ਗੁਜਰਾਤ ਦੀਆਂ 182 ਵਿਧਾਨ ਸਭਾ ਸੀਟਾਂ ਤੇ ਹਿਮਾਚਲ ਪ੍ਰਦੇਸ਼ ਦੀਆਂ 68 ਸੀਟਾਂ ਦੇ ਨਤੀਜੇ ਐਲਾਨੇ ਗਏ
ਹਿਮਾਚਲ ਪ੍ਰਦੇਸ਼ ਅਤੇ ਗੁਜਰਾਤ ਵਿਧਾਨ ਸਭਾ ਚੋਣਾਂ ਦੇ ਨਤੀਜੀਆਂ ਅਤੇ ਸਰਗਰਮੀਆਂ ਬਾਰੇ ਅਸੀਂ ਇਹ ਲਾਈਵ ਪੇਜ ਲੈ ਕੇ ਹਾਜਰ ਹੋਏ ਸੀ। ਇਸ ਲਾਈਵ ਪੇਜ ਨੂੰ ਬੀਬੀਸੀ ਪੱਤਰਕਾਰ ਦਲੀਪ ਸਿੰਘ ਅਤੇ ਅਵਤਾਰ ਸਿੰਘ ਚਲਾ ਰਹੇ ਸਨ। ਅਸੀਂ ਇੱਥੇ ਹੀ ਬੰਦ ਕਰ ਰਹੇ ਹਾਂ। ਤੁਹਾਡਾ ਸਾਡੇ ਨਾਲ ਜੁੜਨ ਲਈ ਧੰਨਵਾਦ।
ਦੇਸ਼ ਦੁਨੀਆਂ ਦੀਆਂ ਹੋਰ ਖ਼ਬਰਾਂ ਲਈ ਤੁਸੀਂ ਸਾਡੀ ਵੈਬਸਾਈਟ bbc.com/punjabi ’ਤੇ ਜ਼ਰੂਰ ਆਓ
ਅਸੀਂ YouTubeFacebookInstagram ਅਤੇ Twitter ’ਤੇ ਵੀ ਹਾਂ। ਸਾਡੇ ਪੇਜਾਂ ਨੂੰ ਫਾਲੋ, ਲਾਈਕ, ਸਬਸਕ੍ਰਾਈਬ ਜ਼ਰੂਰ ਕਰੋ ਜੀ।
ਧੰਨਵਾਦ
ਹਿਮਾਚਲ ਪ੍ਰਦੇਸ਼ ਅਤੇ ਗੁਜਰਾਤ ਵਿਧਾਨ ਸਭਾ ਦੇ ਚੋਣ ਨਤੀਜੀਆਂ ਵਿੱਚ ਕਾਂਗਰਸ ਦੀ ਹਿਮਾਚਲ ਅਤੇ ਭਾਜਪਾ ਦੀ ਗੁਜਰਾਤ ਵਿੱਚ ਜਬਰਦਸਤ ਵਾਪਸੀ ਹੋਈ ਹੈ।
ਇਹਨਾਂ ਚੋਣਾਂ ਦੌਰਾਨ ਪੰਜਾਬ ਵਿੱਚ ਇਸ ਸਾਲ ਸ਼ਾਨਦਾਰ ਜਿੱਤ ਹਾਸਿਲ ਕਰਨ ਵਾਲੀ ਆਮ ਆਦਮੀ ਪਾਰਟੀ ਨੂੰ ਨਿਰਾਸ਼ਾ ਦਾ ਸਾਹਮਣਾ ਕਰਨਾ ਪਿਆ ਹੈ।
‘ਆਪ’ ਦਾ ਹਿਮਾਚਲ ਵਿੱਚ ਖਾਤਾ ਵੀ ਨਹੀਂ ਖੁੱਲ੍ਹਿਆ ਅਤੇ ਗੁਜਰਾਤ ਵਿੱਚ ਪਾਰਟੀ 10 ਸੀਟਾਂ ਦਾ ਅੰਕੜਾ ਨਹੀਂ ਛੂਹ ਸਕੀ।
‘ਆਪ’ ਦਾ ਨਹੀਂ ਚੱਲਿਆ ਪੰਜਾਬ ਵਾਲਾ ਜਾਦੂ, ਇਹ ਰਹੇ ਕਾਰਨ
ਪੂਰੀ ਰਿਪੋਰਟ ਪੜ੍ਹਨ ਲਈ ਕਲਿੱਕ ਕਰੋ
ਤਸਵੀਰ ਸਰੋਤ, Getty Images
