Morna Butcher a tha air chèilidh

Dà uair a thìde de shàr cheòl is còmhradh cuide ri Iain Mac 'ille Mhìcheil, a' craoladh beò à stiùdio a' BhBC ann an Glaschu. Tha Iain a' cur fàilte an t-seachdain s'a air Morna Butcher. Thogadh i san Eilean Sgitheanach agus tha ì air a bhith fuireach ann an Glaschu mu cheithir bliadhna deug. Rinn Morna ceum ann an Gàidhlig. Bha ì ag obair greis aig a' BhBC, agus an uairsin aig Bòrd na Gàidhlig. Bho chionn dà bhliadhna, leig ì seachad a dreuchd agus thòisich i air trèanadh a dhèanamh mar Leasaiche Cainnt is Cànain aig Oilthigh Shrath Chluaidh. Tha i dìreach air crìoch a chuir air an dàrna bliadhna agus tha dà bhliadhna eile aice ri dhèanamh. A thaobh cur-seachadan 's toil le Morna a bhith a' leughadh, a' dol dhan taigh-dhealbh, a' fuaigheil is a' còcaireachd. Tha ì cuideachd air tòiseachadh air ruith bho chionn ghoirid. Cluinnidh sinn seanchas Mhorna, a bharrachd air ceithir de na taghaidhean ciùil pearsanta aice. Mar is àbhaist cuideachd, bith measgachadh math de cheòl is òrain air a thaghadh dhuinn le Iain fhèin, a' toirt a-steach cuid de na guthan 'country' is fheàrr a th'ann.