ਸਭ ਦਾ ਧੰਨਵਾਦ
ਅਫਗਾਨਿਸਤਾਨ ਉੱਤੇ ਤਾਲਿਬਾਨ ਦੇ ਕਬਜ਼ੇ ਤੋਂ ਬਾਅਦ ਵਾਪਰ ਰਹੇ ਘਟਨਾਕ੍ਰਮਾਂ ਬਾਰੇ ਅੱਜ ਦਾ ਲਾਇਵ ਪੇਜ਼ ਅਸੀਂ ਇੱਥੇ ਹੀ ਖ਼ਤਮ ਕਰ ਰਹੇ ਹਾਂ। ਤੁਸੀਂ ਸਾਡੇ ਨਾਲ ਜੁੜੇ ਤੁਹਾਡਾ ਸਭ ਦਾ ਧੰਨਵਾਦ ।
You’re viewing a text-only version of this website that uses less data. View the main version of the website including all images and videos.
ਅਫ਼ਗਾਨਿਸਤਾਨ 'ਚ ਤਾਲਿਬਾਨ: 'ਔਰਤਾਂ ਨੂੰ ਸ਼ਰੀਆ ਮੁਤਾਬਕ ਮਿਲਣਗੇ ਹੱਕ'- ਤਾਲਿਬਾਨ ਦੀ ਪਹਿਲੀ ਪ੍ਰੈਸ ਕਾਨਫਰੰਸ
ਅਫਗਾਨਿਸਤਾਨ 'ਤੇ ਤਾਲਿਬਾਨ ਦੇ ਕਬਜ਼ੇ ਤੋਂ ਬਾਅਦ ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡਨ ਨੇ ਕੌਮ ਨੂੰ ਸੰਬੋਧਨ ਕੀਤਾ ਤੇ ਕਈ ਮੁੱਦਿਆਂ 'ਤੇ ਗੱਲਬਾਤ ਕੀਤੀ
ਲਾਈਵ ਕਵਰੇਜ
ਤਾਲਿਬਾਨ ਦੀ ਅਫ਼ਗਾਨਿਸਤਾਨ ’ਤੇ ਕਬਜ਼ਾ ਕਰਨ ਮਗਰੋਂ ਪਹਿਲੀ ਪ੍ਰੈਸ ਕਾਨਫਰੰਸ, ਜਾਣੋ ਕੀ ਕਿਹਾ
- ਮੀਡੀਆ ਵਿੱਚ (ਸਾਡੀਆਂ) ਕਮੀਆਂ ਬਾਰੇ ਧਿਆਨ ਦੇਣਾ ਚਾਹੀਦਾ ਹੈ ਪਰ ਸਾਡੇ ਖ਼ਿਲਾਫ਼ ਕੰਮ ਨਹੀਂ ਕਰਨਾ ਚਾਹੀਦਾ।
- ਅਸੀਂ ਨਹੀਂ ਚਾਹੁੰਦੇ ਕਿ ਕੋਈ ਮੁਲਕ ਛੱਡ ਕੇ ਜਾਵੇ, ਨੌਜਵਾਨ ਸਾਡਾ ਸਰਮਾਇਆ ਹਨ
- ਅਸੀਂ ਸ਼ਰੀਆ ਦੇ ਨਿਯਮਾਂ ਤਹਿਤ ਔਰਤਾਂ ਦੇ ਅਧਿਕਾਰਾਂ ਲਈ ਵਚਨਬੱਧ ਹਾਂ। ਉਹ ਸਾਡੇ ਮੋਢੇ ਨਾਲ ਮੋਢਾ ਮਿਲਾ ਕੇ ਕੰਮ ਕਰਨ ਜਾ ਰਹੀਆਂ ਹਨ।
- ਵਿਦੇਸ਼ੀ ਕੰਪਨੀਆਂ ਨਾਲ ਕੰਮ ਕਰਨ ਵਾਲੇ ਠੇਕੇਦਾਰਾਂ ਅਤੇ ਦੁਭਾਸ਼ੀਆਂ ਬਾਰੇ ਪੁੱਛੇ ਗਏ ਸਵਾਲਾਂ ’ਤੇ ਮੁਜਾਹਿਦ ਨੇ ਕਿਹਾ ਕਿ ਕਿਸੇ ਕੋਲੋਂ ਬਦਲਾ ਨਹੀਂ ਲਿਆ ਜਾਵੇਗਾ।
- ਅਸੀਂ ਅਫ਼ਗਾਨਿਸਤਨ ਵਿੱਚ ਸਥਿਰਤਾ ਜਾਂ ਸ਼ਾਂਤੀ ਦੇ ਲਾਭ ਲਈ ਸਾਰਿਆਂ ਨੂੰ ਮੁਆਫ਼ ਕਰ ਦਿੱਤਾ ਹੈ।
