Uiseag Bharraigh - A' Cuimhneachadh Flòraidh NicNèill

Dh'eug Flòraidh NicNèill air an 15mh là den mhìos, a' fàgail beàrn mhòr na teaghlach agus ann an dualchas nan Gàidheal. Anns a' phrògram seo tha Cathy NicDhòmhnaill a' cuimhneachadh air te air a robh meas aig mòran agus a bhios ag ionndrainn a guth agus a pearsa. Cluinnidh sinn còmhradh a rinneadh le Flòraidh fhèin, agus bho luchd-eòlaich, mu beatha, mar a ghabh i ùidh anns na h-òrain aig aois gu math òg agus mun bhuaidh a bha gu bhith aig a seo oirre airson a' chòrr dhe beatha.

B' e 'Uiseag Bharraigh' a thug an sagart ainmeil Mgr Iain Dhonnchaidh, Fr John MacMillan, air Flòraidh NicNèill, Flòrag an Tàilleir, an dèidh dha a guth binn a chluinntinn airson a' chiad uair agus i a' seinn na h-òige aig cèilidh ann am Barraigh. 'S iomadh turas thar nam bliadhnaichean a sheinn 'Uiseag Bharraigh' air an àrd-ùrlar anns an dùthaich seo agus thall thairis a' cumail beò an dualchas phrìseil a fhuair i na h-òige a' fàs suas air an Leideig ann am Barraigh.