Coinneach aig Rannsachadh na Gàidhlig ann an Dùn Èideann

An-diugh cothrom eile èisteachd ri Coinneach a’ bruidhinn ri iomadach Gàidheal eadar-dhealaichte anns an dàrna prògram bho Rannsachadh na Gàidhlig. Chaidh a’ cho-labhairt a chumail an uiridh ann an Dùn Èideann, an deicheamh turas a tha a’ cho-labhairt air a bhith air a cuir air dòigh.

Am measg nan cuspairean air am bi e a’ cagnadh tha tubaist na h-Iolaire ann am bàrdachd is litreachas na Gàidhlig; mar a tha iasgairean a’ stòradh briathrachas agus dualchas anns na h-eileanan; an dòigh sa bheil bàrdachd baile air droch mheasadh fhaighinn bho ollamhan anns na bliadhnaichean mu dheireadh; a’ Ghàidhlig ann an litreachas Shealainn Nuaidh; agus na ghabhas ionnsachadh bho mar a thathas a’ sgrùdadh cor nam mion-chultaran Afraganach, Àisianach is tùsanach a dh’fhuiling fo ìompaireachdan Eòrpach. bbc.co.uk/coinneach