- ਤਜਰਬੇ, ਸਿਆਣਪਤਾ ਤੇ ਦ੍ਰਿਸ਼ਟੀਕੋਣ ਦੀ ਗੱਲ ਆਉਂਦੀ ਹੈ, ਯਕੀਨੀ ਤੌਰ ’ਤੇ ਹੁਣ ਅਤੇ 20 ਸਾਲ ਪਹਿਲਾ, ਸਾਡੇ ਵਿੱਚ ਵੱਡਾ ਫਰਕ ਹੈ।
ਕੰਮ ਕਰਨ ਦੇ ਹੱਕ ਇਸਲਾਮੀ ਕਾਨੂੰਨੀ ਢਾਂਚੇ ਮੁਤਾਬਕ
ਤਾਲਿਬਾਨ ਨੇ ਔਰਤਾਂ ਦੇ ਕੰਮ ਬਾਰੇ ਫਿਲਹਾਲ ਵਿਸਥਾਰ ’ਚ ਜਾਣਕਾਰੀ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ।
ਕਾਰਜ ਬਲ ਵਿੱਚ ਔਰਤਾਂ ਦੇ ਅਧਿਕਾਰਾਂ ਅਤੇ ਭਵਿੱਖ ਬਾਰੇ ਪੁੱਛੇ ਜਾਣ ’ਤੇ ਬੁਲਾਰੇ ਜ਼ੁਬੀਉੱਲ੍ਹਾ ਮੁਜਾਹਿਦ ਨੇ ਇਸ ਤੋਂ ਟਾਲਮਟੋਲ ਕਰ ਦਿੱਤਾ।
ਉਨ੍ਹਾਂ ਨੇ ਵਾਰ-ਵਾਰ ਕਿਹਾ ਕਿ “ਸਾਡੇ ਇਸਲਾਮੀ ਕਾਨੂੰਨੀ ਢਾਂਚੇ ਵਿੱਚ ਅੰਦਰ” ਕੰਮ ਕਰਨ ਦੇ ਹੱਕਦਾਰ ਹੋਣਗੇ,
ਹਾਲਾਂਕਿ, ਉਹ ਵਿਹਾਰ ਵਿੱਚ ਇਸ ਦਾ ਅਰਥ ਕੀ ਹੋਵੇਗਾ, ਇਸ ਦਾ ਬਾਰੇ ਵਿਸਥਾਰ ਵਿੱਚ ਦੱਸਣ ’ਚ ਅਸਮਰੱਥ ਰਹੇ।
ਤਾਜ਼ਾ, ਅਸੀਂ ਨਹੀਂ ਚਾਹੁੰਦੇ ਕਿ ਕੋਈ ਮੁਲਕ ਛੱਡ ਕੇ ਜਾਵੇ˸ ਤਾਲਿਬਾਨ
ਤਾਲਿਬਾਨ ਦੇ ਕਬਜ਼ੇ ਵਾਲੇ ਇਲਾਕਿਆਂ ਵਿੱਚ ਅਗਵਾ ਕਰਨ ਅਤੇ ਕਤਲ ਦੀਆਂ ਖ਼ਬਰਾਂ ਬਾਰੇ ਪੁੱਛੇ ਗਏ ਸਵਾਲ ’ਤੇ ਬੋਲਦਿਆਂ ਉਨ੍ਹਾਂ ਕਿਹਾ ਕਿ ਪੂਰੇ ਦੇਸ਼ ਵਿੱਚ ਹਰ ਕੋਈ ਸੁਰੱਖਿਅਤ ਹੈ।
ਕੋਈ ਵੀ ਕਿਸੇ ਨੂੰ ਅਗਵਾ ਨਹੀਂ ਕਰ ਸਕੇਗਾ, ਸਾਡੀ ਦਿਨੋਂ-ਦਿਨ ਵਧੇਰੇ ਸੁਰੱਖਿਆ ਹੋਵੇਗੀ
ਅਸੀਂ ਨਹੀਂ ਚਾਹੁੰਦੇ ਕਿ ਕੋਈ ਦੇਸ਼ ਛੱਡੇ, ਇਹ ਮੁਆਫ਼ੀ ਹੈ, ਕਿਸੇ ਤਰ੍ਹਾਂ ਦੀ ਦੁਸ਼ਮਣੀ ਨਹੀਂ ਰੱਖੀ ਜਾ ਰਹੀ
ਇਹ ਇੱਕ ਵਿਕਾਸਵਾਦੀ ਪ੍ਰਕਿਰਿਆ ਹੈ˸ ਤਾਲਿਬਾਨ
- ਸਾਡਾ ਦੇਸ਼ ਮੁਸਲਮਾਨ ਮੁਲਕ ਹੈ, ਭਾਵੇਂ ਉਹ 20 ਸਾਲ ਪਹਿਲਾਂ ਸੀ ਜਾਂ ਹੁਣ ਹੈ।
- ਪਰ ਤਜਰਬੇ, ਸਿਆਣਪਤਾ ਤੇ ਦ੍ਰਿਸ਼ਟੀਕੋਣ ਦੀ ਗੱਲ ਆਉਂਦੀ ਹੈ, ਯਕੀਨੀ ਤੌਰ ’ਤੇ ਹੁਣ ਅਤੇ 20 ਸਾਲ ਪਹਿਲਾ, ਸਾਡੇ ਵਿੱਚ ਵੱਡਾ ਫਰਕ ਹੈ।
- ਅਸੀਂ ਜੋ ਕਾਰਵਾਈ ਕਰਨ ਜਾ ਰਹੇ ਹਾਂ, ਉਸ ਵਿੱਚ ਅੰਤਰ ਹੈ। ਇਹ ਇੱਕ ਵਿਕਾਸਵਾਦੀ ਪ੍ਰਕਿਰਿਆ ਰਹੀ ਹੈ।
