Fransiiska oo albaabada isugu dhufanaya warshad Nukleyr

Wasiirka arrimaha deegaanka ee dalka Fransiiska Segolene Royal ayaa ku dhawaaqay in gebi ahaanba ay xirayaan xarun Nukleyr oo qadiimi ah, taa oo ku taala deegaanka Fessenheim ee bariga dalka Fransiiska.

Waxaa jiray walaac laga muujiyay badqabka shirkadani oo ku taala meel ay dadku ku badanyihiin, Kana ag dhaw xadka Fransiisku uu la leeyahay dalka Jarmalka iyo Switzerland.

Qorshahan albaabada la isugu dhufanayo shirkadani Nukleyrka ayaa timid kaddib markii uu ballan qaaday madaxweyne Francois Hollande xiligii ololaha doorashada ee uu ku guuleystay sanadkii 2012.ka