ਆਮ ਆਦਮੀ ਪਾਰਟੀ ਦੇ ਕੌਮੀ ਪਾਰਟੀ ਬਣਨ ਮਗਰੋਂ ਪਾਰਟੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਹੈ ਕਿ ਉਹ ਕਿਲ੍ਹੇ ਵਿੱਚ ਸੰਨ੍ਹ ਲਾਉਣ ਵਿੱਚ ਕਾਮਯਾਬ ਰਹੇ, ਅਗਲੀ ਵਾਰ ਕਿਲ੍ਹਾ ਜਿੱਤਣ ਵਿੱਚ ਵੀ ਸਫ਼ਲ ਹੋਵਾਂਗੇ।
ਉਨ੍ਹਾਂ ਕਿਹਾ, ‘‘ਸਿਰਫ਼ 10 ਸਾਲ ਪਹਿਲਾਂ ਆਮ ਆਦਮੀ ਪਾਰਟੀ ਬਣੀ ਸੀ, ਉਸਦੀਆਂ ਦੋ ਸੂਬਿਆਂ ਵਿੱਚ ਸਰਕਾਰਾਂ ਹਨ ਅਤੇ ਹੁਣ ਉਹ ਕੌਮੀ ਪਾਰਟੀ ਬਣ ਗਈ ਹੈ।’’
ਉਨ੍ਹਾਂ ਅੱਗੇ ਕਿਹਾ, ‘‘ਗੁਜਰਾਤ ਦੇ ਲੋਕਾਂ ਨੇ ਇੰਨਾਂ ਪਿਆਰ ਦਿੱਤਾ, ਤੁਹਾਡਾਂ ਸਾਰਿਆਂ ਦਾ ਧੰਨਵਾਦ. ਪਾਰਟੀ ਦੇ ਵਰਕਰਾਂ, ਸਾਰੇ ਦੇਸ਼ਵਾਸੀਆਂ ਨੂੰ ਵਧਾਈ। ਚੋਣਾਂ ਆਉਂਦੀਆਂ ਰਹਿਣਗੀਆਂ, ਅਸੀਂ ਸਿਆਸਤ ਵਿੱਚ ਸੇਵਾ ਕਰਨ ਲਈ ਆਏ ਹਾਂ।’’
ਤਸਵੀਰ ਸਰੋਤ, AAP
ਹਿਮਾਚਲ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਜੈਰਾਮ ਠਾਕੁਰ ਨੇ ਵਿਧਾਨ ਸਭਾ ਚੋਣਾਂ ਵਿੱਚ ਹਾਰ ਸਵੀਕਾਰ ਕਰਦੇ ਹੋਏ ਕਾਂਗਰਸ ਨੂੰ ਵਧਾਈ ਦਿੱਤੀ ਹੈ। ਉਨ੍ਹਾਂ ਕਿਹਾ ਹੈ ਕਿ ਉਹ ਰਾਜਪਾਲ ਨੂੰ ਆਪਣਾ ਅਸਤੀਫ਼ਾ ਸੌਂਪਣ ਜਾ ਰਹੇ ਹਨ।
ਉਨ੍ਹਾਂ ਕਿਹਾ, ‘‘ਮੈਂ ਜਨਤਾ ਦੇ ਫੈਸਲੇ ਦਾ ਸਨਮਾਨ ਕਰਦਾ ਹਾਂ, ਮੈਂ ਧੰਨਵਾਦੀ ਹਾਂ ਕਿ ਸਾਨੂੰ ਪੰਜ ਸਾਲ ਹਿਮਾਚਲ ਵਿੱਚ ਪ੍ਰਦੇਸ਼ ਦੀ ਸੇਵਾ ਕਰਨ ਦਾ ਮੌਕਾ ਮਿਲਿਆ। ਮੈਂ ਵਿਰੋਧੀ ਧਿਰ ਨੂੰ ਵਧਾਈ ਦਿੰਦਾ ਹਾਂ, ਹਿਮਾਚਲ ਪ੍ਰਦੇਸ਼ ਦੇ ਲੋਕਾਂ ਨੂੰ ਵਧਾਈ ਦਿੰਦਾ ਹਾਂ।’’
ਤਸਵੀਰ ਸਰੋਤ, ANI
ਤਸਵੀਰ ਸਰੋਤ, ANI