ਤਾਜ਼ਾ, ਅਸੀਂ ਸਭ ਨੂੰ ਮੁਆਫ਼ ਕਰ ਦਿੱਤਾ ਹੈ˸ ਤਾਲਿਬਾਨ
- ਅਸੀਂ ਅਫ਼ਗਾਨਿਸਤਨ ਵਿੱਚ ਸਥਿਰਤਾ ਜਾਂ ਸ਼ਾਂਤੀ ਦੇ ਲਾਭ ਲਈ ਸਾਰਿਆਂ ਨੂੰ ਮੁਆਫ਼ ਕਰ ਦਿੱਤਾ ਹੈ।
- ਸਾਡੇ ਲੜਾਕੇ, ਸਾਡੇ ਲੋਕ, ਅਸੀਂ ਸਾਰੇ ਯਕੀਨੀ ਬਣਾਉਣ ਜਾ ਰਹੇ ਹਾਂ ਕਿ ਅਸੀਂ ਸਾਰੇ ਹੋਰਨਾਂ ਪੱਖਾਂ ਅਤੇ ਗੁੱਟਾਂ ਨੂੰ ਸ਼ਾਮਲ ਕਰ ਸਕੀਏ।
- ਜਿਨ੍ਹਾਂ ਦੀ ਜਾਨ ਦੁਸ਼ਮਣਾਂ ਨਾਲ ਲੜਾਈ ਲੜਦਿਆਂ ਗਈ ਹੈ, ਇਹ ਉਨ੍ਹਾਂ ਆਪਣੀ ਗ਼ਲਤੀ ਸੀ। ਅਸੀਂ ਪੂਰਾ ਦੇਸ਼ ਨੂੰ ਕੁਝ ਦਿਨਾਂ ਵਿੱਚ ਜਿੱਤ ਲਿਆ।
- ਸਰਕਾਰ ਬਣਨ ਤੋਂ ਬਾਅਦ ਸਭ ਕੁਝ ਸਾਫ਼ ਹੋ ਜਾਵੇਗਾ।
ਕਿਸੇ ਕੋਲੋਂ ਪੁੱਛਗਿੱਛ ਨਹੀਂ ਹੋਵੇਗੀ˸ ਤਾਲਿਬਾਨ
- ਵਿਦੇਸ਼ੀ ਕੰਪਨੀਆਂ ਨਾਲ ਕੰਮ ਕਰਨ ਵਾਲੇ ਠੇਕੇਦਾਰਾਂ ਅਤੇ ਦੁਭਾਸ਼ੀਆਂ ਬਾਰੇ ਪੁੱਛੇ ਗਏ ਸਵਾਲਾਂ ’ਤੇ ਮੁਜਾਹਿਦ ਨੇ ਕਿਹਾ ਕਿ ਕਿਸੇ ਕੋਲੋਂ ਬਦਲਾ ਨਹੀਂ ਲਿਆ ਜਾਵੇਗਾ।
- ਜੋ ਨੌਜਵਾਨ ਅਤੇ ਇੱਥੇ ਪਲੇ-ਵੱਡੇ ਹੋਏ ਹਨ, ਅਸੀਂ ਨਹੀਂ ਚਾਹੁੰਦੇ ਕਿ ਉਹ ਇੱਥੋਂ ਚਲੇ ਜਾਣ, ਉਹ ਸਾਡਾ ਸਰਮਾਇਆ ਹਨ।
- ਕੋਈ ਵੀ ਉਨ੍ਹਾਂ ਦੇ ਦਰਵਾਜ਼ੇ ’ਤੇ ਦਸਤਕ ਦੇਣ ਵਾਲਾ ਜਾਂ ਪੁੱਛਣ ਵਾਲਾ ਨਹੀਂ ਹੈ ਕਿ ਉਹ ਕਿਸ ਲਈ ਕੰਮ ਕਰ ਰਹੇ ਹਨ।
- ਉਹ ਸੁਰੱਖਿਅਤ ਰਹਿਣਗੇ, ਕਿਸੇ ਕੋਲੋਂ ਪੁੱਛਗਿੱਛ ਜਾਂ ਪਿੱਛਾ ਨਹੀਂ ਕੀਤਾ ਜਾਵੇਗਾ।
ਔਰਤਾਂ ਨੂੰ ਮਿਲਣਗੇ ਸ਼ਰੀਆ ਮੁਤਾਬਕ ਹੱਕ, ਬੁਲਾਰੇ ਜ਼ੁਬੀਉੱਲਾਹ ਮੁਜਾਹਿਦ ਨੇ ਔਰਤਾਂ ਬਾਰੇ ਗੱਲ ਕਰਦਿਆਂ ਆਖਿਆ-
- ਅਸੀਂ ਕੌਮਾਂਤਰੀ ਭਾਈਚਾਰੇ ਨੂੰ ਭਰੋਸਾ ਦਿਵਾਉਂਦੇ ਹਾਂ ਕਿ ਕਿਸੇ ਨੂੰ ਨੁਕਸਾਨ ਨਹੀਂ ਪਹੁੰਚਾਇਆ ਜਾਵੇਗਾ।
- ਅਸੀਂ ਕੌਮਾਂਤਰੀ ਭਾਈਚਾਰੇ ਨਾਲ ਕੋਈ ਸਮੱਸਿਆ ਨਹੀਂ ਰੱਖਣਾ ਚਾਹੁੰਦੇ
