නිවසේ කටයුතු සහ පිරිසිදු කිරීම කාන්තාවන්ගේ වගකීමක් ලෙස සාම්ප්‍රදායික මතයක් ගොඩ නැගී තිබේ.

ස්ත්‍රී-පුරුෂභාවය මත තීරණය කර ඇති මෙම සාම්ප්‍රදායික කාර්යභාරවලට සමාජයේ විවිධ කණ්ඩායම්වලින් අභියෝග එල්ල වූවත්, නිවසේ කටයුතු ඉටු කිරීම පූර්ණ හෝ අර්ධ කාලීන රැකියාවක් වන අතර, දැනටත් සිය නිවස පිරිසිදුව, පිළිවෙළට තබා ගැනීමට සමාජයෙන් බලපෑම් එල්ල වේ.

කාන්තාවන් පුරුෂයන්ට වඩා නිවසේ වැඩ කටයුතු ඇතුළු වැටුප් රහිත වැඩ 60%ක් පමණ වැඩිපුර සිදු කරන බව 2016 දී බ්‍රිතාන්‍යයේ සිදු කළ ගවේෂණයක දී හෙළි විය.

එක්සත් ජාතීන්ගේ සංවිධානයට අනුව, ලෝකය පුරා වැටුප් ලැබෙන සහ නොලැබෙන රැකියා සඳහා ගතවෙන කාලය මැන බැලීමේ දී, සංවර්ධිත රටක කාන්තාවක් පුරුෂයෙකුට වඩා දිනකට සාමාන්‍යයෙන් මිනිත්තු 30ක කාලයක් වැඩ කරන අතර, සංවර්ධනය වෙමින් පවතින රටවල එය මිනිත්තු 50ක් දක්වා දීර්ඝ වේ.

මෙයින් හැඟවෙන්නේ, දිනකට පැය අටක නින්දක් ලබාගතහොත්, පුරුෂයන් සමග සංසන්දනය කිරීමේදී කාන්තාවන්ට වසරකට කෙටි දින 19ක් ඇති බවය.