le Cathy NicDhòmhnaill

Dè bhios aig Fèis Leabhraichean Aye Write am bliadhna? Tha'n fhèis a' tòiseachadh a-màireach, an Glaschu 's a dol chun 16mh dhen mhìos. Tha Maureen NicLeòid a' toirt sùil air na bhios a dol. 's i fhèin an sàs 's an fhèis cuideachd.

An tèid cur às dhan sgeama 's a bheil luchd-obrach a leigeal seachad cuibhreann de thuarastal 's an companaidh ga bheil iad ag obair, ga chuir ris a pheinnsean aca? Sin aon de na rudan a dh' fhaodadh a bhith fainear dhan Seansailear, Rachel Reeves, 's a Bhuidseat nàiseanta aig deireadh na mìos. Tha an t-eòlaiche ionmhais, Dòmhnall Màrtainn a' toirt sùil air dè dh' fhaodadh a bhith air fàire, 's dè tha sin a' ciallachadh dhuinn.

'S e Dòmhnall Iain MacLeòid, Cèiliche na Seachdain. 'S ann as Na Hearadh a tha Dòmhnall Iain ach e a tàmh an Inbhirnis. Bha 40 bliadhna ga chomharrachadh an uiridh bhon a thòisich foghlum tro mheadhan na Gàidhlig an Alba. Bha Dòmhnall Iain gu mòr an sàs ann a bhith stiùreadh chùisean aig an àm agus a' leudachadh foghlum tro mheadhan na Gàidhlig - rud a thug eòlas mhath air A' Ghàidhealtachd 's air an dùthaich air fad.