Àite nam Boireannach sna Stàitean Aonaichte

Bha luchd-leantainn Hillary Clinton gu math dòchasach gu robh iad, airson a' chiad uair riamh dol a dh'fhaicinn boireannach na ceann-suidhe air Ameireagaidh, ach mar tha fios againn fhuair iad briseadh dùil san t-Samhain an uiridh nuair a b'e Dòmhnall Iain Trump a chaidh a thaghadh mar cheann-suidhe.

Dh'fhàg an co-dhùnadh sin tòrr mì-thoileachas am measg muinntir nan Stàitean Aonaichte, gu h-àraidh am measg nam boireannach a bha fada an aghaidh Mgr Trump.

Bha mòran airson na beachdan agus na faireachdainnean aca a thoirt gu aire an t-saoghail agus le sin thàinig na mìltean aca còmhla gu ruige Washington, dìreach là às dèidh do Dhòmhnall Trump dreuchd a' chin-suidhe a ghabhail os làimh agus bha caismeachd air leth soirbheachail aca.
Fhuair Maureen NicLeòid an cothrom a dhol nam measg.