ਕਾਂਗਰਸ ਦੇ ਸੀਨੀਅਰ ਆਗੂ ਤੇ ਹਿਮਾਚਲ ਪ੍ਰਦੇਸ਼ ਵਿੱਚ ਪਾਰਟੀ ਦੇ ਇੰਚਾਰਜ ਰਾਜੀਵ ਸ਼ੁਕਲਾ ਨੇ ਮੀਡੀਆ ਨਾਲ ਗੱਲ ਕਰਦਿਆਂ ਸੂਬੇ ਵਿੱਚ ਪਾਰਟੀ ਦੇ ਜਿੱਤ ਵੱਲ ਰੁਖ਼ ਕਰਨ ਦਾ ਸਿਹਰਾ ਪ੍ਰਿਅੰਕਾ ਗਾਂਧੀ, ਰਾਹੁਲ ਗਾਂਧੀ ਦੀ ਭਾਰਤ ਜੋੜੋ ਯਾਤਰਾ ਤੇਸੋਨੀਆਂ ਗਾਂਧੀ ਦੇ ਉਤਸ਼ਾਹ ਦੇ ਨਾਲ ਨਾਲ ਪਾਰਟੀ ਪ੍ਰਧਾਨ ਮਲਿਕਾਰਜੁਨ ਖਡਗੇ ਨੂੰ ਵੀ ਕਾਮਯਾਬੀ ਲਈ
ਇੱਕ ਸਵਾਲ ਦੇ ਜਵਾਬ ਵਿੱਚ ਉਨ੍ਹਾਂ ਨੇ ਕਿਹਾ, “ਹਿਮਾਚਲ ਵਿੱਚ ਆਪਰੇਸ਼ਨ ਲੋਟਸ ਦਾ ਕੋਈ ਡਰ ਨਹੀਂ ਹੈ।” “ਅੰਕੜੇ ਅਜਿਹੇ ਹਨ ਕਿ ਉਹ ਲੋਕ ਵੀ ਜਾਣਦੇ ਹਨ ਕਿ ਜ਼ਿਆਦਾ ਕੁਝ ਨਹੀਂ ਕਰ ਸਕਦੇ। ਅਸੀਂ ਪਾਰਟੀ ਦੇ ਵਿਧਾਇਕਾਂ ਦੀ ਬੈਠਕ ਕਰਨ ਤੋਂ ਬਾਅਦ ਫ਼ੈਸਲਾ ਹਾਈਕਮਾਨ ’ਤੇ ਛੱਡ ਦੇਵਾਂਗੇ।”
ਤਸਵੀਰ ਸਰੋਤ, ANI
ਛੱਤੀਸਗੜ੍ਹ ਦੇ ਮੁੱਖ ਮੰਤਰੀ ਭੁਪੇਸ਼ ਬਘੇਲ ਨੇ ਖ਼ਬਰ ਏਜੰਸੀ ਏਐੱਨਆਈ ਨੂੰ ਕਿਹਾ ਕਿ ਹਿਮਚਾਲ ਵਿੱਚ ਕਾਂਗਰਸ ਜਿੱਤ ਪੱਕੀ ਹੈ। ਬਘੇਲ ਹਿਮਚਾਲ ਪ੍ਰਦੇਸ਼ ਚੋਣਾਂ ਲਈ ਕਾਂਗਰਸ ਵਲੋਂ ਓਵਜ਼ਰਬਰ ਵਜੋਂ ਸੇਵਾਵਾਂ ਵੀ ਨਿਭਾ ਰਹੇ ਹਨ। ਇੱਕ ਸਵਾਲ ਦੇ ਜਵਾਬ ਵਿੱਚ ਉਨ੍ਹਾਂ ਨੇ ਕਿਹਾ, “ਸਾਨੂੰ ਆਸ ਸੀ ਕਿ ਸਾਡੀ ਸਰਕਾਰ ਬਣੂੰਗੀ, ਉਹ ਬਣਦੀ ਨਜ਼ਰ ਵੀ ਆ ਰਹੀ ਹੈ। ਸਾਨੂੰ ਆਪਣੇ ਸਾਥੀਆਂ ਨੂੰ ਸੰਭਾਲਕੇ ਰੱਖਣਾ ਪਵੇਗਾ ਕਿਉਂਕਿ ਭਾਜਪਾ ਕੁਝ ਵੀ ਕਰ ਸਕਦੀ ਹੈ।”
ਤਸਵੀਰ ਸਰੋਤ, Getty Images
ਸੂਬੇ ਦੀਆਂ 68 ਵਿਧਾਨ ਸਭਾ ਸੀਟਾਂ ’ਤੇ ਕਾਂਗਰਸ 37 ਤੇ ਭਾਜਪਾ 28 ਉੱਤੇ ਅੱਗੇ ਚੱਲ ਰਹੀ ਹੈ।
ਆਏ ਰੁਝਾਨਾਂ ਦੇ ਆਧਾਰ ਉੱਤੇ ਕਾਂਗਰਸੀ ਆਗੂ ਪਵਨ ਖੇੜਾ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਦੀ ਪਾਰਟੀ ਕਾਂਗਰਸ ਹਿਮਾਚਲ ਵਿੱਚ ਆਪਣੀ ਸਰਕਾਰ ਬਣਾਉਣ ਜਾ ਰਹੀ ਹੈ।