- ਸਾਨੂੰ ਆਪਣੇ ਧਾਰਿਮਕ ਸਿਧਾਂਤਾ ਅਨੁਸਾਰ ਕੰਮ ਕਰਨ ਦਾ ਅਧਿਕਾਰ ਹੈ। ਹੋਰਨਾਂ ਦੇਸ਼ਾਂ ਦੇ ਵੱਖ-ਵੱਖ ਦ੍ਰਿਸ਼ਟੀਕੋਣ, ਨਿਯਮ ਅਤੇ ਕਾਨੂੰਨ ਹਨ, ਅਫ਼ਗਾਨਾਂ ਨੂੰ ਸਾਡੀਆਂ ਕਦਰਾਂ-ਕੀਮਤਾਂ ਮੁਤਾਬਕ ਆਪਣੇ ਨਿਯਮ ਅਤੇ ਕਾਨੂੰਨ ਰੱਖਣ ਦਾ ਅਧਿਕਾਰ ਹੈ।
- ਅਸੀਂ ਸ਼ਰੀਆ ਦੇ ਨਿਯਮਾਂ ਤਹਿਤ ਔਰਤਾਂ ਦੇ ਅਧਿਕਾਰਾਂ ਲਈ ਵਚਨਬੱਧ ਹਾਂ।
- ਉਹ ਸਾਡੇ ਮੋਢੇ ਨਾਲ ਮੋਢਾ ਮਿਲਾ ਕੇ ਕੰਮ ਕਰਨ ਜਾ ਰਹੀਆਂ ਹਨ। ਅਸੀਂ ਕੌਮਾਂਤਰੀ ਭਾਈਚਾਰੇ ਨੂੰ ਭਰੋਸਾ ਦਿਵਾਉਣਾ ਚਾਹੁੰਦੇ ਹਾਂ ਕਿ ਕੋਈ ਵਿਤਕਰਾ ਨਹੀਂ ਹੋਵੇਗਾ।
- ਅਸੀਂ ਔਰਤਾਂ ਨੂੰ ਕੰਮ ਕਰਨ ਦੀ ਇਜਾਜ਼ਤ ਦੇ ਰਹੇ ਹਾਂ।
- ਔਰਤਾਂ ਸਾਡੇ ਸਮਾਜ ਅੰਦਰ, ਸਾਡੇ ਢਾਂਚੇ ਅੰਦਰ ਬਹੁਤ ਸਰਗਰਮ ਹੋਣਗੀਆਂ।
ਤਾਜ਼ਾ, ਮੀਡੀਆ ਬਾਰੇ ਕੀ ਬੋਲਿਆ ਤਾਲਿਬਾਨ
- ਅਸੀਂ ਆਪਣੇ ਸੱਭਿਆਚਾਰਕ ਢਾਂਚੇ ਤਹਿਤ ਮੀਡੀਆ ਲਈ ਵਚਨਬੱਧ ਹਾਂ।
- ਜਦੋਂ ਮੀਡੀਆ ਦੀਆਂ ਗਤੀਵਿਧੀਆਂ ਦੀ ਗੱਲ ਆਉਂਦੀ ਹੈ ਤਾਂ ਇਸਲਾਮੀ ਕਦਰਾਂ ਕੀਮਤਾਂ ਦੇ ਖ਼ਿਲਾਫ਼ ਕੁਝ ਵੀ ਨਹੀਂ ਹੋਣਾ ਚਾਹੀਦਾ ਹੈ।
- ਮੀਡੀਆ ਵਿੱਚ (ਸਾਡੀਆਂ) ਕਮੀਆਂ ਬਾਰੇ ਧਿਆਨ ਦੇਣਾ ਚਾਹੀਦਾ ਹੈ ਤਾਂ ਜੋ ਅਸੀਂ ਕੌਮ ਦੀ ਬਿਹਤਰ ਸੇਵਾ ਕਰ ਸਕੀਏ।
- ਪਰ ਮੀਡੀਆ ਨੂੰ ਸਾਡੇ ਖ਼ਿਲਾਫ਼ ਕੰਮ ਨਹੀਂ ਕਰਨਾ ਚਾਹੀਦਾ, ਉਨ੍ਹਾਂ ਨੂੰ ਰਾਸ਼ਟਰ ਦੀ ਏਕਤਾ ਉੱਤੇ ਕੰਮ ਕਰਨਾ ਚਾਹੀਦਾ ਹੈ।
ਤਾਲਿਬਾਨ˸‘ਇਹ ਮਾਣ ਵਾਲਾ ਪਲ ਹੈ’, ਤਾਲਿਬਾਨ ਦੀ ਪਹਿਲੀ ਕਾਨਫਰੰਸ
ਅਫ਼ਗਾਨਿਸਤਾਨ ’ਤੇ ਕਬਜ਼ਾ ਕਰਨ ਤੋਂ ਲੈ ਕੇ ਹੁਣ ਤੱਕ ਦੀ ਤਾਲਿਬਾਨ ਦੀ ਸਭ ਤੋਂ ਪਹਿਲੀ ਪ੍ਰੈੱਸ ਕਾਨਫਰੰਸ
ਤਾਲਿਬਾਨ ਦੇ ਬੁਲਾਰੇ ਜ਼ੁਬੀਉੱਲਾਹ ਮੁਜਾਹਿਦ, ਕੈਮਰੇ ਦੇ ਸਾਹਮਣੇ ਪਹਿਲੀ ਵਾਰ ਨਜ਼ਰ ਆਏ>
ਉਨ੍ਹਾਂ ਨੇ ਕਿਹਾ, “20 ਸਾਲਾ ਦੇ ਸੰਘਰਸ਼ ਤੋਂ ਬਾਅਦ ਅਸੀਂ ਦੇਸ਼ ਨੂੰ ਆਜ਼ਾਦ ਕਰਵਾਇਆ ਅਤੇ ਵਿਦੇਸ਼ੀਆਂ ਨੂੰ ਬਾਹਰ ਕੱਢਿਆ।”
