ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
උතුරු කොරියාව: කිම් ජොන්ග් අන් සහ මූන් ජේ-ඉන් හමුවෙති
උතුරු කොරියාවේ සහ දකුණු කොරියාවේ නායකයන් දෙපල දෙරට දේශ සීමාවේ පිහිටි යුද මුක්ත කලාපයේදී හමු වූහ.
මෙය, නායක කිම් ජොන්ග් අන් සහ ජනාධිපති මූන් ජේ-ඉන් අතර සිදු වූ දෙවන හමුවීමය.
ඉහත කී හමුව සිදුවූයේ ඇමරිකාව සහ උතුරු කොරියාව අතර යෝජිත ඓතිහාසික හමුව යථාර්තයක් බවට පත් කර ගැනීම සඳහා දරන උත්සාහයක් වශයෙනි.
ජුනි 12 වෙනිදාට යෙදී තිබුණු හමුව ඇමරිකානු ජනපති ට්රම්ප් විසින් බ්රහස්පතින්දා (මැයි 24) අවලංගු කරනු ලැබුනු නමුත් සැලසුම් කර පරිදි සාකච්ඡාව පැවැත්වෙනු ඇති බවට පසුව ඉඟි කර තිබිණි.
සටන් විරාමය පවතින පන්මුන්ජෝම් ගම්මානයේ උතුරු කොටසේදී කොරියානු නායකයන් දෙපල හමු වූ බව ජනාධිපති මූන්ගේ කාර්යාලය නිවේදනය කළේය.
දිනෙක" උතුරු කොරියානු නායකයා හමුවීමට තමන් අපේක්ෂා කරන බවය.
සාකච්ඡාවෙහි ප්රතිඵල ජනාධිපති මූන් විසින් ඉරිදා (මැයි 27) ප්රකාශයට පත් කරනු ඇති බවත් ඉහත කී නිවේදනයේ දැක්විණි.
ජුනි 12 වෙනිදාට යෙදී ඇති ට්රම්ප්-කිම් හමුව සිදුවුවහොත් කොරියානු අර්ධද්වීපය න්යෂ්ටික අවිවලින් තොර කලාපයක් බවට පත් කිරීම සහ කලාපීය උණුසුම අවම කිරීම පිළිබඳ එහිදී අවධානය යොමු වනු ඇත.
