Uibhist a Tuath
Fred MacAmhlaigh a' tarraing à tobar an dualchais an tasglann a' BhBC ann an 1987. Fred MacAulay explores the rich folklore recorded by the BBC in the islands and Canada in 1987.
Aig toiseach na bliadhna bha sinn a' comharrachadh ceud bliadhna bha rugadh Fred MacAmhlaigh, Freadaidh Dhòmhnaill Bhàin a' Mhullaich - sàr chraoladair, sgoilear eachdraidh agus canàin, bàrd agus, as cionn a h-uile càil tha sin, fear de mhuinntir Sholais, an Uibhist a Tuath.
A seo tha sinn a' toirt thugaibh sreath phrògraman a rinn e tràth ann an 1987 agus e a' dol dhan tasglann aig Roinn na Gàidhlig aig a' BhBC agus a' taghadh neamhnaidean prìseil às. A seo 's ann na dhùthaich fhèin an Uibhist a Tuath a tha e.
Tha Raonaid NicFhionghain, a' chiad tidsear a bh' aige, ag innse dha mu na làithean tràth aice a' teagasg.
Gheibh sinn Duan a' Mhorair Dhòmhnallaich bho Eòghainn Dòmhnallach.
Tha am bàrd Dòmhnall Dòmhnallach, Dòmhnall Ruadh Chorùnna, ag innse mar a chaidh a leòn sa Chiad Chogadh.
Cluinnidh sinn sgeulachd Leac an Lochlannaich bho Eàirdsidh Macamhlaigh às a' Bhaile Shear agus an sgeulachd An Crodh Mara bho Phàdraig Moireasdan à Griomasaigh.
Tha earrann de Tam o' Shanter, air eadar-theangachadh leis an Dr Alasdair Moireasdan, a thogadh an Dùn Sgealair, air aithris le Aonghas MacLeòid à Malacleit.
Gheibh sinn cuideachd na h-òrain Fraoch à Rònaidh, An Eala Bhàn agus Shiubhlainn Moch Leat.
Last on
Broadcasts
- Mon 1 Dec 202515:30BBC Radio nan Gàidheal
- Wed 3 Dec 202520:00BBC Radio nan Gàidheal
- Sun 7 Dec 202510:00BBC Radio nan Gàidheal
