Cuiridh Mac'illeMhìcheil an deireadh sheachdain air a chasan

Dà uair a thìde de chòmhradh agus ceòl air leth, còmhla ri Iain Mac'illeMhìcheil, a' craoladh beò à stiùidio a' BhBC ann an Glaschu. An t-seachdain sa, ‘s i Rhona NicDhùghaill a bhios na chuideachd. ‘S ann às an Òban a tha Rhona, ged a tha i air ùr ghluasad a Ghlaschu. Tha i air a bhith ag obair grunn math bhliadhnaichean ann an leasachadh na h-ealain, cultur, agus leasachadh na Gàidhlig sa choimhearsnachd. Tha i air obrachadh aig Comunn na Gàidhlig agus anns an roinn saor-thoileach. Bha i greis cuideachd an sàs san Glasgow Women’s Library, a’ trusadh agus a’ trèanadh saor-thoilich. Tha ùidh mhòr aig Rhona ann an dràma, agus tha i air a bhith ceangailte ri iomadh pròiseact na luib, ag obair le òigridh agus le fògarraich. Bho chionn ghoirid, thòisich ì air dreuchd ùr pàirt ùine na Co-òrdanaiche aig Theatre gu Leòr, stèidhichte am Partaig, Glaschu.
Cluinnidh sinn seanchas Rhona, agus ceithir de na roghainnean ciùil pearsanta aice.
Mar as àbhaist cuideachd, bidh measgachadh math de sheinneadairean is còmhlain aig Mac'illeMhìcheil fhèin dhuinn. Tha iad sin uile air an taghadh eadar Country, Americana is ceòl tradiseanta, le seann òrain agus feadhainn a tha buileach ùr air an clàradh.