Dealbhan à baile Inbhir Nis agus sràidean falamh

Dè na h-atharraichidhean as mòtha ris an do mhothaich sibh anns na bailtean agaibh anns na seachdainean a dh’ fhalbh? Rathaidean gun chàraichean, na h-eoin a’ ceilearaich, beathaichean far nach robh sibh a’ faicinn beathaichean ròimhe? Tha Calum MacIlleathain air a bhith a’ togail dhealbhan ann an Inbhir Nis gus an t-àm annasach seo a chlàradh. Innsidh e dè a tha e air a bhith a’ faicinn agus mu na dòighean as fhèarr dealbhan a thogail.
Tha Calum MacConail air ais còmhla rinn is e a’ toirt thugainn an taghadh as fhèarr de na chunnaic e air na meadhainean-sòisealta an t-seachdain ‘sa.
Agus ciamar a tha taighean-cluiche na dùthacha a’ dèileigeadh ri staing a’ Choròna-bhìoras? Bruidhinnidh sinn ri Muireann Kelly mu na dùbhlain a tha romhpa agus dè tha na diofar chompanaidhean a’ dèanamh. bbc.co.uk/feasgar