Sìne NicIlleathain à Uibhist a Deas

Dà uair a thìde de chòmhradh agus ceòl air leth, còmhla ri Iain Mac'illeMhìcheil, a' craoladh beò à stiùidio a' BhBC ann an Glaschu. An t-seachdain sa, ‘s i
Sìne NicIlleathain, à Uibhist a Deas a bhios na chuideachd. Tha Sìne air a dachaidh a dhèanamh ann an Glaschu, airson còrr agus 40 bliadhna.
Tha i ag obair làn-thìde na Neach-taice Thràth Bhliadhnaichean eadar Peairt agus na Crìochan, airson Bòrd na Gàidhlig. A bharrachd air a sin bithidh i a’ teagasg clasaichean Gàidhlig do dh’inbhich troimh Foghlam Choimhearsnachd. Na cuid ùine shaor, ‘s toigh leatha a bhith a’ dol a-mach còmhla ri a teaghlach agus caraidean. Cluinnidh sinn seanchas Shìne, agus ceithir de na roghainnean ciùil pearsanta aice.
Mar as àbhaist cuideachd, bidh measgachadh math de sheinneadairean is còmhlain aig Mac'illeMhìcheil fhèin dhuinn. Tha iad sin uile air an taghadh eadar Country, Americana is ceòl Ceilteach, le seann òrain agus feadhainn a tha buileach ùr air an clàradh.