ਖ਼ਬਰ ਏਜੰਸੀ ਏਐੱਨਆਈ ਨਾਲ ਗੱਲਬਾਤ ਵਿੱਚ ਉਨ੍ਹਾਂ ਕਿਹਾ, “ਹਿਮਾਚਲ ਵਿੱਚ ਕੋਈ ਆਪਰੇਸ਼ਨ ਕਮਲ ਜਾਂ ਆਪਰੇਸ਼ਨ ਚਿੱਕੜ ਕੰਮ ਨਹੀਂ ਕਰੇਗਾ। ਹਿਮਾਚਲ ਦੀ ਤਸਵੀਰ ਸਾਫ਼ ਹੋ ਰਹੀ ਹੈ ਤੇ ਅਸੀਂ ਸਰਕਾਰ ਬਣਾਉਣ ਜਾ ਰਹੇ ਹਾਂ।”
ਹਿਮਾਚਲ ਪ੍ਰਦੇਸ਼ ਦੇ ਆ ਰਹੇ ਚੋਣ ਨਤੀਜਿਆਂ ਦੇ ਰੁਝਾਨ ਕਾਂਗਰਸ ਦੇ ਪੱਖ ਵਿੱਚ ਜਾ ਰਹੇ ਹਨ।ਕਾਂਗਰਸ 39 ਸੀਟਾਂ ’ਤੇ ਅੱਗੇ ਚੱਲ ਰਹੀ ਹੈ ਤੇ ਭਾਜਪਾ 26 ਸੀਟਾਂ ’ਤੇ ਜਿੱਤ ਵੱਲ ਵਧਦੀ ਨਜ਼ਰ ਆ ਰਹੀ ਹੈ।ਹਿਮਾਚਲ ਵਿੱਚ ਆਮ ਆਦਮੀ ਪਾਰਟੀ ਹਾਲੇ ਤੱਕ ਆਪਣਾ ਖਾਤਾ ਨਹੀਂ ਖੋਲ੍ਹ ਸਕੀ।
ਰੁਝਾਨਾਂ ਮੁਤਾਬਕ ਭਾਜਪਾ 156 ਸੀਟਾਂ ’ਤੇ ਅੱਗੇ ਤੇ ਕਾਂਗਰਸ 17 ਉੱਤੇ ਜਿੱਤ ਦਰਜ ਕਰਵਾ ਰਹੀ ਹੈ।ਆਮ ਆਦਮੀ ਪਾਰਟੀ ਗੁਜਰਾਤ ਵਿੱਚ 6 ਸੀਟਾਂ ’ਤੇ ਅੱਗੇ ਚੱਲ ਰਹੀ ਹੈ
ਤਸਵੀਰ ਸਰੋਤ, ANI
ਗੁਜਰਾਤ ਵਿਧਾਨ ਸਭਾ ਚੋਣਾਂ ਦੇ ਆ ਰੁਝਾਨਾਂ ਮੁਤਾਬਕ ਭਾਜਪਾ 155 ਸੀਟਾਂ ’ਤੇ ਅੱਗੇ ਚੱਲ ਰਹੀ ਹੈ ਤੇ ਕਾਂਗਰਸ ਹਾਲੇ ਤੱਕ 17 ਸੀਟਾਂ ਤੱਕ ਪਹੁੰਚ ਸਕੀ ਹੈ।
ਇਨ੍ਹਾਂ ਰੁਝਾਨਾਂ ਤੋਂ ਭਾਜਪਾ ਦੀ ਨਜ਼ਰ ਆ ਰਹੀ ਇਤਿਹਾਸਕ ਜਿੱਤ ਬਾਰੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਕਿਹਾ, “ਗੁਜਰਾਤ ਵਿੱਚ ਲਹਿਰ ਸੱਤਾ ਦੇ ਪੱਖ ਵਿੱਚ ਹੈ। ਅਸੀਂ ਗੁਜਰਾਤ ਵਿੱਚ ਨਵਾਂ ਰਿਕਾਰਡ ਬਣਾਉਣ ਜਾ ਰਹੇ ਹਾਂ ਕਿਉਂ ਲੋਕਾਂ ਨੂੰ ਹਾਲੇ ਵੀ ਪ੍ਰਧਾਨ ਮੰਤਰੀ ਮੋਦੀ ’ਤੇ ਪੂਰਾ ਭਰੋਸਾ ਹੈ।”
ਤਸਵੀਰ ਸਰੋਤ, Manish Sisodia/Twitter
