ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
''වොක්ස්වැගන් බීට්ල් පළවෙනි කාර් එක ලංකාවට ගෙනාවේ මගේ තාත්තා''
වොක්ස්වැගන් බීට්ල් මෝටර් රථය ශ්රී ලංකාවට හඳුන්වාදී මේ වනවිට වසර 70 ක් සම්පුර්ණ වේ.
ඒ නිමිත්තෙන් පළමු වරට ශ්රී ලංකාවේ ලියාපදිංචි කරන ලද වොක්ස්වැගන් බීට්ල් මෝටර් රථය සහ ඒ සමග ගෙන්වන ලද තවත් මෝටර් රථ පහක් මැයි 13 කොළඹ කාර්මාර්ට් ආයතනයේදී ප්රදර්ශනය කරන ලදී.
1953 දී ජර්මනියෙන් ගෙන්වන ලද එම මෝටර් රථ මේ වන විට ද ධාවන තත්වයේ පවතී.
''මුල්ම කාර් එක කොළඹ වරායේ ඉඳලා පෙරහරකින් තමයි අපේ තාත්තා ගෙනාවේ. ඒ පෙරහැරේ ඉස්සරහින් මෝටර් බයිසිකල් තිබුණා. අශ්වයෝ හය දෙනෙක් හිටියා. මුල්ම කාර් එකේ පිටිපස්සේ වීදුරුව දෙකට බෙදලා තියෙන්නේ. '' යනුවෙන් කාර්මාර්ට් ආයතනයේ සභාපති සේනක අමරසිංහ BBC සිංහල සේවයට කියා සිටියේය.
