Tommy MacAsgaill agus Mìcheal Hill

Ann an Leugh Mi tha Anna Nicleòid a' còmhradh ri dithis neach mu na trì leabhraichean as fheàrr leotha agus a' faighinn a-mach barrachd mum beatha.

Anns a' phrògram mu dheireadh dhen t-sreath bidh Tommy MacAsgaill, a thogadh san Eilean Sgitheanach ach a tha an-diugh a' fuireach ann an Lunnainn, a' bruidhinn mu na ùirsgeulan as fheàrr leis, eadar Daphne du Maurier agus Stephen King. Cluinnear cuideachd mun sgrìobhadh aige fhèin airson an àrd-ùrlar.

Tha Mìcheal Hill cuideachd a' fuireach ann an Lunnainn agus tha an obair aigesan cuideachd ga thoirt am measg actairean. Bidh e a' bruidhinn cuideachd air an leabhar a thug air cùrsa a bheatha atharrachadh gu tur!

A bharrachd air bruidhinn mu na leabhraichean as fheàrr leotha, tha gach duine air aon dhiubh sin a mholadh dha chèile airson a leughadh agus gheibh sinn a-mach anns a' phrògram co-dhiù an do chòrd na leabhraichean riutha no nach do chòrd!