ਦਿੱਲੀ ਤੇ ਪੰਜਾਬ ਵਿੱਚ ਭਾਰੀ ਬਹੁਤਮ ਨਾਲ ਸਰਕਾਰ ਬਣਾਉਣ ਤੋਂ ਬਾਅਦ ਹੁਣ ਗੁਜਰਾਤ ਤੋਂ ਆ ਰਹੇ ਰੁਝਾਨਾਂ ਮੁਤਾਬਕ ਆਮ ਆਦਮੀ ਪਾਰਟੀ 7 ਸੀਟਾਂ ਤੋਂ ਅੱਗੇ ਚੱਲ ਰਹੀ ਹੈ। ਹਾਲਾਂਕਿ ਨਤੀਜੇ ਸਪੱਸ਼ਟ ਹੋਣ ਵਿੱਚ ਥੋੜਾ ਸਮਾਂ ਬਾਕੀ ਹੈ ਪਰ ਆਮ ਆਦਮੀ ਪਾਰਟੀ ਨੂੰ ਦੋਵਾਂ ਸੂਬਿਆਂ ਵਿੱਚ ਮਿਲੀ ਵੋਟ ਫੀਸਦ ਪਾਰਟੀ ਨੂੰ ਕੌਮੀ ਪਾਰਟੀ ਦਾ ਦਰਜਾ ਦਵਾ ਸਕਦੀ ਹੈ।
ਮਨੀਸ਼ ਸਿਸੋਦੀਆਂ ਨੇ ਟਵੀਟ ਕੀਤਾ ਹੈ, “ਗੁਜਰਾਤ ਦੀ ਜਨਤਾ ਦੀਆਂ ਵੋਟਾਂ ਨਾਲ ਆਮ ਆਦਮੀ ਪਾਰਟੀ ਰਾਸ਼ਟਰੀ ਪਾਰਟੀ ਬਣ ਰਹੀ ਹੈ। ਸਿੱਖਿਆ ਤੇ ਸਿਹਤ ਦੀ ਸਿਆਸਤ ਪਹਿਲੀ ਵਾਰ ਕੌਮੀ ਸਿਆਸਤ ਵਿੱਚ ਆਪਣੀ ਪਛਾਣ ਬਣਾ ਰਹੀ ਹੈ। ਇਸ ਲਈ ਪੂਰੇ ਦੇਸ਼ ਨੂੰ ਵਧਾਈ।"
ਤਸਵੀਰ ਸਰੋਤ, ANI
ਗੁਜਰਾਤ ਦੇ ਖੇੜਾ ਜ਼ਿਲ੍ਹੇ ਦੀ ਮਹੁਧਾ ਸੀਟ ਤੋਂ ਕਾਂਗਰਸ ਲਗਾਤਾਰ 1975 ਤੋਂ ਜਿੱਤਦੀ ਆ ਰਹੀ ਹੈ। ਭਾਜਪਾ ਜਾਂ ਜਨਤਾ ਦਲ ਇੱਥੇ ਕਦੇ ਵੀ ਖਾਤਾ ਨਹੀਂ ਖੋਲ੍ਹ ਸਕੇ।
ਇਸੇ ਤਰ੍ਹਾਂ ਦਾਹੋਲ ਜ਼ਿਲ੍ਹੇ ਦੀ ਝਾਲੋਦ ਤੇ ਊਨਾ ਸੀਟ ਵੀ ਭਾਜਪਾ ਲਈ ਚੁਣੌਤੀ ਭਰੀਆਂ ਹੀ ਰਹੀਆਂ। ਇੰਨਾਂ ਸੀਟਾਂ ਉੱਤੇ ਭਾਜਪਾ ਉਦੋਂ ਵੀ ਦਬਦਬਾ ਨਹੀਂ ਬਣਾ ਸਕੀ ਜਦੋਂ ਨਰਿੰਦਰ ਮੋਦੀ ਗੁਜਰਾਤ ਦੇ ਮੁੱਖ ਮੰਤਰੀ ਸਨ।
ਚੋਣ ਨਤੀਜਿਆਂ ਦੌਰਾਨ ਸਾਹਮਣੇ ਆਈਆਂ ਕੁਝ ਦਿਲਚਸਪ ਤਸਵੀਰਾਂ
ਤਸਵੀਰ ਸਰੋਤ, ANI
ਤਾਜ਼ਾ ਰੁਝਾਨਾਂ ਮੁਤਾਬਕ ਭਾਜਪਾ 61 ਸੀਟਾਂ ’ਤੇ ਅੱਗੇ ਚੱਲ ਰਹੀ ਹੈ ਤੇ ਕਾਂਗਰਸ 12 ਉੱਤੇ।ਇਸੇ ਤਰ੍ਹਾਂ ਆਮ ਆਦਮੀ ਪਾਰਟੀ 6 ਸੀਟਾਂ ਉੱਤੇ ਅੱਗੇ ਚੱਲ ਰਹੀ ਹੈ
