22/07/2016

Dà uair a thìde de shàr cheòl is còmhradh cuide ri Iain Mac 'ille Mhìcheil, a' craoladh beò à stiùdio a' BhBC ann an Glaschu. Bìth Iain a' cur fàilte an t-seachdainn sa air Calum Macleòid, a rugadh sa thogadh ann an Inbhir Nis. Tha freumhan teaghlaich aige, am Barraigh. Nuair a bha Calum 16, ghluais a theaghlach a Dhun Èideann.
Thug è greis ag obair ann am margaidheachd, mus do roghnaich è gu robh barrachd ùidh aige ann an sgrìobhadh is poileataigs. An dèidh sin chaidh è gu Oilthigh Ghlaschu far an do rinn è ceum ann an Gàidhlig. Ghabh e pàirt ann an Sgeama Còmhnaidh nan Oileanach an sin. Ann an 2011, thòisich Calum ag obair pàirt-ùine airson Ball Phàrlamaid na h-Alba agus lean e air anns an dreuchd sin, a' dol làn ùine nuair a cheumnaich e ann an 2013.
Bìth Calum a' sgrìobhadh cuideachd. Tha e air a bhith ri bàrdachd airson beagan bhliadhnaichean, agus a' sgrìobhadh sgeulachdan ghoirid. Ann an 2014, choisinn e Duais nan Sgrìobhadairean Ùra; sgeama Urrais Leabhraichean na h-Alba agus Comhairle nan Leabhraichean. Tha è air a bhith ag obair air nobhail air am bìth e cuir crìoch a dh'aithghearr.
Cluinnidh sinn seanchas Chaluim, a bharrachd air ceithir de na taghaidhean ciùil pearsanta aige. Mar is àbhaist cuideachd, bith measgachadh math de cheòl is òrain air a thaghadh dhuinn le Iain fhèin, a' toirt a-steach cuid de na guthan 'country' is fheàrr a th'ann.