ਉਨ੍ਹਾਂ ਨੇ ਕਿਹਾ, “ਇਹ ਸਾਰੇ ਦੇਸ਼ ਲਈ ਮਾਣ ਵਾਲਾ ਪਲ ਹੈ।”
ਕਾਨਫਰੰਸ ਦੀਆਂ ਮੁੱਖ ਗੱਲਾਂ
- ਅਸੀਂ ਯਕੀਨੀ ਬਣਾਉਣਾ ਚਾਹੁੰਦੇ ਹਾਂ ਕਿ ਅਫ਼ਗਾਨਿਸਤਾਨ ਹੁਣ ਸੰਘਰਸ਼ ਦਾ ਯੁੱਧ ਖੇਤਰ ਨਹੀਂ ਰਹੇਗਾ।
- ਅਸੀਂ ਉਨ੍ਹਾਂ ਸਾਰਿਆਂ ਨੂੰ ਮੁਆਫ਼ ਕਰ ਦਿੱਤਾ ਹੈ ਕਿ ਜਿਨ੍ਹਾਂ ਨੇ ਸਾਡੇ ਖ਼ਿਲਾਫ਼ ਲੜਾਈ ਲੜੀ। ਦੁਸ਼ਮਣੀ ਖ਼ਤਮ ਹੋ ਗਈ।
- ਅਸੀਂ ਕੋਈ ਬਾਹਰੀ ਜਾਂ ਅੰਦਰੂਨੀ ਦੁਸ਼ਮਣ ਨਹੀਂ ਚਾਹੁੰਦੇ।
ਤਾਜ਼ਾ, ਤਾਲਿਬਾਨ˸ ਇਹ ਮਾਣ ਵਾਲਾ ਪਲ ਹੈ
ਅਫ਼ਗਾਨਿਸਤਾਨ ’ਤੇ ਕਬਜ਼ਾ ਕਰਨ ਤੋਂ ਲੈ ਕੇ ਹੁਣ ਤੱਕ ਦੀ ਤਾਲਿਬਾਨ ਦੀ ਸਭ ਤੋਂ ਪਹਿਲੀ ਪ੍ਰੈੱਸ ਕਾਨਫਰੰਸ
ਤਾਲਿਬਾਨ ਦੇ ਬੁਲਾਰੇ ਜ਼ੁਬੀਉੱਲ੍ਹਾ ਮੁਜਾਹਿਦ, ਕੈਮਰੇ ਦੇ ਸਾਹਮਣੇ ਪਹਿਲੀ ਵਾਰ ਨਜ਼ਰ ਆਏ ।
ਉਨ੍ਹਾਂ ਨੇ ਕਿਹਾ, “20 ਸਾਲਾ ਦੇ ਸੰਘਰਸ਼ ਤੋਂ ਬਾਅਦ ਅਸੀਂ ਦੇਸ਼ ਨੂੰ ਆਜ਼ਾਦ ਕਰਵਾਇਆ ਅਤੇ ਵਿਦੇਸ਼ੀਆਂ ਨੂੰ ਬਾਹਰ ਕੱਢਿਆ।” ਉਨ੍ਹਾਂ ਨੇ ਕਿਹਾ, “ਇਹ ਸਾਰੇ ਦੇਸ਼ ਲਈ ਮਾਣ ਵਾਲਾ ਪਲ ਹੈ।”
ਉਨ੍ਹਾਂ ਕਿਹਾ ਕਿ ਤਾਲਿਬਾਨ ਹੁਣ ‘ਵਿਵਾਦਾਂ ਦੀ ਜੰਗ ਦਾ ਅਖਾੜਾ’ਨਹੀਂ ਬਣਿਆ ਰਹੇਗਾ।
ਕਾਬੁਲ ਏਅਰਪੋਰਟ ਨੇੜੇ ਹਵਾਈ ਫਾਇਰਿੰਗ ਦਾ ਮੰਜ਼ਰ
ਅਫ਼ਗਾਨਿਸਤਾਨ ਦੇ ਕਾਬੁਲ ਏਅਰਪੋਰਟ ਦੇ ਕੋਲ ਦੀਆਂ ਇਹ ਤਸਵੀਰਾਂ 17 ਅਗਸਤ ਦੀਆਂ ਹਨ।
ਹਵਾਈ ਅੱਡੇ ਲਾਗੇ ਇਸ ਇਲਾਕੇ ਵਿੱਚ ਗੋਲੀਆਂ ਚੱਲਣ ਦੀ ਆਵਾਜ਼ ਸੁਣਾਈ ਦਿੱਤੀ।
ਹਵਾਈ ਫਾਇਰ ਤੋਂ ਘਬਰਾਏ ਲੋਕ ਇੱਧਰ ਉੱਧਰ ਭੱਜਦੇ ਨਜ਼ਰ ਆਏ। ਇਸ ਤੋਂ ਪਹਿਲਾਂ 16 ਅਗਸਤ ਨੂੰ ਕਾਬੁਲ ਹਵਾਈ ਅੱਡੇ ਤੇ ਬੜੇ ਹੀ ਖੌਫ਼ਨਾਕ ਅਤੇ ਪ੍ਰੇਸ਼ਾਨ ਕਰਨ ਵਾਲੇ ਦ੍ਰਿਸ਼ ਦੇਖੇ ਗਏ।
ਮੁਲਕ ਵਿੱਚ ਤਾਲਿਬਾਨ ਦੇ ਕਬਜ਼ੇ ਮਗਰੋਂ ਘਬਰਾਏ ਲੋਕ ਕਾਬੁਲ ਏਅਰਪੋਰਟ ਪਹੁੰਚੇ।
ਅਫ਼ਗਾਨਿਸਤਾਨ ਤੋਂ ਬਾਹਰ ਜਾਣ ਲਈ ਲੋਕ ਹਵਾਈ ਜਹਾਜ਼ ਵਿੱਚ ਬੈਠਣ ਲਈ ਧੱਕਾ ਮੁੱਕੀ ਕਰਦੇ ਨਜ਼ਰ ਆਏ।