ਦੂਜੇ ਪਾਸੇ ਹਿਮਚਾਲ ਪ੍ਰਦੇਸ਼ ਤੋਂ ਆ ਰਹੇ ਤਾਜ਼ਾ ਰੁਝਾਨਾਂ ਦਰਸਾ ਰਹੇ ਹਨ ਕਾਂਗਰਸ 17 ਸੀਟਾਂ ’ਤੇ ਅੱਗੇ ਚੱਲ ਰਹੀ ਹੈ ਤੇ ਭਾਜਪਾ 11 ਸੀਟਾਂ ਉੱਤੇ ਜਿੱਤ ਵੱਲ ਵੱਧਦੀ ਨਜ਼ਰ ਆ ਰਹੀ ਹੈ।ਹਾਲ ਦੀ ਘੜੀ ਆਮ ਆਦਮੀ ਪਾਰਟੀ ਕਿਸੇ ਵੀ ਸੀਟ ਉੱਤੇ ਅੱਗੇ ਨਹੀਂ ਦਿੱਖ ਰਹੀ।
ਤਸਵੀਰ ਸਰੋਤ, ANI
ਹਿਮਾਚਲ ਪ੍ਰਦੇਸ਼ ਵਿੱਚ ਹੁਣ ਤੱਕ ਹਰ ਪੰਜ ਸਾਲ ਬਾਅਦ ਸਰਕਾਰ ਬਦਲਦੀ ਰਹੀ ਹੈ ਪਰ ਇਸ ਵਾਰ ਚੋਣ ਸਰਵੇਖਣਾਂ ਵਿੱਚ ਭਾਰਤੀ ਜਨਤਾ ਪਾਰਟੀ ਦੇ ਸੱਤਾ ਵਿੱਚ ਬਣੇ ਰਹਿਣ ਦੀਆ ਸੰਭਾਵਨਾਵਾਂ ਪ੍ਰਗਟਾਈਆਂ ਗਈਆਂ ਹਨ।
ਇਸ ਨਾਲ ਭਾਜਪਾ ਨੂੰ ਆਸ ਹੈ ਕਿ ਉਹ ਪੁਰਾਣੇ ਰੁਝਾਨ ਨੂੰ ਬਦਲਣ 'ਚ ਕਾਮਯਾਬ ਰਹੇਗੀ ਪਰ ਦੂਜੇ ਪਾਸੇ ਕਾਂਗਰਸ ਵੀ ਸਪੱਸ਼ਟ ਬਹੁਮਤ ਦੀ ਉਮੀਦ ਕਰ ਰਹੀ ਹੈ।
ਗੁਜਰਾਤ ਵਾਂਗ ਹਿਮਾਚਲ ਪ੍ਰਦੇਸ਼ ਵਿੱਚ ਵੀ ਵੋਟਾਂ ਦੀ ਗਿਣਤੀ ਚਾਲੂ ਹੈ।
ਹਿਮਾਚਲ ਪ੍ਰਦੇਸ਼ ਵਿਧਾਨ ਸਭਾ ਦੀਆਂ 68 ਸੀਟਾਂ ਲਈ 12 ਨਵੰਬਰ ਨੂੰ ਵੋਟਾਂ ਪਈਆਂ ਸਨ। ਹਿਮਾਚਲ ਪ੍ਰਦੇਸ਼ ਦੀਆਂ ਚੋਣਾਂ ਵਿੱਚ ਇਸ ਵਾਰ 75.6 ਫ਼ੀਸਦੀ ਵੋਟਾਂ ਪਈਆਂ। ਹਿਮਾਚਲ ਵਿੱਚ ਚੋਣ ਪ੍ਰਚਾਰ ਦੌਰਾਨ ਵੀ ਭਾਜਪਾ ਅਤੇ ਕਾਂਗਰਸ ਨੇ ਆਪਣੀ ਪੂਰੀ ਤਾਕਤ ਝੋਕੀ ਸੀ।
ਜਿੱਥੇ ਭਾਜਪਾ ਵਲੋਂ ਵੋਟਰਾਂ ਨੂੰ ਦੂਸਰੀ ਵਾਰ ਲੁਭਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਗਈ, ਉਥੇ ਕਾਂਗਰਸ ਨੇ ਆਪਣੇ ਚੋਣ ਮਨੋਰਥ ਪੱਤਰ ਵਿੱਚ '10 ਗਾਰੰਟੀਆਂ' ਦੇ ਵਾਅਦੇ 'ਤੇ ਜ਼ੋਰ ਦਿੱਤਾ।
