ਯੂਪੀ ਦੇ ਬਾਹੁਬਲੀ ਨੇਤਾ ਅਤੀਕ ਅਹਿਮਦ ਦੇ ਬੇਟੇ ਅਸਦ ਤੇ ਉਨ੍ਹਾਂ ਦੇ ਸਾਥੀ ਗੁਲਾਮ ਦਾ ਪੁਲਿਸ ਨੇ ਐਨਕਾਊਂਟਰ ਕਰਨ ਦਾ ਦਾਅਵਾ ਕੀਤਾ ਹੈ।ਉਮੇਸ਼ ਪਾਲ ਕਤਲ ਕਾਂਡ ਵਿੱਚ ਪੁਲਿਸ ਨੂੰ ਇਨ੍ਹਾਂ ਦੋਵੇਂ ਮੁਲਜ਼ਮਾਂ ਦੀ ਤਲਾਸ਼ ਸੀ।
ਇਨ੍ਹਾਂ ਦੋਵਾਂ ਉੱਤੇ 5-5 ਲੱਖ ਰੁਪਏ ਦਾ ਇਨਾਮ ਰੱਖਿਆ ਗਿਆ ਸੀ।
ਉਮੇਸ਼ ਪਾਲ ਬੀਐੱਸਪੀ ਵਿਧਾਇਕ ਰਾਜੂ ਪਾਲ ਦੇ ਕਤਲ ਕੇਸ ਵਿੱਚ ਮੁੱਖ ਗਵਾਹ ਸੀ। ਉਨ੍ਹਾਂ ਦਾ ਕਤਲ 24 ਫਰਵਰੀ 2023 ਨੂੰ ਉੱਤਰ ਪ੍ਰਦੇਸ਼ ਦੇ ਪ੍ਰਯਾਗਰਾਜ ਵਿੱਚ ਕੀਤਾ ਗਿਆ ਸੀ।
ਅਸਦ ਅਹਿਮਦ ਦੇ ਕਥਿਤ ਐਨਕਾਊਂਟਰ ਬਾਰੇ ਯੂਪੀ ਪੁਲਿਸ ਐੱਸਟੀਐੱਫ ਦੇ ਏਡੀਜੀ ਅਮਿਤਾਭ ਯਸ਼ ਨੇ ਦੱਸਿਆ, “ਇਹ ਯੂਪੀ ਪੁਲਿਸ ਅਤੇ ਐੱਸਟੀਐੱਫ ਦੇ ਲਈ ਜ਼ਰੂਰੀ ਕੇਸ ਸੀ ਕਿਉਂਕਿ ਇੱਕ ਕੇਸ ਵਿੱਚ ਇੱਕ ਮੁੱਖ ਗਵਾਹ ਜਿਸ ਨੂੰ ਯੂਪੀ ਪੁਲਿਸ ਨੇ ਸੁਰੱਖਿਆ ਦਿੱਤੀ ਸੀ, ਉਸ ਦੀ ਵੀ ਹੱਤਿਆ ਕਰ ਦਿੱਤੀ ਗਈ ਸੀ। ਇਸ ਕੇਸ ਵੱਚ ਅੱਜ ਦੋ ਸ਼ੂਟਰਾਂ ਨੂੰ ਐਨਕਾਊਂਟਰ ਵਿੱਚ ਮਾਰਿਆ ਗਿਆ ਹੈ।”
ਯੂਪੀ ਪੁਲਿਸ ਦੇ ਸਪੈਸ਼ਲ ਡੀਜੀਲਾਅ ਐਂਡ ਆਰਡਰ, ਉੱਤਰ ਪ੍ਰਦੇਸ਼ ਪ੍ਰਸ਼ਾਂਤ ਕੁਮਾਰ ਨੇ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਦੱਸਿਆ
ਕਿ ਉਨ੍ਹਾਂ ਦੀ ਟੀਮ ਨੇ 'ਐਨਕਾਉਂਟਰ' ਕਿਵੇਂ ਕੀਤਾ।
ਪੁਲਿਸ ਦਾ ਦਾਅਵਾ ਹੈ ਕਿ ਰਾਤ 1:30ਵਜੇ ਸੂਚਨਾ ਮਿਲਣ ਤੋਂ ਬਾਅਦ ਉਨ੍ਹਾਂ ਨੇ
ਇਹ ਕਦਮ ਚੁੱਕਿਆ।
ਉਨ੍ਹਾਂ ਕਿਹਾ,
"ਅੱਜ ਦੁਪਹਿਰ 12:30
ਤੋਂ 1 ਵਜੇਦੇ ਵਿਚਕਾਰ ਸੂਚਨਾ ਦੇ ਆਧਾਰ 'ਤੇ ਕੁਝ ਲੋਕਾਂ ਨੂੰ ਇਨਟਰਸੈਪਟ ਕੀਤਾ ਗਿਆ, ਉਸ ਦੌਰਾਨ ਦੋਵਾਂ ਪਾਸਿਓਂ ਗੋਲੀਆਂ ਚੱਲੀਆਂ। ਉਸ ਆਪਰੇਸ਼ਨ ਵਿੱਚ ਦੋਵਾਂ
ਪਾਸਿਆਂ ਤੋਂ ਗੋਲੀਬਾਰੀ ਕੀਤੀ ਗਈ, ਸਾਡੀ ਐੱਸਟੀਐੱਫ ਟੀਮ ਸੀ।"
Skip X postX ਸਮੱਗਰੀ ਦੀ ਇਜਾਜ਼ਤ?ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ। ਪ੍ਰਸ਼ਾਂਤ ਕੁਮਾਰ ਨੇ ਕਿਹਾ, "ਇਸ ਮੁਠਭੇੜ ਵਿੱਚ 24 ਫਰਵਰੀ ਨੂੰ ਉਮੇਸ਼ ਪਾਲ ਦੇ ਕਤਲ ਕਰਨ ਵਾਲੇ ਦੋ ਲੋਕ ਜਖ਼ਮੀ ਹੋਏ ਅਤੇ ਬਾਅਦ ਵਿੱਚ ਉਨ੍ਹਾਂ ਦੀ ਮੌਤ ਹੋ ਗਈ। ਇਨ੍ਹਾਂ ਦੀ ਪਛਾਣ ਅਸਦ ਅਹਿਮਦ, ਪੁੱਤਰ ਅਤੀਕ ਅਹਿਮਦ ਅਤੇ ਗੁਲਾਮ, ਪੁੱਤਰ ਮਕਸੂਦਨ ਵਜੋਂ ਹੋਈ। ਮੁਲਜ਼ਮਾਂ ਦੇ ਕੋਲ ਅਤਿਆਧੁਨਿਕ ਵਿਦੇਸ਼ੀ ਹਥਿਆਰ ਬਰਾਮਦ ਕੀਤੇ ਗਏ ਹਨ।"
ਇਸ ਵਿਚਾਲੇ, ਉਮੇਸ਼ ਪਾਲ ਕਤਲਕਾਂਡ ਮਾਮਲੇ
ਵਿੱਚ ਅਤੀਕ ਅਤੇ ਉਨ੍ਹਾਂ ਦੇ ਭਰਾ ਅਸ਼ਰਫ਼ ਨੂੰ 14 ਦਿਨ ਦੀ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ
ਗਿਆ ਹੈ।