ਕੁਝ ਲੋਕ ਤਾਂ ਅਮਰੀਕੀ ਹਵਾਈ ਫੌਜ ਦੇ ਜਹਾਜ਼ ਦੇ ਨਾਲ ਨਾਲ ਭੱਜਦੇ ਨਜ਼ਰ ਆਏ।
ਇਸ ਦੌਰਾਨ ਕੁਝ ਲੋਕ ਹਵਾਈ ਜਹਾਜ਼ ਤੋਂ ਹੇਠਾਂ ਵੀ ਡਿੱਗਦੇ ਦਿਖਾਈ ਦਿੱਤੇ।
ਦਿੱਲੀ ਵੱਸਦੇ ਕੁਝ ਹਿੰਦੂ ਤੇ ਸਿੱਖਾਂ ਨੇ ਅਫ਼ਗਾਨ ਦੇ ਹਾਲਾਤ ਬਾਰੇ ਕੀ ਕਿਹਾ
ਬੀਬੀਸੀ ਪੱਤਰਕਾਰ ਸਲਮਾਨ ਰਾਵੀ ਨੇ ਦਿੱਲੀ ਦੇ ਤ੍ਰਿਲੋਕਪੁਰੀ ਵਿਚ ਰਹਿਣ ਵਾਲੇ ਕੁਝ ਅਫ਼ਗਾਨ ਹਿੰਦੂ ਤੇ ਸਿੱਖਾਂ ਨਾਲ ਤਾਲਿਬਾਨ ਰਾਜ ਬਾਰੇ ਗੱਲਬਾਤ ਕੀਤੀ।
ਇਹ ਲੋਕ ਕਰੀਬ ਤਿੰਨ ਦਹਾਕੇ ਪਹਿਲਾਂ ਅਫ਼ਗਾਨਿਸਤਾਨ ਦੇ ਹਾਲਾਤ ਦੇ ਮੱਦੇਨਜ਼ਰ ਹਿਜਰਤ ਕਰ ਕੇ ਭਾਰਤ ਆ ਗਏ ਸਨ।
ਇਨ੍ਹਾਂ ਦੇ ਕੁਝ ਪਰਿਵਾਰਕ ਮੈਂਬਰ ਤੇ ਰਿਸ਼ਤੇਦਾਰ ਅਜੇ ਵੀ ਕਾਬੁਲ ਵਿਚ ਰਹਿੰਦੇ ਹਨ।
ਨਿਰਾਸ਼ਾ ਦੀ ਕਹਾਣੀ, ਜਹਾਜ਼ ’ਚ ਬੈਠੇ ਸੈਂਕੜੇ ਲੋਕ
ਇਹ ਤਸਵੀਰ ਅਫ਼ਗਾਨਿਸਤਾਨ ਵਿੱਚੋਂ ਹਿਜਰਤ ਕਰਨ ਦੀ ਮਜਬੂਰੀ ਪੇਸ਼ ਕਰਦੀ ਹੈ।
ਐਤਵਾਰ ਨੂੰ ਸੈਂਕੜੇ ਅਫਗ਼ਾਨ ਲੋਕ ਅਮਰੀਕੀ ਏਅਰ ਫੋਰਸ ਦੇ ਜਹਾਜ਼ C-17 ਵਿੱਚ ਕਾਬੁਲ ਤੋਂ ਕਤਰ ਲਈ ਰਵਾਨਾ ਹੋਏ, ਇਸ ਤੋਂ ਕੁਝ ਦੇਰ ਬਾਅਦ ਹੀ ਤਾਲਿਬਾਨ ਨੇ ਕਾਬੁਲ ’ਤੇ ਕਬਜ਼ਾ ਕਰ ਲਿਆ।
ਅਮਰੀਕਾ ਦੀ ਸਮਾਚਾਰ ਵੈਬਸਾਈਟ ਡਿਫੈਂਸ ਵਨ ਮੁਕਾਬਕ ਉਨ੍ਹਾਂ ਉਤਰਨ ਲਈ ਮਜਬੂਰ ਕਰਨ ਦੀ ਬਜਾਏ ਚਾਲਕ ਦਲ ਨੇ ਉਡਾਣ ਭਰਨ ਦਾ ਫ਼ੈਸਲਾ ਲਿਆ।
ਜਹਾਜ਼ ਵਿੱਚ ਕਰੀਬ 640 ਲੋਕ ਸਵਾਰ ਸਨ, C-17 ਵਿੱਚ ਸਵਾਰ ਹੋਏ ਲੋਕਾਂ ਦੀ ਹੁਣ ਦੀ ਸਭ ਤੋਂ ਵੱਡੀ ਗਿਣਤੀ ਹੈ।
ਕਾਬੁਲ ਹਵਾਈ ਅੱਡੇ ਉੱਤੇ ਉੱਡਣ ਲੱਗੇ ਜਹਾਜ਼ ਉੱਤੇ ਲਟਕੇ ਲੋਕ, ਕਈ ਥੱਲੇ ਡਿੱਗੇ, ਕਾਬੁਲ ਹਵਾਈ ਅੱਡੇ ਦਾ ਇਹ ਵੀਡੀਓ ਦਾ 16 ਅਗਸਤ 2021 ਦਾ ਹੈ।
ਇਹ ਅਫ਼ਗਾਨਿਸਤਾਨ ਦੀ ਰਾਜਧਾਨੀ ਕਾਬੁਲ ਦੇ ਏਅਰਪੋਰਟ ਦਾ ਦ੍ਰਿਸ਼ ਹੈ ਜਿੱਥੇ ਲੋਕ ਉਡਾਨ ਭਰਨ ਵਾਲੇ ਜਹਾਜ਼ ਨਾਲ ਲਟਕ ਰਹੇ ਹਨ। ਇਸ ਵੀਡੀਓ ਵਿੱਚ ਅਮਰੀਕੀ ਹਵਾਈ ਫੌਜ ਦਾ C-17A ਜਹਾਜ਼ ਦਿਖਾਈ ਦੇ ਰਿਹਾ ਹੈ।
