Fios mu dheidhinn Seusan Purdah

Tha Seusan Purdah a’ tòiseachadh a-màireach agus mairidh e gun an dàrna latha deug den Dùbhlachd gus am bith an taghadh choitcheann seachad. Tha seo a' ciallachadh gu bheil tòrr riaghailtean ma choinneamh luchd craolaidh agus luchd obrach an t-seirbheis shìobhalta. Tha Mìcheal MacNèill a' mìneachadh cò air a bheireas Purdah buaidh agus dè na riaghailtean a tha ann.
Tha an àireamh de luchd-turais a tha a’ tadhal air na h-Eileanan Fàclannach air a dhol suas am bliadhna agus as dèidh ceanglaichean ùra le Sao Paolo ann am Braisil tha a h-uile coltas ann gu lean na h-àireamhan seo ‘san àm ri teachd. Ach carson a tha daoine cho dèidheil air na h-Eileanan seo? Tha Eòghainn MacCoinnich ag innse mu na beathaichean sònraichte a chithear timcheall na h-Eileanan seo
Tha am prògram telebhisean Gavin & Stacey a’ tilleadh aig àm na Nollaig airson aon phrògram sònraichte. Bha Gavin & Stacey ri fhaicinn air BBC a h-aon eadar 2007 agus 2010 agus seo e a’ tilleadh chun telebhisean son a’ chiad uair on uairsin.
‘S iomadh prògram telebhisean soirbheachail a tha air tilleadh thairis na bliadhnaichean – tha David Jason an dràsta ri fhaicinn ann a ‘Still Open All Hours’, sreath a tha a’ leantainn bhon phrògram Open All Hours – ach dè na prògraman a chòrdadh a ribh faicinn air ais an telebhisean a-rithist?
Ceòl bho Gerry Cinnamon, Coldplay agus Patrick Watson. bbc.co.uk/feasgar