ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
තුර්කි භූ කම්පනය:'තුර්කියේ භු කම්පනයෙන් මිය ගිය ශ්රී ලාංකික කාන්තාවගේ දේහය සොයා ගත්තා'- තුර්කියේ ශ්රී ලංකා තානාපති
මීට පෙර භූමි කම්පාවෙන් පසු තොරතුරක් සොයා ගැනීමට නොහැකි වූ තුර්කියේ සිටි ශ්රී ලාංකික කාන්තාව මිය ගොස් ඇති බව තුර්කියේ ශ්රී ලංකා තානාපති හසන්ති උරුගොඩවත්ත දිසානායක BBC සිංහල සේවයට පැවසීය.
ඇය ජිවත් වූ නිවසේ සුන්බුන් අතර තිබී ඇයගේ සිරුර අද සොයා ගනු ලැබූ අතර අදාළ කාන්තාවගේ දියණිය විසින් සිය මවගේ සිරුර හඳුනාගෙන තිබේ. කාන්තාව වසර ගණනාවක සිට තම තුර්කි ජාතික සැමියා සහ දියණිය සමග තුර්කියේ ජිවත්වන අතර ඇය ශ්රී ලංකාවේ ගලගෙදර ප්රදේශයේ කෙනෙකු ලෙස හඳුනාගෙන තිබේ.
තානාපති කාර්යාලයේ තොරතුරුවලට අනුව ශ්රී ලාංකිකයන් 16 දෙනෙකු භූ කම්පන සිදු වූ ප්රදේශවල ජීවත්ව සිට ඇත.
මේ වන විට සිරියානු දේශසීමාව ආසන්නයේ ගිනිකොණ දිග තුර්කියේ හටගත් ප්රබල භූ කම්පනවලින් මිය ගිය පුද්ගලයන් ගණන 25,000 ඉක්මවා තිබේ.
