Cywydd: Ynys

Cywydd: ‘Ynys’ (Ynys Robben)

Er ei roi yng ngharchar hon,
Dau ddegawd nid oedd ddigon
I olau’i wreichion bylu.
Un tân mewn caethiwed du,
Un fflam ddifraw yng nghawell
Ei chaer, yn llosgi'n ei chell.
Ynysig weledigaeth
A nerth oedd ei goelcerth gaeth
Gwawl-dân fel goleudy oedd
I arwain cyfandiroedd,
A goleuad gwlad dan glo
Yn arwydd, hyd caed gwawrio.

Angharad Davies
9.5