ਇਸ ਵਾਰ ਹਿਮਾਚਲ ਵਿੱਚ ਆਮ ਆਦਮੀ ਪਾਰਟੀ ਦੀ ਆਮਦ ਨੇ ਇਸ ਮੁਕਾਬਲੇ ਨੂੰ ਹੋਰ ਤਿੱਖਾ ਬਣਾ ਦਿੱਤਾ।
ਇਨ੍ਹਾਂ ਤਿੰਨਾਂ ਸਿਆਸੀ ਪਾਰਟੀਆਂ ਤੋਂ ਇਲਾਵਾ ਬਹੁਜਨ ਸਮਾਜ ਪਾਰਟੀ, ਮਾਰਕਸਵਾਦੀ ਕਮਿਊਨਿਸਟ ਪਾਰਟੀ, ਭਾਰਤੀ ਕਮਿਊਨਿਸਟ ਪਾਰਟੀ ਅਤੇ ਰਾਸ਼ਟਰੀ ਦੇਵਭੂਮੀ ਪਾਰਟੀ ਵੀ ਹਿਮਾਚਲ ਦੇ ਚੋਣ ਮੈਦਾਨ ਵਿੱਚ ਹਨ। ਭਾਜਪਾ ਅਤੇ ਕਾਂਗਰਸ ਦੋਵਾਂ ਵਲੋਂ ਆਪੋ-ਆਪਣੀ ਜਿੱਤ ਦੇ ਦਾਅਵੇ ਵੀ ਲਗਾਤਾਰ ਕੀਤੇ ਜਾ ਰਹੇ ਹਨ।
ਜੇਕਰ ਭਾਜਪਾ ਜਿੱਤ ਜਾਂਦੀ ਹੈ ਤਾਂ ਇਸ ਦਾ ਅਰਥ ਹੋਵੇਗਾ ਕਿ ਉਸ ਨੇ ਸੱਤਾ ਵਿਰੋਧੀ ਰੁਝਾਨਾਂ ਨੂੰ ਹਰਾ ਦਿੱਤਾ ਹੈ ਅਤੇ ਸੱਤਾਧਾਰੀ ਪਾਰਟੀ ਦੇ ਹੀ ਸੱਤਾ ਵਿੱਤ ਰਹਿਣ ਦਾ ਨਵਾਂ ਰੁਝਾਨ ਬਣਾਇਆ ਹੈ।
ਨਿਊਜ਼ ਏਜੰਸੀ ਏਐੱਨਆਈ ਦੀ ਰਿਪੋਰਟ ਮੁਤਾਬਕ ਹਿਮਾਚਲ ਪ੍ਰਦੇਸ਼ ਦੇ ਮੁੱਖ ਚੋਣ ਅਧਿਕਾਰੀ ਮਨੀਸ਼ ਗਰਗ ਨੇ ਜਾਣਕਾਰੀ ਦਿੱਤੀ ਹੈ ਕਿ ਚੋਣ ਕਮਿਸ਼ਨ ਨੇ ਹਿਮਾਚਲ ਵਿੱਚ ਵੋਟਾਂ ਦੀ ਗਿਣਤੀ ਦੇ ਕੰਮ ਲਈ 59 ਥਾਵਾਂ 'ਤੇ 69 ਕਾਊਂਟਿੰਗ ਹਾਲ ਬਣਾਏ ਹਨ ਜਿਨ੍ਹਾਂ ਦੀ ਸੁਰੱਖਿਆ ਲਈ 10,000 ਕਰਮਚਾਰੀਆਂ ਨੂੰ ਤਾਇਨਾਤ ਕੀਤਾ ਗਿਆ ਹੈ।
ਤਸਵੀਰ ਸਰੋਤ, ISTOCK
ਭਾਵੇਂ ਕਰੀਬ ਤਿੰਨ ਦਹਾਕਿਆਂ ਤੋਂ ਗੁਜਰਾਤ ਵਿੱਚ ਭਾਜਪਾ ਦੀ ਸਰਕਾਰ ਰਹੀ ਪਰ ਇਸ ਵਾਰ ਦੀ ਚੋਣ ਲੜਾਈ ਵਿੱਚ ਭਾਜਪਾ ਲਈ ਵੀ ਚੁਣੌਤੀਆਂ ਭਰੀ ਸੀ।
ਹੁਣ ਤੱਕ ਗੁਜਰਾਤ ਵਿੱਚ ਮੁਕਾਬਲਾ ਭਾਜਪਾ ਤੇ ਕਾਂਗਰਸ ਦਰਮਿਆਨ ਹੀ ਰਿਹਾ ਪਰ ਇਸ ਵਾਰ ਆਮ ਆਦਮੀ ਪਾਰਟੀ ਨੇ ਵੀ ਪੂਰਾ ਜੋਰ ਲਾਇਆ।
