Mar a dh'fhaodadh bàrdachd a bhith na thaic aig amannan duilich

Bheir bàrdachd cofhurtachd dhuinn aig àm dhen t-seòrsa seo. Sin a thuirt Sàr Bhàrd Bhreatainn, Simon Armitage an t-seachdainn s', 'is e ag ràdh gu bheil bàrdachd a' toirt air daoine iad fhèin a shocrachadh agus a bhith a' meòrachadh.

An-diugh , tha sinne toirt sùil air saoghal nam bàrd fhèin. Dè bhios gam brosnachadh gus peann a chuir ri paipear, cò as a tha 'd a' faighinn smuaintean agus ciamar a tha 'd a' toirt cruth orra?

Tha sgrìobhaichean 's dòcha beagan air thoiseach air càch aig an àm seo, 's iad eòlach air a bhith ag obair leòtha fhèin. Ciamar a tha iadsan a’ dèiligeadh ris a seo agus am feum nàdar sònraichte a bhith agad air a shon?

Cluinnidh sinn bho dhiofar dhaoine a tha air rudan a sgrìobhadh, gu h-àraid bàrdachd sa Ghàidhlig. Gheibh sinn a-mach mar a tha iad fhèin a’ faighinn air adhart glaiste a-staigh. Ciamar a tha an obair aca air atharrachadh thairis air na seachdainean a dh'fhalbh agus dè an seòrsa comhairle a bheireadh iad air daoine a tha aig an taigh agus an dùil rudeigin a sgrìobhadh?

Ceòl bho Belle & Sebastian, Florence & The Machine, The Verve is eile.
www.bbc.co.uk/feasgar