Afhayeenka IS oo lagu dilay Suuriya

Ururka isku magacaabay dowladda Islaamiga ayaa shaaciyay in mid ka mid ah saraakiisha sare lagu dilay dalka Suuriya.

Abu Maxamed al-Cadnani, oo ahaa afhayeenka ururkaasi ayaa lagu dilay iska hor imaad ka dhacay gobolka Xaleb, sida lagu sheegay barta internet-ka ee Amaq, ee xiriirka la leh dowladda Islaamiga.

Ururka ayaan ka hadlin xilliga uu dhintay sarkaalkaasi.

Mas'uul sare oo ka tirsan wasaaradda difaaca ee Maraykanka, ayaa BBC u sheegay in ay qiimeynayaan duqeyn cirka ah oo Talaadadii loo geystay deegaanka al-Bab ee waqooyi bari Xaleb.

Waaxda arrimaha dibedda ee Maraykanka ayaa al-Cadnani ku tilmaamtay in uu yahay argagixis caalami ah, waxaana madaxiisa dulyaalay 5 milyan oo dollar.