Beachd air film ùr Ken Loach Sorry We Missed You

Nochd dragh an t-seachdain 'sa nach eil dotairean a' toirt an aire tràth gu leòr gum faodadh cruachan leanabain a bhith mach à àite. 'Se Hip Dysplasia a chanar ris an seo agus tha e a' toirt buaidh mhòr air cumadh a chruachain fhad ’sa tha leanabh a fàs. An-diugh tha Maureen NicLeòid a’ bruidhinn ri Donnie MacAoidh a tha ag innse dhith mar a thachair dhaib’ fhèin nuair a rugadh an nighean bheag aca.

Gheibh sinn beachd bho Seona NicLintock air film ùr Ken Loach, Sorry We Missed You . Tha an sgeulachd stèidhichte air a’ bhuaidh a tha e a' toirt air daoine nuair nach eil cùmhnant-obrach maireannach aca.

Agus tha an dealbhaiche-aodaich Sandra Mhoireach air ais bho turas gu math spèisealta agus pearsanta ann n New York. Thèid leabhar fhoillseachadh ann an Lunnainn aig deireadh na mìos anns a bheil Sandra a’ faighinn àite dhith fhèin. Bha taisbeanadh co-cheangailte ris an leabhar ann an New York agus cluinnidh sinn bhuaipe fhèin mu dè bha dol.

Ceòl bho Kaiser Chiefs, Maisie Stella, John Newman is eile . www.bbc.co.uk/feasgar