ਜਿਸ ਦੇ ਚਲਦਿਆਂ ਭਾਜਪਾ ਨੂੰ ਆਪਣਾ ਗੜ੍ਹ ਮੰਨੇ ਜਾਣ ਵਾਲੇ ਸੂਬੇ ਵਿੱਚ ਵੀ ਲੰਬਾ ਤੇ ਜ਼ੋਰਦਾਰ ਚੋਣ ਪ੍ਰਚਾਰ ਕਰਨਾ ਪਿਆ। ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵਲੋਂ ਵੀ ਵੱਡੇ ਪੱਧਰ ’ਤੇ ਚੋਣ ਰੈਲੀਆਂ ਕੱਢੀਆਂ ਗਈਆਂ।
ਇਸ ਦਾ ਇੱਕ ਕਾਰਨ ਆਮ ਆਦਮੀ ਪਾਰਟੀ ਦਾ ਮੈਦਾਨ ਵਿੱਚ ਆਉਣਾ ਤਾਂ ਦੂਜਾ ਕਾਰਨ 2017 ਦੀਆਂ ਵਿਧਾਨ ਸਭਾ ਚੋਣਾਂ ਸਨ ਜਿਸ ਵਿੱਚ ਭਾਜਪਾ 100 ਦੇ ਅੰਕੜੇ ਤੱਕ ਨਹੀਂ ਪਹੁੰਚ ਸਕੀ ਸੀ।ਭਾਜਪਾ ਨੇ 2017 ਵਿੱਚ 99 ਸੀਟਾਂ ਹਾਸਿਲ ਕੀਤੀਆਂ ਸਨ ਜੋ ਕਿ 2012 ਦੇ ਮੁਕਾਬਲੇ 9 ਘੱਟ ਸਨ।
2017 ਵਿੱਚ ਕਾਂਗਰਸ ਨੇ ਆਪਣੇ ਪੈਰ ਕੁਝ ਮਜ਼ਬੂਤ ਕੀਤੇ ਸਨ ਤੇ 77 ਸੀਟਾਂ ਦੇ ਜਿੱਤ ਦਰਜ ਕਰਵਾਈ ਸੀ ਇਹ 2012 ਦੀਆਂ ਚੋਣਾਂ ਦੇ ਮੁਕਾਬਲੇ 16 ਸੀਟਾਂ ਵੱਧ ਸਨ।
ਤਸਵੀਰ ਸਰੋਤ, ani
ਹਿਮਾਚਲ ਦੀਆਂ 68 ਵਿਧਾਨ ਸਭਾ ਸੀਟਾਂ ਦੇ ਨਤੀਜੀ ਵੀ ਅੱਜ ਆ ਰਹੇ ਹਨ। 2017 ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਭਾਜਪਾ ਨੇ 68 ਵਿੱਚੋਂ 44 ਸੀਟਾਂ ’ਤੇ ਜਿੱਤ ਹਾਸਿਲ ਕੀਤੀ ਸੀ ਤੇ ਕਾਂਗਰਸ ਨੂੰ 20 ਸੀਟਾਂ ਮਿਲੀਆਂ ਸਨ।
2012 ਵਿੱਚ ਵਿਧਾਨ ਸਭਾ ਚੋਣਾਂ ਵਿੱਚ ਭਾਜਪਾ ਨੂੰ 38.47 ਫ਼ੀਸਦੀ ਵੋਟ ਮਿਲੇ ਸਨ, ਜੋ 2017 ਵਿੱਚ ਵੱਧ ਕੇ 48.8 ਫ਼ੀਸਦ ਹੋ ਗਏ ਸਨ।
ਇਸ ਦੇ ਉੱਲਟ ਕਾਂਗਰਸ ਨੂੰ ਨੁਕਸਾਨ ਦਾ ਸਾਹਮਣਾ ਕਰਨਾ ਪਿਆ ਸੀ ਉਸ ਦੀ ਵੋਟ ਦਰ 42.81 ਫ਼ੀਸਦੀ ਤੋਂ ਘੱਟ ਕੇ 41.7 ਫ਼ੀਸਦ ਹੋ ਗਈ ਸੀ। ਹਿਮਾਚਲ ਵਿੱਚ ਕੁੱਲ 55.74 ਲੱਖ ਵੋਟਰ ਹਨ ਜੋ ਵੱਖ ਵੱਖ ਪਾਰਟੀਆਂ ਦੀ ਕਿਸਮਤ ਤੈਅ ਕਰਦੇ ਹਨ।