ਰਨਵੇ ਉੱਤੇ ਲੋਕ ਜਹਾਜ਼ ਦੇ ਨਾਲ ਦੌੜਦੇ ਲੋਕ ਨਜ਼ਰ ਆ ਰਹੇ ਹਨ। ਇਨ੍ਹਾਂ ਵਿੱਚੋਂ ਕੁਝ ਲੋਕ ਹਵਾਈ ਜਹਾਜ਼ ’ਤੇ ਲਟਕ ਗਏ ਤੇ ਜਹਾਜ਼ ਨੇ ਉਡਾਨ ਭਰ ਲਈ, ਬਾਅਦ ਵਿੱਚ ਕੁਝ ਲੋਕ ਇਸ ਜਹਾਜ਼ ਤੋਂ ਥੱਲੇ ਡਿੱਗਦੇ ਨਜ਼ਰ ਆਏ।
ਅਫ਼ਗਾਨਿਸਤਾਨ ਵਿੱਚ ਅਮਰੀਕਾ ਤੇ ਹੋਰ ਦੇਸਾਂ ਦੀ ਫੌਜ ਦੀ ਵਾਪਸੀ ਮਗਰੋਂ ਤਾਲਿਬਾਨ ਨੇ ਤਕਰੀਬਨ ਪੂਰੇ ਅਫ਼ਗਾਨਿਸਤਾਨ ’ਤੇ ਕਬਜਾ ਕਰ ਲਿਆ ਹੈ।
ਐਤਵਾਰ ਸ਼ਾਮ ਤੋਂ ਵੱਡੀ ਗਿਣਤੀ ਵਿੱਚ ਲੋਕ ਕਾਬੁਲ ਏਅਰਪੋਰਟ ਪਹੁੰਚ ਰਹੇ ਹਨ। ਸੋਮਵਾਰ ਨੂੰ ਕਾਬੁਲ ਏਅਰਪੋਰਟ ਉੱਤੇ ਹਫ਼ੜਾ-ਦਫ਼ੜੀ ਦਾ ਮਾਹੌਲ ਰਿਹਾ।
ਅਫ਼ਗਾਨਿਸਤਾਨ : ਮੰਗਲਵਾਰ ਦੇ ਅਹਿਮ ਘਟਨਾਕ੍ਰਮ
- ਜਰਮਨੀ ਦੇ ਵਿਕਾਸ ਮੰਤਰੀ ਗੇਰਡ ਮੂਲਰ ਨੇ ਅਫ਼ਗਾਨਿਸਤਾਨ ਦੀ ਮਾਲੀ ਮਦਦ ਰੋਕਣ ਦਾ ਐਲਾਨ ਕੀਤਾ ਹੈ।
- ਤੁਰਕੀ ਦੇ ਵਿਦੇਸ਼ ਮੰਤਰੀ ਮੇਵਲੁਟ ਕਾਵੁਸੋਗਲੂ ਨੇ ਕਿਹਾ ਹੈ ਕਿ ਉਹ ਤਾਲਿਬਾਨ ਸਣੇ ਸਾਰੀਆਂ ਅਫ਼ਗਾਨ ਧਿਰਾਂ ਨਾਲ ਗੱਲਬਾਤ ਕਰੇਗਾ।
- ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡਨ ਨੇ ਅਫ਼ਗਾਨਿਸਤਾਨ ਤੋਂ ਫ਼ੌਜਾਂ ਵਾਪਸ ਬੁਲਾਉਣ ਨੂੰ ਸਹੀ ਕਦਮ ਦੱਸਿਆ ਹੈ।
- ਭਾਰਤ ਨੇ ਆਪਣੇ ਸਫ਼ਾਰਤੀ ਅਧਿਕਾਰੀਆਂ ਤੇ ਸੁਰੱਖਿਆ ਕਰਮੀਆਂ ਨੂੰ ਵਾਪਸ ਲੈ ਆਉਂਦਾ ਹੈ।
- ਤਾਲਿਬਾਨ ਨੇ ਕਾਬੁਲ ਸਣੇ ਅਫ਼ਗਾਨਿਸਤਾਨ ਵਿਚ ਕਬਜ਼ੇ ਵਾਲੀ ਥਾਂ ਉੱਤੇ ਸਰਕਾਰੀ ਕੰਮਕਾਜ਼ ਵੀ ਸ਼ੁਰੂ ਕਰ ਦਿੱਤੇ ਹਨ।
- ਸਾਰੇ ਸਰਕਾਰੀ ਤੇ ਗੈਰ-ਸਰਕਾਰੀ ਮੁਲਾਜ਼ਮਾਂ ਨੂੰ ਆਮ ਮੁਆਫ਼ੀ ਦਿੰਦੇ ਹੋਏ ਕੰਮ ਉੱਤੇ ਪਰਤਣ ਲਈ ਕਿਹਾ ਗਿਆ ਹੈ।
ਅਫ਼ਗਾਨਿਸਤਾਨ ’ਤੇ ਹਮਲੇ ਦਾ ਫ਼ੈਸਲਾ ਲੈਣ ਵਾਲੇ ਜਾਰਜ ਬੁਸ਼, ਤਾਲਿਬਾਨ ਦੀ ਵਾਪਸੀ ’ਤੇ ਕੀ ਬੋਲੇ
