Hiort

Aig toiseach na bliadhna bha sinn a' comharrachadh ceud bliadhna bha rugadh Fred MacAmhlaigh, Freadaidh Dhòmhnaill Bhàin a' Mhullaich - sàr chraoladair, sgoilear eachdraidh agus canàin, bàrd agus, as cionn a h-uile càil tha sin, fear de mhuinntir Sholais, an Uibhist a Tuath.

A seo tha sinn a' toirt thugaibh sreath phrògraman a rinn e tràth ann an 1987 agus e a' dol dhan tasglann aig Roinn na Gàidhlig aig a' BhBC agus a' taghadh neamhnaidean prìseil às. A seo 's ann air Hiort a tha a shùil.

Ann an 1971 thill Lachlainn Dòmhnallach a Hiort airson a' chiad uair an dèidh dha an t-eilean fhàgail ann an 1930 nuair a dh'fhàg an sluagh gu lèir an eilean. Cluinnidh sinn an còmhradh a bh' aig Fred leis fhads a bha iad air an eilean.

Ann an aon de na clàraidhean as sine a th' againn ann an Gàidhlig aig a' BhBC, tha Dòmhnall Iain Fearghasdan ag innse mar a thàinig bàt'-aigeil Gearmailteach a-steach a Bhàgh Hiort aig toiseach a' Chiad Chogaidh agus a chuir i às dhan stèisean rèidio a bh' aca a sin. Chaidh a chlàradh ann an 1937.

Agus gheibh sinn criomag den chòmhradh a chlàr chlàr Fionnlagh J Dòmhnallach ann an 1949 còmhla ri Anna NicIllÌosa a bha air Hiort fhàgail ann an 1930 agus air a dhol a dh'fhuireach dhan Mhorbhairne.

Cuinnidh sinn cuideachd 'Tuireadh nan Hiortach', 'Mo ghaol Òigfhear a' Chùil Duinn' agus 'Cleite Gàdaig'.