa la bilaabay ka dib markii ay shegeen in ay heleen xog sirdoon oo sheegaysa in Daacish ay diyaarinayeen weeraro inta lagu guda jiro dabaaldaga sanadka cusub iyo ciida Kirismaska.
December 25 keedii, ayaa lagu dhawaaqay in xabsiga la dhigay 115 qof oo la rumeysan yahay inay xiriir la leeyihiin ururka.
Hawlgal ay si wada jir ah u fuliyeen Hay'adda Sirdoonka Qaranka (MİT) iyo Agaasinka Guud ee Ammaanka 26-kii December, ayaa Ibrahim Burtakuçin, oo ka tirsan Daacish, oo la sheegay inuu isku diyaarinayey inuu weeraro sannadka cusub, lagu xiray Malatya.
Burtakuçin ayaa lagu eedeeyay in uu "ka wakiil u ahaa ISIS ta" Turkiga iyo in uu "doonayay in uu ku biiro" ururka isaga oo u safrayay goobaha colaadaha.