20 ਸਾਲ ਪਹਿਲਾਂ ਅਫ਼ਗਾਨਿਸਤਾਨ ’ਤੇ ਹਮਲੇ ਦਾ ਫ਼ੈਸਲਾ ਲੈਣ ਵਾਲੇ ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਜਾਰਜ ਡਬਲਿਊ ਬੁਸ਼ ਨੇ ਅਫ਼ਗਾਨਿਸਤਾਨ ’ਚ ਤਾਲਿਬਾਨ ਦੀ ਵਾਪਸੀ ਡੂੰਘਾ ਦੁੱਖ ਜਤਾਇਆ ਹੈ।
ਜਾਰਜ ਡਬਲਿਊ ਬੁਸ਼ ਪ੍ਰੇਸੀਡੈਂਸ਼ੀਅਲ ਸੈਂਟਰ ਵੱਲੋਂ ਜਾਰੀ ਬਿਆਨ ’ਚ ਕਿਹਾ ਗਿਆ ਹੈ, “ਸਾਡੇ ਦਿਲ ਵਿੱਚ ਬਹੁਤ ਕਸ਼ਟ ਤੇ ਪਰੇਸ਼ਾਨੀਆਂ ਝੱਲਣ ਵਾਲੇ ਅਫ਼ਗਾਨ ਲੋਕਾਂ ਅਤੇ ਬਹੁਤ ਤਿਆਗ ਕਰਨ ਵਾਲੇ ਅਮਰੀਕੀਆਂ ਤੇ ਨੈਟੋ ਸਹਿਯੋਗੀਆਂ ਲਈ ਦੁੱਖ ਹੈ।”
ਵਰਲਡ ਟ੍ਰੇਡ ਸੈਂਟਰ ’ਤੇ 11 ਸਤੰਬਰ, 2020 ਨੂੰ ਹੋਏ ਹਮਲੇ ਤੋਂ ਬਾਅਦ ਤਤਕਾਲੀ ਅਮਰੀਕੀ ਰਾਸ਼ਟਰਪਤੀ ਜਾਰਜ ਬੁਸ਼ ਨੇ ਹੀ ਅਫ਼ਗਾਨਿਸਤਾਨ ਵਿੱਚ ਜੰਗ ਕਰਨ ਦਾ ਫ਼ੈਸਲਾ ਲਿਆ ਸੀ।
9 ਜੁਲਾਈ ਤੋਂ 15 ਅਗਸਤ ਤੱਕ : ਤਾਲਿਬਾਨ ਦੀ ਕਿਵੇਂ ਹੋਈ ਚੜ੍ਹਾਈ
ਅਫ਼ਗਾਨਿਸਤਾਨ ਵਿੱਚ ਖੁੱਲ੍ਹਾ ਹੈ ਸਾਡਾ ਦੂਤਾਵਾਸ- ਇਰਾਨ
ਇਰਾਨ ਦੇ ਵਿਦੇਸ਼ ਮੰਤਰਾਲੇ ਨੇ ਇੱਕ ਬਿਆਨ ਜਾਰੀ ਕਰ ਕੇ ਕਿਹਾ ਹੈ ਕਿ ਅਫ਼ਗਾਨਿਸਤਾਨ ਵਿੱਚ ਉਨ੍ਹਾਂ ਦਾ ਦੂਤਾਵਾਸ “ਪੂਰੀ ਤਰ੍ਹਾਂ ਖੁੱਲ੍ਹਾ ਅਤੇ ਸਰਗਰਮ ਹੈ।”
ਇਰਾਨ ਦੀ ਅਰਧ-ਸਰਕਾਰੀ ਸਮਾਚਾਰ ਏਜੰਸੀ ਕਹੇ ਜਾਣ ਵਾਲੀ ਇਸਨਾ ਨਾਲ ਇੱਕ ਇੰਟਰਵਿਊ ਵਿੱਚ ਮੰਤਰਾਲੇ ਦੇ ਬੁਲਾਰੇ ਸਈਅਦ ਖ਼ਾਤਿਬਜ਼ਾਦੇਹ ਨੇ ਮੀਡੀਆ ਵਿੱਚ ਆਈਆਂ ਇਨ੍ਹਾਂ ਰਿਪੋਰਟਾਂ ਨੂੰ ਖਾਰਿਜ ਕਰ ਦਿੱਤਾ ਹੈ ਕਿ ਅਫ਼ਗਾਨਿਸਤਾਨ ਵਿੱਚ ਕੇਵਲ ਪਾਕਿਸਤਾਨ, ਚੀਨ ਅਤੇ ਰੂਸ ਦੇ ਹੀ ਦੂਤਾਵਾਸ ਖੁੱਲ੍ਹੇ ਹਨ।
ਬੁਲਾਰੇ ਨੇ ਇਸ ਦੇ ਨਾਲ ਕਿਹਾ ਹੈ ਕਾਬੁਲ ਤੋਂ ਇਲਾਵਾ ਹੇਰਾਤ ਵਿੱਚ ਵੀ ਉਨ੍ਹਾਂ ਦੇ ਕੌਂਸਲੇਟ ਪੂਰੀ ਤਰ੍ਹਾਂ ਕੰਮ ਕਰ ਰਿਹਾ ਹੈ।
ਤਾਲਿਬਾਨ ਦੇ ਕਬਜ਼ੇ ਤੋਂ ਬਾਅਦ ਅਫ਼ਗਾਨਿਸਤਾਨ ਤੋਂ ਭਾਰਤ ਪੁੱਜੇ ਲੋਕਾਂ ਦਰਮਿਆਨ ਕੀ ਮਾਹੌਲ ਹੈ
